Ɨ̀fàʼì 15:32 - Ikan feg

³² Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Meta’

³² Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 15:32 ပူးပေါင်းရင်းမြစ်များ

Matìyò 23:34

Ane, mə̀ ya anìŋ chà ìmbum bədkə̀n tì ìmbum bəd iwe fɔrɔ ìmbum mə̀chwitì mə̀nɔ̀ʼɔ̀ inən. Mbə̰ biri zweti bəd mɔ̀ʼɔ abɔ̀ʼ inɔb, kɔ̀mbì mbi mɔ̀ʼɔ igun azed abaʼri, bə̀ ywìri bəd mɔ̀ʼɔ abɔ̀ʼ inɔb inga ìmbən məchamì Ŋwiye. Mbə̰ biri bə kamni ìmbum bədtɔm mɔ̀ʼɔ chà mbi sàkà ghò iben iben.

Lk 11:49

Ŋwiye ya fə we yi ni ghà imbə̀ʼ anug azo̰ gha, ‹Mə biri chà bədkə̀n tì bədtɔm inɔb. Mbi biri zweti ìmbi mɔ̀ʼɔ bə̀ chɔʼ ibɔʼì ighog abə mə̀mbin.›

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 11:27

À ya inga nyùmə̀ gho̰ ne bəd mɔ̀ʼɔ ne yaʼi bədkə̀n Ŋwiye ya nɔ̀ʼi a Jèrusalèm swìʼi ghò a Antìyɔ̀g.

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Ɨ̀fàʼì 15:1

Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:27

Ane, mbaŋà te ya Judàs tì Sayilàs ne tè chà inən. Mbɔb biri ywiri ghà inug mbe ne tì ŋwaʼri gha mbə̀ faʼa.

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 15:31

Anyumə̀ ne mbi ya fɔŋi àŋwàʼrì ze, mbi ya taŋ gyèndi imbə̀ʼ icheg ne anug ne ya yaʼi inga ya nəri ìtɔb fìŋ.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 18:23

Anyumə̀ ne wì ya chughi angu ane iki nyumə̀ mɔ̀ʼɔ, wì ya nɔ̀ʼ ghò ŋa yḛ̀ isiŋi isiŋi inga aba aben ze a Gàlesìyà fɔrɔ a Fìrigìyà. Wì yaya yḛ ane nè nə̀rə fìŋ abə bəd məjìm mbe ne ya bḛ Kristo.

Ɨ̀fàʼì 2:40

Pità ya ghàm inug nɔʼ nɔʼ inɔb pàti awɔb bə̀ boʼ ibo inɔb gha, “Mbə̀ duwə awən inga ngəʼ ze ne biri nyi igun ikəri bəd gho̰ ne ghìyə̀ inug tibɔ̀ŋ.”

Ɨ̀fàʼì 20:2

Anyumə̀ ne Pɔl ya yaʼi a Màsèdonìyà, wì yaya yḛ̀ iben iben nè nə̀rə fìŋ abə bəd mbe ne ya nɔŋi ìwɔb ibḛfiŋ igun Yeso Kristo. Wì ya si ghò pè a Gris.

Rm 12:6

Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 1:8

Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 14:29

Bədkə̀n məbe kə̀ mətad, mbe gha ikən Ŋwiye, mə̀mbin si taŋ nèn anug ne mbe ghà.

1 Kɔrèn 14:3

Si ya gha, bəd mbe ne ghà ikən Ŋwiye ya ghàmà abə bəd ni nə̀rì ìtɔb fìŋ bə̀ ghìyə̀ gha mbe təm kà bə̀ ghì gha ìtɔb fìŋ zutə.

1 Kɔrèn 14:32

Bəd mbe ne beri ineʼi ni ghà ikən Ŋwiye mbe tì mbi chuʼri icheg ni ghàm angu.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

1 Tèsàlonikà 2:11

Mbə̰ kyèri gha tì ya nyimi awən icheg ne mbaʼ we nyìme ìmbi bɔn.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

1 Tèsàlonikà 5:20

Imbə̀ʼ mbə̰ si wèghe awən tikən Ŋwiye te ne bəd mbe ghà.

2 Tès 3:12

Tì ya anìŋ ghàmà pàta tiku bəd te ane ikum Anɔŋisəg Yeso Kristo gha, mbe chughi asiŋi afibì, fàʼ yaʼ aghi ne mbɔb biri jəg bə̀ nèg ìwɔb nyɔd angu.

1 Timotì 2:1

Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.