Ɨ̀fàʼì 16:22 - Ikan feg

²² Inɔ̰ bəd ya fɔti abɔ̀ʼ bəd mbe ne ya beri àbòʼì ze se zìyè isaʼi igun Pɔl tì Sayilàs. Bəd mbe ne sàʼa tisaʼi ya ghà abə mə̀sogyì gha mbe chi ndwi abə Pɔl tì Sayilàs ywìri awɔb ane ngwàn.

Meta’

²² Ɨnɔ̂n bə̂d we nyaʼa fɔtɨ əbɔʼ bə̂d mbe nɨ nyaʼa berɨ ə̀bòʼò ze, zɨ̀ ɨsaʼi ɨgun ə Pɔ̂l mbɨ Sailàs. Məsaʼ mɨ̀sàʼi mbe nyaʼa sèèrɨ̀ ngywɨ̌ rɨ Pɔ̂l mbɨ Sailàs, əne ghà əmbɨ mɨ̀sɔgyɨ̀ ni mbɨ buʼ mɨ̀mə̌d ənɨ ə mbàŋ.

Ɨ̀fàʼì 16:22 ပူးပေါင်းရင်းမြစ်များ

Matìyò 10:17

Mbə̀ ya we awən tì bəd imbə̀ʼ icheg ne mbi biri gwì awən ghò nàʼ abə bəd ne sàʼa aben. Mbi biri ywiri awən inga ìmbɔb məchamì Ŋwiye.

Matìyò 27:26

Ane, Payilèd ya chì Bàrabas sàŋì inɔb. Wì ya si ghì gha mbe ywiri Yeso ane fìngwàn nɔ̀ʼ niŋ ghò kɔ̀mbì igun azed abaʼri.

Lk 12:11

Anyumə̀ ne mbi niŋ awən ghò inga ichamì Ŋwiye, kə̀ imbìghè abə itog bəd ne tùmbə̀ aben, imbə̀ʼ mbə̰ nwìʼè awən nyɔd ni kɔndi anug ne mbə̀ biri ghò pè ghà. Imbə̀ʼ mbe bə kɔndɔ awən inɔnjì ni tàŋì ìwən nyɔd.

Ɨ̀fàʼì 16:37

Wì ya ghà ane, si ya gha, Pɔl ya ghà abə mə̀pùrusì mbe gha, “Mba ya məRom. Mbi fə sɔm awa inga bəd bə̀ zì awa inga nəb ndəŋ bəd bàd, ne chəyi tì gughi anug mɔ̀ʼɔ. Amad anìŋ, mbə kə se kə̀bə̀ ni chì awa sàŋì anjìm anjìm? Chəyi te bḛ! Mbe yeʼe chì awa mbɔb mbɔb.”

Ɨ̀fàʼì 17:5

Si ya gha, mə̀Ju mɔ̀ʼɔ ne ya bàri icheg ne bəd nɔʼ nɔʼ fə beni abɔ̀ʼ Pɔl tì Sayilàs ya ghì ìdɔ̀b. Mbi ya ghò ane itog izib, fèti itəd bɔn mɔ̀ʼɔ, to awɔb, mbi yèʼe bùg ndum inga asiŋi ze. Ndum zè ya tḭyḛ anene ghò nyi inga achan Jasòn. Mbi yaya kə̀bə̀ gha mbi mə̀ bàd Pɔl tì Sayilàs angu, mbi gwì awɔb chà isəg abə inɔ̰ bəd we.

Ɨ̀fàʼì 18:12

Anyumə̀ ne Gàliyò ya yaʼi gɔbnà inga aba aben ze à Akìyà, mə̀Ju mɔ̀ʼɔ angu ya fɔtɔ ghò gwì Pɔl niŋ ghò a nəb isaʼi.

Ɨ̀fàʼì 5:40

Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

Mə̀Hibrù 11:36

Mbi ya chəʼ mbi mɔ̀ʼɔ bə̀ ywìri awɔb. Mbi ya kɔd mə̀mbin ane mə̀chen ghò zì awɔb inga nəb ndəŋ.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.