Ɨ̀fàʼì 15:29 - Ikan feg

²⁹ Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Meta’

²⁹ Ɨnû mbe yɨ ni tɨ mbə̀ jɨg ə tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ, tɨ mbə̀ jɨg ə ənəm, tɨ mbə̀ kud ə nyam te nɨ mbɨ sweenɨ, mbɨ ni tɨ mbə̀ ghɨ̀ ə ɨfabrɨ-ɨnû. Mbə bɨrɨ ghɨ̀ ənû ə chɔ̀m əwù ze nɨ chəi mbə̀ ghɨ ɨnû mbɔ̂. Mbə̀ chub ɨchî chɔ̀m.”

Ɨ̀fàʼì 15:29 ပူးပေါင်းရင်းမြစ်များ

Lk 9:61

Wə̀d ndəŋ ya bə̀ gha, “Anɔŋisəg, mə biri beni abɔ̀ʼ ine. Si ya gha, àghò si mə̀ bi ghò inga achan ghò nàʼrì abə ìmbum bəd.”

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Ɨ̀fàʼì 18:21

Si ya gha, anyumə̀ ne wì ya nɔ̀ʼi se ghò yi, wì ya kàʼ awɔb gha, “Ŋwiye mə bḛ, mə biri ywiri yeʼe mùg awən.” Anyumə̀ ne wì ya gha ane, wì ya nyi inga abaŋ igyi nɔ̀ʼ a Efesùs.

Ɨ̀fàʼì 21:25

Àsi bəd mbe ne kayi mə̀Ju ne bḛ Kristo, tì fə ŋwàʼrì àŋwàʼrì chà inɔb, mə̀tì isɔbi anug ne tì niŋi gha; imbə̀ʼ mbɔb jəg awɔb ane ighijəg mbe ne bəd jə mə̀ŋwiye, kə̀ jəg anəm, kə̀ kud nyam ne mbi swḛni zì ku. Tì bə̀ ŋwàʼrì gha, mbɔb sikə anug ni nɔ̀kì mə̀yi kə̀ nɔ̀kì mbaŋà abu abu.”

Ɨ̀fàʼì 23:30

Icheg ne mə̀ ya zughi mənaŋ ne bəd mə̀Ju mbe ya taŋi ni zweti aməd, mə̀ ya bàd gha, ze bɔ̀ŋ gha, mə cha aməd ine kwàʼ ati ati. Mə fə bə̀ ghà abə bəd mbe ne beri isaʼi tì məd gha mbe yèʼe pùti ìmbɔb inug ijìm ine.”

2 Kɔrèn 11:9

Anyumə̀ ne mə̀ ya yaʼi mbə inən chəyi mə̀ ya biri àwètì inən ane nyumə̀ ne mə̀ yaya kə̀bə̀ àwètì. Aton ya gha, ìmba məfi fɔrɔ ìta njàbi ne ya nɔ̀ʼi a Màsèdonìyà ya nàʼ ighi ijìm ne tì yaya kə̀bə̀. Icheg ne chəyi mə̀ ya zi mbèʼ igun inən, chəyi mə̀ biri si zì amad anìŋ.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

1 Timotì 5:22

Imbə̀ʼ àghò kə nyə̀ngə awe ni nɔ̀ŋì ìmbe ibo igun bəd ni zɔʼ awɔb ane bəd ne chà ifeti bəd Kristo. Imbə̀ʼ àghò ziye awe abo inga inug tibɔ̀ŋ bəd ndəŋ. Nɔŋɔ ìwe nyɔd gha we chughi inga ìzḛzḛ.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

1 Jɔn 5:21

Ìmbum bɔn ne mə̀ taŋ kɔ̀ŋ, imbə̀ʼ mbə̰ si bere awən anug mɔ̀ʼɔ ni ghì tì mə̀ŋwiye ako.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.