Ɨ̀fàʼì 18:5 - Ikan feg

⁵ Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Meta’

⁵ Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 18:5 ပူးပေါင်းရင်းမြစ်များ

Lk 12:50

Si ya gha, mə bèrì mənib mɔ̀ʼɔ ni niŋ. Chəyi ìmə fìŋ biri chughi ane àbɔrɔ̀bɔd anene mə niŋ mənib mbe.

Lk 16:28

imbə̀ʼ icheg ne mə beri ìmbum məfi məta̰. Tɔm aməd wì gho pàtì awɔb imbə̀ʼ mbi ghum nɔ̀ʼ yèʼe inga asiŋi ichə aŋa.›

Jn 1:41

Icheg ne Andrò ya bàra Yeso, wì ya bə̀ndì ghò kwàʼ ati ghò kə̀b Sayimùn ne yaʼi ifi məd, ghà ibo gha, “Tè bàd Wə̀d we ne Ŋwiye zɔ̀ʼi.”

Jn 10:24

Mə̀Ju ya kad məd chuʼ, se bìre ibo gha, “Aton ne àghò we kiri saŋa awa gha tì ya jə̀mə̀ wə̀d ne àghò yaʼi ìwiwən àkə gha? Àghò mə yaʼ Wə̀d we ne Ŋwiye zɔ̀ʼi, fə gha ina asaŋ asaŋ.”

Jn 15:27

Mbə̰ inən biri bə̀ tòʼrì inug imbə̀ʼ amə abə bəd imbə̀ʼ icheg ne, mbə̰ ya yaʼ abɔ̀ʼ inum, nɔ̀ʼ ane nyumə̀ ne, mə̀ ya ko àmə àfàʼì.”

Jn 3:28

Mbə̰ ya yaʼ awən angu anyumə̀ ne mə̀ ya gha, ‹Mo kayi Wə̀d we ne Ŋwiye zɔ̀ʼi. Mo ya wə̀dtɔm ne Ŋwiye ya cha ibo imbìghè.›

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 16:9

Àsi izimi we, anatì njə̀m mɔ̀ʼɔ ya chè Pɔl. Wì ya bàd mbaŋà mɔ̀ʼɔ inga anatì njə̀m ze ne ya təmi se bòʼo ibo ghà ibo gha, “Bani yèʼe wètì awa a Màsèdonìyà.”

Ɨ̀fàʼì 17:3

Wì ya tòʼrì Ìngam Ŋwiye inɔb chwi icheg ne Wə̀d we ne Ŋwiye zɔ̀ʼi biri zə̰ ngəʼ, ku, Ŋwiye zwèmni aməd ane iwu. Pɔl ya chè imbìghè ni ghà inɔb gha, “Yeso gho̰ ne mə ghàmà inən imbə̀ʼ aməd anìŋ ya Wə̀d we ne Ŋwiye zɔ̀ʼi.”

Ɨ̀fàʼì 18:28

Wì ya tàŋ inug mbe ne mə̀Ju yaya ghà imbìghè abə inɔ̰ bəd. Wì ya tàŋ ane, chwi inɔb inga Àŋwàʼrì Ŋwiye gha, Yeso ya Wə̀d we ne Ŋwiye zɔ̀ʼi.

Ɨ̀fàʼì 2:36

Ane, mə̀Izre məjìm kyeri gha, à ya kwàʼ tesiʼ gha Ŋwiye fə nɔ̀ŋì Yeso gho̰ ne mbə̰ ya kɔ̀mbi igun azed abaʼri ane Anɔŋisəg bə̀ fɔrɔ ane Wə̀d ne wì zɔ̀ʼi.”

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 20:23

Anug ne Azwighi Ŋwiye ghi mə kyeri ya gha, nəb ndəŋ fɔrɔ ngəʼ te ghɔ̀mɔ̀ amə inga tikye aben ijìm ne mə ghò.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 4:20

Mbə̀ kyeri gha chəyi tì biri ton ni chètì anug ne tì bari bə̀ zug.”

Ɨ̀fàʼì 9:22

Tesiʼ ya gha, aziŋ ìngam ne Sɔl yaya ghàmà yaya kà ghò gho imbìghè. Wì ya kubi məchug abə mə̀Ju mbe ne yaya chùghə a Dàmaskòs icheg ne wì yaya tòʼrò inga Àŋwàʼrì Ŋwiye ze dùwə̀ zḛ gha Yeso ya Wə̀d we ne Ŋwiye zɔ̀ʼi.

2 Kɔrèn 1:19

À ya ane ne Yeso Kristo bə yaʼ. Məd ya Ŋwan Ŋwiye we ne mo tì Sìvanòs fɔrɔ Timotì ya ghàmi inən imbə̀ʼ aməd. Chəyi məd we gha “E” ywìrì nɔ̀ʼ gha “Indèʼ.” Məd ya fàʼà inug ijìm ne Ŋwiye kàʼi.

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 5:14

Aghi ze ne tḭ̀yḛ awa chà imbìghè ya igyendi imbə̀ʼ icheg ne Kristo kɔ̀ŋi awa. Tè kyèri ane imbə̀ʼ icheg ne wə̀d imɔʼ ya ku igun atog abə bəd məjìm. Ane, bəd məjìm fə bə̀ ku.

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Tèsàlonikà 3:6

Timotì chere pè abɔ̀ʼ ina icheg ne wì nɔ̀ʼi abɔ̀ʼ inən. Wè ghà inug chɔm ina imbə̀ʼ ìwən ibḛfiŋ fɔrɔ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi. Wì bə̀ mə̀tì icheg ne mbə̰ mbe kɔ̀ndɔ awa bə̀ wènde ìmba inug chɔm. Wè mə̀ti icheg ne mbə̰ mbe kə̀bə̀ ni bàd awa icheg ne mba mbe bə̀ kə̀bə̀ ni bàd awən.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.