Ɨ̀fàʼì 18:15 - Ikan feg

¹⁵ Icheg ne à ya anug imbə̀ʼ tìngam tì tikum fɔrɔ ìmbən mə̀nɔ̀ʼɔ̀, mbə̀ tangi àzən anug mbə̰ mbə̰. Chəyi mə̀ biri bḛ ni saʼ inug icheg mbo̰.”

Meta’

¹⁵ Àyɨə ɨchî nɨ mbə̀ə tàŋ ɨmbə̀ʼ mɨŋgam bə̀ tàŋ ɨmbə̀ʼ rɨkum bə̀ tàŋ ɨmbə̀ʼ tə rɨkə, mbə̀ neŋ ənû rəŋgu mbənə mbənə. Ka mə bɨrɨ ben əmɨ nɨ saʼ ɨnû ɨghabɨ mbɔ̂!”

Ɨ̀fàʼì 18:15 ပူးပေါင်းရင်းမြစ်များ

Matìyò 27:24

Anyumə̀ ne Payilèd ya zə̰ gha chəyi yaya ywìrè anug mɔ̀ʼɔ ne tì məd ywìrì ghì chèyi ni gha, zìye mə̀ ywìrì ghò imbìghè ni ghàm, bəd biri bùg ndum, wì ya niŋ mənib sò ìmbi ibo imbìghè abə inɔ̰ bəd mbe, si ghà inɔb gha, “Chəyi ìfum ìfeg inga iwu wə̀d gho̰! À ya mbə̰ kyeri anug imbə̀ʼ iwu məd!”

Matìyò 27:4

Wì ya ywìtì ikab we ane, si ghà inɔb gha, “Mə fə gùg anug icheg ne mə fḛ wə̀d ne chəyi wì gùghi anug gha mbe zweti.” Mbɔb ya ywìtì ichug ibo gha, “Àze kayi ywìrì ìwa isaʼi! Àze ya si ìwe isaʼi!”

Jn 18:31

Payilèd ya ywìtì inɔb gha, “Àmə yaʼ ane, mbə̀ niŋ aməd ghò saʼ mbə̰ mbə̰ icheg ne ìmbən mə̀nɔ̀ʼɔ̀ chwi.” Mə̀Ju ya ywìtì gha, “Chəyi gomèn məRom nàʼ ika ina ni niŋ isɔbi anug gha mbe zweti wə̀d.”

Ɨ̀fàʼì 18:13

Mbi ya pè angu, pùti aməd gha, “Mbaŋà ìzo̰ ze to itog abə bəd gha mbe se ghùmnə Ŋwiye ane ikuchèg ne chəyi ìmba mə̀nɔ̀ʼɔ̀ chwi.”

Ɨ̀fàʼì 23:29

Mə ya nwendi kwàʼ icheg chɔm, si ya gha, chəyi mə̀ ya zə̰ anug tibɔ̀ŋ mɔ̀ʼɔ ne wì ghi ni gha mbe zweti aməd kə̀ chà aməd inga nəb ndəŋ . Isaʼi ne bəd mbe yaya zìyè igun məd ya inug imbə̀ʼ ìmbɔb mə̀nɔ̀ʼɔ̀.

Ɨ̀fàʼì 25:11

Àmə yaʼ ne mə ghi anug tibɔ̀ŋ mɔ̀ʼɔ, kə̀ gùg anug mɔ̀ʼɔ ne tì mbi zweti amə, chəyi mə̀ to̰ ni ku. Si ya gha, icheg ne chəyi tesiʼ inga inug mbo̰ ne mbi zi igun inum, chəyi wə̀d mɔ̀ʼɔ ne tì wì nàʼ amə inɔb. Mə kə̀b gha Kayisà saʼ isaʼi gho̰.”

Ɨ̀fàʼì 25:19

Inug ne mbi yaya tàŋà tì məd ya inug ne imbə̀ʼ àzɔb anug Ŋwiye fɔrɔ inug imbə̀ʼ mbaŋà mɔ̀ʼɔ ne ikum məd ya Yeso. Yeso we ya fə ku, si ya gha, Pɔl we ghà àzi gha, məd we izɔm.

Ɨ̀fàʼì 26:3

À ya ane imbə̀ʼ icheg ne mə̀ kyèri gha àghò taŋ kyèri məcheg aben mə̀Ju məjìm bə̀ kyèri inug mbe ne mə̀Ju mbe tàŋà. Ane, mə boʼ ibo ine gha àghò nyimi fìŋ zwèri anug ne mə̀ biri ghà.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

1 Timotì 6:4

tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.

2 Timotì 2:23

Àghò chiye ìfe ifeg ane inug mbe ne bəd mbe tàŋà ne chəyi iwe inga imbə̀ʼ icheg ne àghò kyèri àze aghi gha, inug mbe ya zìyè yaʼ achɔb inga bəd.

Tayitùs 3:9

Imbə̀ʼ àghò bere awe anug mɔ̀ʼɔ ni ghì tì inug anen mbe ne bəd mbe tàŋà, anug ni ghàm imbə̀ʼ tiwaŋ bəd ne chəyi ìnwḭ tì anug ni ya chɔ̀bɔ bə̀ zɔ̀ŋɔ̀ imbə̀ʼ mə̀nɔ̀ʼɔ̀ Muse. Chəyi chùd mɔ̀ʼɔ ane inug mbo̰. Chəyi inug mbo̰ mbe bə̀ wètè wə̀d mɔ̀ʼɔ.