Ɨ̀fàʼì 18:23 - Ikan feg

²³ Anyumə̀ ne wì ya chughi angu ane iki nyumə̀ mɔ̀ʼɔ, wì ya nɔ̀ʼ ghò ŋa yḛ̀ isiŋi isiŋi inga aba aben ze a Gàlesìyà fɔrɔ a Fìrigìyà. Wì yaya yḛ ane nè nə̀rə fìŋ abə bəd məjìm mbe ne ya bḛ Kristo.

Meta’

²³ Ənɨ wɨ̀ nyaʼa chub əŋgu ənɨ ə nyùmə̀ mɔʼɔ, wɨ̀ nyaʼa nɔ̀ʼ ghanə yèn ɨsɨ ɨsɨ ɨŋga əba əbeŋ ze rɨ ə Gàlesià fɔrɨ ə Frigìà. Wɨ̀ nyaʼə yènə̀ tìmbɨ̀ ə bə̂d mɨjìm mbe nɨ nyaʼa ben ə Kristo.

Ɨ̀fàʼì 18:23 ပူးပေါင်းရင်းမြစ်များ

Lk 1:3

Wə̀d kyen Tìyofilùs, icheg ne mə fə nwḛ inug mbo̰ ijìm kwàʼ igun ibɔʼì, nɔ̀ʼ ane mbi ya ko ko, mə bə̀ kɔ̀ndi gha mə ŋwaʼra ine kwàʼ icheg ne mbi ya du.

Lk 22:32

Si ya gha, mə fə chàʼra Ŋwiye imbə̀ʼ awe, àghò Sayimùn, gha imbə̀ʼ ìwe ibḛfiŋ nɔ̀ʼ bɔrɔ yi. Anyumə̀ ne àghò bəŋi fìŋ yeʼe abɔ̀ʼ inum, àghò ghìyə̀ ibḛfiŋ abə ìmbe məfi we təm kà.”

Lk 22:43

Angirə̀ mɔ̀ʼɔ ikaŋ àbɔ̀ŋɔ ya dù ibo imbìghè nàʼ ika ibo.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 16:40

Anyumə̀ ne Pɔl tì Sayilàs ya du inga nəb ndəŋ ze, mbi ya ghò inga achan Lidiyà. Mbi ya pè bàd bəd mbe ne ya bḛ Kristo, nə̀ri fìŋ inɔb, si nɔ̀ʼ ghò awɔb.

Ɨ̀fàʼì 16:6

Pɔl tì Sayilàs fɔrɔ Timotì ya chè inga Fìrigìyà fɔrɔ inga aba aben ze Gàlesìyà imbə̀ʼ icheg ne chəyi Azwighi Ŋwiye ya bḛ gha mbe ghama Ìngam Ŋwiye inga Esìyà.

Ɨ̀fàʼì 19:1

Anyumə̀ ne Àpolòs ya yaʼi a Kɔrèn, Pɔl ya chè atog atog inga isiŋi mbe inga aba aben ze ne ghò a Efesùs. Wì ya pè a Efesùs, bàd bəd mɔ̀ʼɔ ne ya bḛ Kristo.

Ɨ̀fàʼì 2:10

məFìrigìyà tì məPàmfilìyà, tì mə̀Ijìb fɔrɔ bəd inga iba iben mbe a Libìyà iban Sayirèn. Mba mɔ̀ʼɔ nɔ̀ʼ a Rom.

1 Kɔrèn 16:1

Anug ne mə̀ kəbi ni ghàm amad anìŋ ya anug ni chɔ̀pì ikab wètì bəd Ŋwiye. Mbə̀ ghiyə anug ze ne mə̀ ya gha abə tifeti bəd Kristo te inga Gàlesìyà.

Gàlesìyà 1:2

Ìmbum məfi məjìm fɔrɔ ìtum njàbi tijìm ne tì yaʼi ane anug amɔʼ tì Kristo, ne bə yaʼ abɔ̀ʼ inum, mbe bə̀ chàʼrà awən, mbə̰ bəd inga tifeti bəd Kristo te a Gàlesìyà.

Gàlesìyà 1:9

Anug ze ne tì ya fə gha inən a mbègtog, mə̀ ya anìŋ bə̀ ywìrè bèʼre inən gha: Wə̀d mɔ̀ʼɔ mə̀ ghà anug ndəŋ inən gha à ya ikən chɔm, ne kayi ikən chɔm we ne mbə̀ ya fə zughi bḛ, Ŋwiye ziye ndɔ̀n igun tengàŋ!

Gàlesìyà 4:14

Ka àmə aghɔn yaya kwàʼ àkwàʼrì inən, chəyi mbə̀ ya wèghi mə kə̀ nyèti amə. Mbə̰ ya niŋ amə kwàʼ icheg ni gha mo ya angirə̀ Ŋwiye. Mbə̰ ya bə̀ niŋ amə kwàʼ icheg ni gha mo ya kwàʼ Yeso Kristo.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Tèsàlonikà 4:18

Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.