Ɨ̀fàʼì 17:14 - Ikan feg

¹⁴ Kwàʼ ati ati, bəd mbe ne ya bḛ Kristo inga Bèriyà ya chà bəd gha mbe niŋ Pɔl ghò chà aməd iban igyi tìbà. Si ya gha, Sayilàs tì Timotì ya si tèn a Bèriyà.

Meta’

¹⁴ Àmei əwu əwən, bə̂d mbe nɨ nyaʼa ben ə Kristo ə Berià nyaʼa tom bə̂d ni mbɨ nɨŋ ə Pɔ̂l wò chà əŋgo rɨ̀bàà. Àyɨə Sailàs mbɨ Timotì nyaʼa tèn ə Berià.

Ɨ̀fàʼì 17:14 ပူးပေါင်းရင်းမြစ်များ

Matìyò 10:23

Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 16:1

Pɔl ya ghò pè a Debè fɔrɔ a Listrà. Mbaŋà mɔ̀ʼɔ ne ya bḛ Kristo ya yaʼ angu ne ikum məd ya Timotì. Ngɔb Timotì ya àyi Ju ne ya bḛ Kristo. Àsi mbaʼ ìwi Timotì ya wə̀d a Gris.

Ɨ̀fàʼì 17:10

Àsi tizimi, bəd Tèsàlonikà mbe ne ya bḛ Kristo ya niŋ Pɔl tì Sayilàs chà a Bèriyà. Anyumə̀ ne mbi ya pè angu, mbi ya ghò inga ichamì Ŋwiye mə̀Ju.

Ɨ̀fàʼì 17:15

Mbaŋà te ne ya niŋ Pɔl ya ghò tì məd anene ghò pè a Atèns. Mbɔb ya ywìrì bə̀ndì ghò awɔb a Bèriyà tì ikən ne Pɔl ya chà inɔb gha mbe gho ghà abə Sayilàs tì Timotì mbe zamba yèʼe kɔ̀ti aməd.

Ɨ̀fàʼì 17:4

Bəd mɔ̀ʼɔ abɔ̀ʼ mə̀Ju mbe ne ya zughi ìngam we bḛ, ya beni abɔ̀ʼ Pɔl tì Sayilàs. Bəd nɔʼ nɔʼ mɔ̀ʼɔ a Gris ne ghùmnə Ŋwiye fɔrɔ mə̀yi kyen kyen mɔ̀ʼɔ ya bə̀ bèni abɔ̀ʼ inɔb.

Ɨ̀fàʼì 17:6

Si ya gha, chəyi mbi ya bàri awɔb. Icheg ne chəyi mbi ya bàri awɔb, mbi ya gwì Jasòn fɔrɔ bəd mɔ̀ʼɔ ne ya nɔŋi ìwɔb ibḛfiŋ igun Kristo niŋ nè sìmè ghò abə itog bəd mbe ne sàʼa aben. Anyumə̀ ne mbi pè angu, mbi ya kyen kwàʼ ane gì ka ka gha, “Bəd mbo̰ ne tɔ̀bɔ̀ isiŋi inga iben ijìm, mbɔb mbo̰ fə se aŋa.

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Ɨ̀fàʼì 19:22

Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Ɨ̀fàʼì 20:3

Wì ya chughi angu ane ameg atad. Mə̀Ju ya taŋ mənaŋ ni zweti aməd anyumə̀ ne wì yaya chùʼri nyɔd ni bani ghò a Sirìyà. Ane, wì ya bə̀ndì ghò chè a Màsèdonìyà bɔŋ si pè a Sirìyà.

Ɨ̀fàʼì 9:25

Si ya gha, bəd mbe ne ya beni abɔ̀ʼ Sɔl ya niŋ aməd izimi, chà aməd ane ibighi ne yaʼi ane ikam aben, si swi aməd aseg inga fiko ni gha wì gho yi.

Ɨ̀fàʼì 9:30

Anyumə̀ ne məfi mbe ne ya bḛ Kristo ya kyeri anug ze, mbi ya niŋ Sɔl swìʼi ghò a Kàserìyà, si chà aməd a Tasɔ̀s.

1 Timotì 1:3

Mə ya ghà ine anyumə̀ ne mə̀ yaya ghò a Màsèdonìyà gha àghò chughi a Efesùs ni ghì gha imbə̀ʼ bəd mɔ̀ʼɔ ywiri chwiti awɔb tikə tibɔ̀ŋ abə bəd.

Tayitùs 1:5

Aton ne mə̀ ya sàŋi awe a Kred ya gha àghò mana sèmbì inug mɔ̀ʼɔ mbe ne chəyi tì ya kiri sembi, bə̀ chɔʼ itog bəd inga tifeti bəd Kristo inga isiŋi ijìm a Kred icheg ne mə̀ ya gha ine.