Ɨ̀fàʼì 19:21 - Ikan feg

²¹ Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Meta’

²¹ Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 19:21 ပူးပေါင်းရင်းမြစ်များ

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 18:12

Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 18:21

Si ya gha, anyumə̀ ne wì ya nɔ̀ʼi se ghò yi, wì ya kàʼ awɔb gha, “Ŋwiye mə bḛ, mə biri ywiri yeʼe mùg awən.” Anyumə̀ ne wì ya gha ane, wì ya nyi inga abaŋ igyi nɔ̀ʼ a Efesùs.

Ɨ̀fàʼì 19:22

Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Ɨ̀fàʼì 19:29

Kwàʼ ati, àbùrì kyen ya ko inga asiŋi ze ajìm. Mbi ya gwì Gayòs tì Àristakùs. À ya mbɔb mbe ne ya nɔ̀ʼi a Màsèdonìyà ne yaya yḛ̀ tì Pɔl. Mbi ya sìmì awɔb ghò igun ìsàmi kyen ze inga aben ze.

Ɨ̀fàʼì 20:16

Pɔl ya dèb ni chè yi a Efesùs imbə̀ʼ icheg ne chəyi məd ya kə̀bi ni chìkì nyumə̀ inga aba aben ze a Esìyà. Wì ya dèb ane imbə̀ʼ icheg ne məd ya kə̀b ni zàmbì pè a Jèrusalèm bɔŋ aneg Pentekɔ̀d se kòʼò.

Ɨ̀fàʼì 20:22

Amad anìŋ, Azwighi Ŋwiye fə ghì gha mə mə̀nyìʼ ghò a Jèrusalèm. Si ya gha, chəyi mə̀ kyeri anug ne biri ghì amə angu.

Ɨ̀fàʼì 21:17

Anyumə̀ ne tì ya pe a Jèrusalèm, ìmba məfi mbe ne tì yaʼi ane ifɔti tì Kristo, ya niŋ awa kwàʼ ane igyendi.

Ɨ̀fàʼì 21:4

Tì ya pè angu bàd bəd mɔ̀ʼɔ ne yaʼi mə̀mə̀nənùg Kristo. Tì ya chughi angu abɔ̀ʼ inɔb ane ineg ìsàmbe. Azwighi Ŋwiye ya ghì mə̀mə̀nənùg mbe ghà abə Pɔl gha imbə̀ʼ wì gho yi a Jèrusalèm ka.

Ɨ̀fàʼì 23:11

Àsi izimi we, Anɔŋisəg ya dù təm iban Pɔl ghà ibo gha, “Imbə̀ʼ àghò bɔ awe ka. Kwàʼ icheg ne àghò ghàmi imbə̀ʼ amə a Jèrusalèm aŋa, àghò biri bə ghàm imbə̀ʼ amə a Rom.”

Ɨ̀fàʼì 27:1

Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 27:24

ghà inum gha, ‹Pɔl, imbə̀ʼ àghò bɔ awe imbə̀ʼ icheg ne àghò bèrì ni ghò təm imbìghè abə Kayisà. Nḛ! Ŋwiye fə ghì ìchɔ̀mì ine. Ane, wì fə bə̀ ghì gha bəd məjìm mbe ne yḛ̀ tì ine mbe tḛ̀.›

Ɨ̀fàʼì 28:16

Anyumə̀ ne tì ya pe a Rom, mbi ya sàŋì Pɔl gha wì chughi yi ane ìwi ighəm. Wì yaya chùghə tì sogyì we ne yaya nə̀ngə aməd.

Rm 1:11

Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

Rm 1:13

Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Rm 1:15

À ya aton ze ne mə kə̀bə̀ ni chètì ikən chɔm gho̰ inən mbə̰ bəd ne yaʼi a Rom.

1 Kɔrèn 16:5

Mə kə̀b ni yèʼe inən, si ya gha, mə biri chè a Màsèdonìyà bɔŋ se yèʼe imbə̀ʼ icheg ne mə mənyìʼ chè angu.

1 Kɔrèn 4:19

Tesiʼ ya gha, Anɔŋisəg mə̀ bḛ, nji chəyi agha biri sà mə ywìrì yèʼe abɔ̀ʼ inən. Mə mə̀ yèʼe, mə biri pè nwèndi inug mbe ne bəd mbe ne ghàmà nɔ̀rɔ̀ nyɔd mbe ghà, bə̀ nwèndi ika we ne mbɔb beri.

2 Kɔrèn 10:16

Ze mə̀ yaʼ ane, tì we tì tì bə ghà ikən chɔm gho̰ inga iba iben ndəŋ. Chəyi tì kəbi ni kɔ̀m igo imbə̀ʼ àfàʼì ne wə̀d ndəŋ fə fàʼi inga ìwɔb ichug àfàʼì.

Gàlesìyà 2:1

Ane tituʼ ìghum chɔ̀b ikwè ya fə che, mə̀ ya bə̀ ywìrì kɔʼ ghò a Jèrusalèm. Mə ya ghò tì Bànabàs ane gho̰ tì ighəm. Mə ya bə̀ niŋ Tayitùs tì fɔrɔ ghò inɔn.

1 Tèsàlonikà 1:7

Ane, bəd məjìm mbe ne ya bḛ Yeso inga Màsèdonìyà fɔrɔ inga Akìyà, mbɔb mbe se nàna ìwən ikuchèg.