Ɨ̀fàʼì 16:2 - Ikan feg

² Bəd mbe ne ya bḛ Kristo a Listrà fɔrɔ a Ìkonìyùm yaya ghà inug chɔm imbə̀ʼ Timotì.

Meta’

² Bə̂d mbe nɨ nyaʼa ben ə Kristo ə Listrà fɔrɨ ə Ikoniùm mbɨə nyaʼə ghà ɨnû chɔ̀m ɨmbə̀ʼ ə Timotì.

Ɨ̀fàʼì 16:2 ပူးပေါင်းရင်းမြစ်များ

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 13:51

Bɔŋ Pɔl tì Bànabàs ya se dùwə̀ ghò mbɔb ya kùtì agwi ane ìmbɔb ighog ni pati awɔb gha mbe bəŋi fìŋ. Anyumə̀ ne mbi ya ghi ane, mbi ya nɔ̀ʼ ghò a Ìkonìyùm.

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 14:21

Anyumə̀ ne Pɔl tì Bànabàs yaya gha ikən chɔm we a Debè, mbi ya ghì bəd nɔʼ nɔʼ bə̀ŋə̀ si yaʼ bəd Kristo. Mbi ya ghì ane, bə̀ndì ghò a Listrà fɔrɔ a Ìkonìyùm bə̀ fɔrɔ a Antìyɔ̀g.

Ɨ̀fàʼì 14:6

Ane, anyumə̀ ne bədtɔm mbe ya zughi anug ne mbi yaya chùʼrə imbə̀ʼ awɔb, mbi ya nòrò ghò a Listrà fɔrɔ a Debè, ne ya isiŋi inga aba aben ze a Làyìkonìyà. Mbi ya bə̀ nòrò ghò fɔrɔ inga isiŋi mbe ne yaʼi iban iban.

Ɨ̀fàʼì 16:40

Anyumə̀ ne Pɔl tì Sayilàs ya du inga nəb ndəŋ ze, mbi ya ghò inga achan Lidiyà. Mbi ya pè bàd bəd mbe ne ya bḛ Kristo, nə̀ri fìŋ inɔb, si nɔ̀ʼ ghò awɔb.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Fìlipì 2:22

Àsi Timotì, mbə̰ kyeri àzən aghi gha, məd fə chwi gha zìye ya wə̀d àfàʼì chɔ̀m. Wè fàʼ tì inum ni chètì ikən chɔm imbə̀ʼ Kristo. Wè fàʼ kwàʼ icheg ŋwan we fàʼà tì ìwi mbaʼ.

1 Timotì 3:7

Məd bèrì ni yaʼ wə̀d ne bəd mbe ne kayi bəd Kristo mbe ghà inug chɔm imbə̀ʼ aməd. Ane, chəyi wì biri ya bèrè tìnìrètog. Chəyi wì biri bə fen inga atam Debrə̀.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

1 Timotì 5:25

À ya bə̀ ane ne bəd mbe bàrà inug chɔm mbe ne bəd mbe ghìyə̀. Ka à ya bèyi inug chɔm mbe ne chəyi bəd mbe bàrà, chəyi tì mbi chughi witì mbi dù asaŋ bəd bàd.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Mə̀Hibrù 11:2

Ibḛfiŋ gho̰ ya aghi ze ne bəd mbe te aneg ya beri, Ŋwiye si niŋ awɔb gha mbe kòʼ.