Ɨ̀fàʼì 18:3 - Ikan feg

³ Àzɔb atog àfàʼì yaya ni tangi gɔb bə̀ kɔd izuŋ. Pɔl ya pè chùghi tì inɔb imbə̀ʼ icheg ne wì ya bə̀ kyèri icheg tangi gɔb bə̀ kɔd izuŋ. Ane, wì yaya se fàʼà tì inɔb.

Meta’

³ pè chubɨ mbɨ mɨ̀mə̌d ɨmbə̀ʼ ɨghəm nɨ mbɨ nyaʼa berɨ əbɔ ə̀fàʼì ə mɔʼ. Wɨ̀ nyaʼa chubɨ bə̀ fàʼə̀ mbɨ mɨ̀mə̌d. Əbɔ ə̀fàʼì mɨ̀mə̌d yɨə nyaʼa nɨ tekɨ gôb te nɨ mbɨ nyaʼə kod mɨŋwenɨ əŋgu.

Ɨ̀fàʼì 18:3 ပူးပေါင်းရင်းမြစ်များ

1 Kɔrèn 4:12

Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

1 Kɔrèn 9:14

À ya bə̀ icheg ne Anɔŋisəg fə gha gha, bəd mbe ne chètè ikən chɔm imbə̀ʼ Kristo, mbe jəg ane ikən chɔm we.

1 Kɔrèn 9:15

Si ya gha, chəyi mə̀ nɔŋi fìŋ igun ighi mbe ne ya àmə ati ni biri. Chəyi mə̀ ŋwàʼri inug mbo̰ tì ikɔndi mɔ̀ʼɔ gha mbə naʼa ighi mɔ̀ʼɔ inum. Sɔ̀mɔ ane mə̀ sami anug ni kɔ̀m igo imbə̀ʼ awən, mə ku. Anug ne mə kɔ̀mɔ̀ igo ya gha, mə chètì ikən chɔm imbə̀ʼ Kristo inən ne chəyi mbə̀ nàʼi aghi mɔ̀ʼɔ inum.

1 Kɔrèn 9:18

Ane, àmə chùd kə iye? À ya gha mə chètì ikən chɔm ne chəyi wə̀d nàʼi aghi mɔ̀ʼɔ inum, ne chəyi mə̀ bə nèn igun àmə ati ze ne bəd beri ni nàʼ ighi inum.

2 Kɔrèn 11:7

Icheg ne mə̀ ya swi ìmə nyɔd aseg ni nàʼ ighumni inən anyumə̀ ne mə̀ yaya chètì ikən chɔm inən ne nɔʼi abə Ŋwiye, à wa kə anug ne mə̀ ya gùghi?

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 12:13

Aton ne mbə̀ kɔndi gha tifeti bəd Kristo ndəŋ bèrì ati chè awən àkə gha? Chèyi gha chəyi mə̀ ya yaʼi icheg mbèʼ igun. Àze mə bə, mbə̀ waʼ àmə anug tibɔ̀ŋ.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Tèsàlonikà 4:11

Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən.