Ɨ̀fàʼì 18:12 - Ikan feg

¹² Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Meta’

¹² Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ɨ̀fàʼì 18:12 ပူးပေါင်းရင်းမြစ်များ

Matìyò 27:19

Icheg ne Payilèd ya chughi inga nəb isaʼi igun atən ze ne wì yaya chùghə igun sàʼa tisaʼi, iweg məd ya tɔm ikən ibo gha, “Imbə̀ʼ àghò ziye awe ìfe ifeg inga inug wə̀d gho̰ imbə̀ʼ icheg ne chəyi wì gùghi anug mɔ̀ʼɔ ka. Mə ya ghàmà anìŋ imbə̀ʼ icheg ne mə zən ngəʼ ako anjə̀m izimi tèchɔ̀ŋ imbə̀ʼ aməd.”

Jn 19:13

Anyumə̀ ne Payilèd ya zughi ìngam gho̰, wì ya niŋ Yeso dù isəg, pè chùghi igun atən ze ne wì yaya chùghə igun sàʼa tisaʼi. Atən ze ya yaʼ ane asiŋi ze ne mbe kàrà ane, “Ikye ikam ateg”. Mbi ya kàrà ati ze ane ìngam Hibrù gha, “Gabatà”.

Ɨ̀fàʼì 13:12

Anyumə̀ ne Sègìyos Pòlos ya bàri anug ne ya du, wì ya bḛ Ìngam Ŋwiye imbə̀ʼ icheg ne inug mbe ne mbi yaya chwìte imbə̀ʼ Anɔŋisəg Yeso ya chè aməd.

Ɨ̀fàʼì 13:50

Si ya gha, itog bəd mə̀Ju mbe ya to atog abə mə̀yi kyen kyen mbe ne ya nɔŋi fìŋ igun Ŋwiye bə̀ to atog abə bəd kyen kyen mbe inga asiŋi ze. Ane, mbi ya nɔ̀ʼ ko se chɔ̀ʼɔ ibɔʼì ighog abə Pɔl tì Bànabàs, kàmni awɔb chì inga aba isəg ze.

Ɨ̀fàʼì 13:7

Bà-Yeso we yaya kà yàʼa yi tì Sègìyos Pòlos ne ya yaʼi Gɔbnà a Pafòs. Sègìyos Pòlos we yaya kwàʼ wə̀d iwe. Wì ya kàrì Bànabàs tì Sɔl gha mbe yeʼe abɔ̀ʼ məd imbə̀ʼ icheg ne wì yaya kə̀bə̀ gha mbe ghama Ìngam Ŋwiye ibo.

Ɨ̀fàʼì 13:8

Si ya gha, chəyi wə̀d tikaŋì we ne mbi yaya bə̀ kàrà ane Èlayimàs ane ìngam məGrig ya bḛ. Chəyi məd ya bə kə̀b gha Sègìyos Pòlos we bḛ Ìngam Ŋwiye.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 17:13

Anyumə̀ ne mə̀Ju mbe a Tèsàlonikà ne chəyi mbi ya bḛ Kristo ya zughi gha Pɔl we se ghàmà Ìngam Ŋwiye a Bèriyà, mbi ya ghò angu pè ko se chìkə̀ fìŋ abə bəd bə̀ to bəd gha mbe bughə ndum.

Ɨ̀fàʼì 17:5

Si ya gha, mə̀Ju mɔ̀ʼɔ ne ya bàri icheg ne bəd nɔʼ nɔʼ fə beni abɔ̀ʼ Pɔl tì Sayilàs ya ghì ìdɔ̀b. Mbi ya ghò ane itog izib, fèti itəd bɔn mɔ̀ʼɔ, to awɔb, mbi yèʼe bùg ndum inga asiŋi ze. Ndum zè ya tḭyḛ anene ghò nyi inga achan Jasòn. Mbi yaya kə̀bə̀ gha mbi mə̀ bàd Pɔl tì Sayilàs angu, mbi gwì awɔb chà isəg abə inɔ̰ bəd we.

Ɨ̀fàʼì 18:11

Pɔl ya zug ane, chùghi angu fituʼ ifibì tì aməg tìfughə. Wì ya chughi ane, bə̀ se ghàmà Ìngam Ŋwiye abə bəd mbe angu.

Ɨ̀fàʼì 18:27

Anyumə̀ ne Àpolòs ya kə̀bi ni ghò a Akìyà, bəd Kristo mbe a Efesùs ya nəri aməd. Mbi ya ŋwàʼrì àŋwàʼrì mɔ̀ʼɔ chà abə bəd Kristo mbe a Akìyà gha mbe niŋ aməd kwàʼ icheg chɔm. Anyumə̀ ne wì ya pè angu, wì ya taŋ wètì bəd mbe ne Ŋwiye ya ghi ìchɔ̀mì inɔb ni gha mbe bḛ Kristo.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 25:10

Pɔl ya ywìtì gha, “Mə ya anìŋ inga nəb isaʼi Kayisà, ne ya asiŋi ne mbi koʼi ni saʼ amə angu. Àghò taŋ kyèri àze aghi gha chəyi mə̀ gùg anug mɔ̀ʼɔ abə mə̀Ju.

Rm 15:26

Aton ya gha, bəd inga tifeti bəd Kristo te inga aba aben ze a Màsèdonìyà fɔrɔ Akìyà ya gyen ni chɔ̀pì ighi nàʼ abə bəd ne chəyi àzɔb inga ifeti bəd Ŋwiye we a Jèrusalèm.

Rm 16:5

Mbə̀ chaʼra bəd inga ifeti bəd Kristo we ne nyìye inɔb inga nəb. Mbə̀ chaʼra Èpenetùs. Məd ya àmə ìsə̀ʼ ne mə̀ taŋ kɔ̀ŋ. Məd ya wə̀d mbègtog ne ya bḛ Kristo inga aba isəg ze a Esìyà.

1 Kɔrèn 16:15

Ìmbum məfi fɔrɔ ìtum njàbi, mbə kyèri gha bəd mbègtog ne ya bḛ Kristo a Akìyà ya inəbi Stèfanàs. Mbə̰ bə̀ kyèri gha mbɔb ya fə zì atog ni wètì bəd Ŋwiye. Ane, mə boʼ ibo inən gha,

2 Kɔrèn 1:1

À ya mo Pɔl, wə̀dtɔm Kristo icheg ne Ŋwiye kə̀bi, tì Timotì, ìwa ifi ne tì yaʼi ane ifɔti tì Yeso Kristo, tì ŋwàʼri àŋwàʼrì azo̰. Tì ŋwàʼrì anìŋ abə ifeti bəd Ŋwiye we ne yaʼi a Kɔrèn fɔrɔ abə bəd Ŋwiye məjìm mbe ne yaʼi aba aben ze a Akìyà.

2 Kɔrèn 11:10

Mə mə̀ chè imbìghè ni ghà tesiʼ imbə̀ʼ Yeso, chəyi wə̀d mɔ̀ʼɔ inga aba aben Akìyà ne tì wì ghì gha imbə̀ʼ mə kɔ̀m ìmə igo.

2 Kɔrèn 11:26

Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

2 Kɔrèn 9:2

Mə kyèri gha mbə fə chuʼri ìwən nyɔd ni nàʼ àwètì. Mə ya fə kɔ̀m igo abə bəd Kristo mbe aba aben ze a Màsèdonìyà imbə̀ʼ awən. Mə fə ghà inɔb gha, ze fə ghì fituʼ ifibì ni mbə̰ mbe ne yaʼi inga aba aben ze a Akìyà fə chuʼri ìwən nyɔd ni nàʼ àwètì. Icheg ne mbə̰ fə gyendi ni nàʼ àwètì, ze fə ghì gha bəd Kristo mbe inga Màsèdonìyà, mbe ko ni nàʼ ìmbɔb tì ighi ni wètì.

1 Tèsàlonikà 2:14

Ìmba məfi fɔrɔ ìta njàbi, inug mbe ne ya du abə ifeti bəd Ŋwiye we a Jùdeyà, mbe bə̀ dù inən. Ifeti bəd Ŋwiye we ya bəd mbe ne ya bḛ Yeso Kristo. Mbə̰ ya zə̰ ngəʼ ikye abo abə ìmbən bəd aben bə̀ icheg ne mbɔb ya bə̀ zə̰ ngəʼ ikye abo abə mə̀Ju.

1 Tèsàlonikà 2:16

Mbɔb yaya kə̀bə̀ ni kən gha imbə̀ʼ tì ghama awa ikən we ne ghìyə̀ bəd pumə̀ abə bəd mbe ne kayi mə̀Ju. Ìwɔb ikuchèg gho̰ ya ghì ìmbɔb inug tibɔ̀ŋ sweg mànì. Ŋwiye ya nwḭ̀yḛ̀ gaŋ inɔb kwàʼ icheg chɔm.

Jems 2:6

Si ya gha, mbə̰ fə wèg wə̀d ifum. Imbə̀ʼ bəd mbe ne nyə̀mə̀ awən ya bəd ikab? Imbə̀ʼ bəd mbe ne sùŋə̀ awən ghò adiŋi isaʼi ya bəd ikab?