Ɨ̀fàʼì 18:27 - Ikan feg

²⁷ Anyumə̀ ne Àpolòs ya kə̀bi ni ghò a Akìyà, bəd Kristo mbe a Efesùs ya nəri aməd. Mbi ya ŋwàʼrì àŋwàʼrì mɔ̀ʼɔ chà abə bəd Kristo mbe a Akìyà gha mbe niŋ aməd kwàʼ icheg chɔm. Anyumə̀ ne wì ya pè angu, wì ya taŋ wètì bəd mbe ne Ŋwiye ya ghi ìchɔ̀mì inɔb ni gha mbe bḛ Kristo.

Meta’

²⁷ Ənɨ wɨ̀ nyaʼə kə̀b baanɨ wo ə Àkàiyà, bə̂d Kristo mbe rɨ ə Efesùs nyaʼa tìmbɨ̀ əməd, əne ŋwàʼnɨ̀ əmbɨ bə̂d Kristo mbe rɨ ə Àkàiyà ni mbɨ nɨŋ əməd. Ənɨ wɨ̀ nyaʼa pe əŋgu, wɨ̀ nyaʼa nàʼ ə̀wèèrɨ̀ ə kyeŋ əmbɨ ə bə̂d mbe nɨ Ŋwìə̀ nyaʼa ghɨ ɨ̀chɔ̀m ənɨ mɨ̀mə̌d mbɨ ben ə Kristo.

Ɨ̀fàʼì 18:27 ပူးပေါင်းရင်းမြစ်များ

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 15:34

[Si ya gha, Sayilàs ya ywìrì chùghi angu.]

Ɨ̀fàʼì 18:12

Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 18:18

Pɔl ya ywìrì chùghi à Kɔrèn ane ineg mɔ̀ʼɔ. Anyumə̀ ne wì ya màni a angu, wì ya sàŋì bəd mbe ne ya bḛ Kristo, niŋ Prìsilà tì Àkwilà mbi nyi inga abaŋ igyi bàni ghò à Sirìyà. Bɔŋ mbi ya se nɔ̀ʼɔ̀ à Sènkreyà, wì ya fə seri atog icheg ne wì ya fə bḛ abə Ŋwiye.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Ɨ̀fàʼì 9:27

Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 16:3

Anyumə̀ ne mə̀ yèʼe, mə biri ŋwàʼrì àŋwàʼrì imbə̀ʼ bəd mbe ne mbə̀ chɔʼi awɔb gha mbe gho a Jèrusalèm ghò nàʼ ikab we ne mbi chɔpi.

1 Kɔrèn 3:6

À ya icheg ni gha mə ya nyɔ̀ʼ ngwèd, Àpolòs si yèʼe chùbrì. À ya Ŋwiye si ghì ighi mbe kweg.

2 Kɔrèn 1:24

Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

Fìlipì 1:25

Mə kyèri kwàʼ tesiʼ gha, ze bɔ̀ŋ inum ni chughi izɔm imbə̀ʼ chè imbìghè ni wètì awən mbə̰ məjìm ni ghì gha ìwən ibḛfiŋ chè imbìghè ni kweg, mbə̀ bə chè imbìghè ni ya gyènde icheg ne mbə̀ bḛ Kristo.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

Kòlosè 4:10

Àristakùs ne mə̀ yaʼi inga nəb ndəŋ tì məd we chàʼrà awən. Mag we ne məd tì Bànabàs yaʼi bɔn ane bɔn wə̀d ifibì we bə̀ chàʼrà awən. Mbə̰ fə zug inug imbə̀ʼ aməd. Məd mə̀ yèʼe, mbə̀ niŋ aməd kwàʼ icheg chɔm.