Ɨ̀fàʼì 15:20 - Ikan feg

²⁰ Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Meta’

²⁰ Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

Ɨ̀fàʼì 15:20 ပူးပေါင်းရင်းမြစ်များ

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Ɨ̀fàʼì 21:25

Àsi bəd mbe ne kayi mə̀Ju ne bḛ Kristo, tì fə ŋwàʼrì àŋwàʼrì chà inɔb, mə̀tì isɔbi anug ne tì niŋi gha; imbə̀ʼ mbɔb jəg awɔb ane ighijəg mbe ne bəd jə mə̀ŋwiye, kə̀ jəg anəm, kə̀ kud nyam ne mbi swḛni zì ku. Tì bə̀ ŋwàʼrì gha, mbɔb sikə anug ni nɔ̀kì mə̀yi kə̀ nɔ̀kì mbaŋà abu abu.”

1 Kɔrèn 5:11

Anug ne mə ghà ya gha, imbə̀ʼ mbə̰ ya jə̀grə awən tì wə̀d ne gha zìye ya wə̀d Kristo bə̀ ywìrè kiri ghìyə̀ ifanì inug, kə̀ ghùmnə mə̀ŋwiye, kə̀ chìkə̀ tikum bəd, kə̀ no be, kə̀ bə̀ jìye, kə̀ bə̀ ghə̀ʼrə̀ ighi bəd ndəŋ. Imbə̀ʼ mbə̰ bi chughi awən aseg ni jəg tì iku wə̀d we.

1 Kɔrèn 6:13

Wə̀d ndəŋ we tì wì gha, “Ighijəg mbe ne bəd mbe jə̀ghə ya chè ghò inga fibum imbə̀ʼ icheg ne fibum ya abə ighijəg.” Tesiʼ ne angu ya gha, Ŋwiye biri zì ìnwḭ ane ighi mbo̰ ibe. Chəyi Ŋwiye ya tangi nyàmnyɔd wə̀d gha mbi ŋa fànà. Tì kòʼ ni niŋ ìta nyàmnyɔd fàʼ abə Ŋwiye. À ya Anɔŋisəg we kyèʼrè ìta nyàmnyɔd.

1 Kɔrèn 6:18

Mbə̀ noro awən ane anug àfànì! Inug tibɔ̀ŋ ndəŋ mbe ne bəd mbe ghìyə̀ ijìm ya kayi igun nyàmnyɔd wə̀d icheg anug àfànì. Wə̀d ne fànà ya ghìyə̀ anug tibɔ̀ŋ kwàʼ igun ìzi nyàmnyɔd.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

1 Kɔrèn 7:2

Si ya gha, icheg ne mbaŋà nɔʼ nɔʼ te nɔ̀kɔ̀ mə̀yi abu abu, mə̀yi nɔʼ nɔʼ bə̀ nɔ̀kɔ̀ mbaŋà abu abu, ze bɔ̀ŋ gha mbaŋà beri ìwi iweg, àyi bə bèrì ìwi inɔm.

1 Kɔrèn 8:1

Amad anìŋ, mə kə̀b ni ghàm imbə̀ʼ tijəg te ne mbe jə mə̀ŋwiye. Tè kyèri gha, “Mba məjìm bèrì iwe,” icheg bəd mɔ̀ʼɔ mbe ghà. Inug mbo̰ ne tì kyeri mbe ghìyə̀ bəd mɔ̀ʼɔ se nɔ̀ nyɔd. Àsi àkɔ̀ŋì ya kɔ̀rɔ bəd ane mbi imɔʼ ghìyə̀ bəd chùghə ane ichug imɔʼ.

2 Kɔrèn 12:21

Mə we bɔ gha, anyumə̀ ne mə̀ ywirì yèʼe, Ŋwiye biri swi amə aseg inən imbìghè. Ŋwiye biri ghì mə dèg imbə̀ʼ bəd nɔʼ nɔʼ ne chəyi mbi kiri bəŋi fìŋ sìkì inug tibɔ̀ŋ. Chəyi mbi kiri bəŋi ìtɔb fìŋ chì ane àfànì tì anug ni nɔ̀kì mə̀yi kə̀ mbaŋà abu abu.

Gàlesìyà 5:19

Wə̀d ijìm kyèri yi inug mbe ne nyàmnyɔd ze ghə̀ʼrə̀. Inug mbe ya: anug ni nɔ̀kì mə̀yi kə̀ nɔ̀kì mbaŋà abu abu, anug ni ghì izṵ inug, anug ni səpi bəd zì inga àfànì,

Efesùs 5:3

Icheg ne mbə̀ yaʼi bɔn Ŋwiye, chəyi ze bɔŋi gha afabi imbə̀ʼ inug tibɔ̀ŋ yaʼ inga ìwən ifeti icheg anug ni nɔ̀kì mə̀yi kə̀ nɔ̀kì mbaŋà abu abu kə̀ àzùnì kə̀ anug ni ghə̀ʼrə̀ ighi. Chəyi ze bɔŋi gha bəd Ŋwiye ya fàʼà tiku inug ìto̰.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

1 Tèsàlonikà 4:3

Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu.

Mə̀Hibrù 12:16

Imbə̀ʼ wə̀d mɔ̀ʼɔ abɔ̀ʼ inən ya nɔ̀kɔ̀ yi mbaŋà kə̀ mə̀yi abu abu. Imbə̀ʼ wə̀d mɔ̀ʼɔ bə yaʼ yi icheg Esawò ne chəyi wì ya kyeri Ŋwiye. Esawò yaya ghìyə̀ inug ne chəyi mbi koʼi imbìghè abə Ŋwiye. Chəyi wì yaya bə̀ bɔ Ŋwiye. Wì ya fèn àzi ati ŋwan mbèg ane akaŋ ighijəg.

Mə̀Hibrù 13:4

Wə̀d ijìm ghumni inam. Imbə̀ʼ wə̀d waʼ yi ìwi iweg kə̀b àyi ndəŋ. Imbə̀ʼ àyi bə waʼ yi ìwi inɔm kə̀b mbaŋà ndəŋ. Tesiʼ ya gha, Ŋwiye biri sɔb isaʼi zì ngəʼ igun bəd mbe ne fànà.

1 Pità 4:3

Mbə̰ ya fə chìkì nyumə̀ ni ya ghìyə̀ inug mbe ne bəd ne chəyi mbi kyeri Ŋwiye mbe ghìyə̀. Mbə̰ yaya nɔ̀kɔ̀ mə̀yi kə̀ mbaŋà abu abu, ghə̀ʼrə̀ ighi, no be, ghìyə̀ izṵ inug, jə̀grə inug, bə̀ ghùmnə mə̀ŋwiye ne chəyi mə̀nɔ̀ʼɔ̀ Ŋwiye bḛ.

Ɨnû 10:2

Wì ya nyimi àŋwàʼrì kwa kwa ne mbe kàri kari ibo ikye abo. Àŋwàʼrì ze ya yaʼ ifìʼi. Wì ya te àzi aba aghog jəghi igun igyi tìbà bə̀ te àzi aba aghog atəŋ igun ìseg.

Ɨnû 10:8

Ane, gì ze ne mə̀ ya zughi zì ghàmi ikaŋ àbɔ̀ŋɔ ya ywìrì ghàm inum gha, “Ndò niŋ àŋwàʼrì ze ne mbe kàri kari ne yaʼi ifìʼi ikye abo abə angirə̀ we ne təmi igun igyi tìbà fɔrɔ igun ìseg.”

Ɨnû 2:14

Si ya gha, mə bèrì inug mɔ̀ʼɔ iki piʼi imbə̀ʼ awe. Bəd mɔ̀ʼɔ mbe abɔ̀ʼ inən ne bène abɔ̀ʼ inug mbe ne Balàm yaya chwìte. Balàm ya chwìti ikuchèg abə Balàk ni gha wì febri mə̀Izre imbə̀ʼ mbi jəg ighi mbe ne mbi yaya nàʼà ane ighi àfàtì abə mə̀ŋwiye. Wì ya bə̀ fèbrì awɔb gha mbe nɔkɔ mə̀yi abu abu.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.

Ɨnû 9:20

Àbùʼì bəd ze ne chəyi ngəʼ ka ka te ya zweti awɔb, ya kiri to̰ awɔb ni bə̀ŋì ìtɔb fìŋ chì ane ighi mbe ne mbi tangi ane ibo. Chəyi mbi ya to̰ anug ni ghumni izwighi tibɔ̀ŋ kə̀ mə̀ŋwiye ne mbi tangi ane gol, kə̀ sibà, kə̀ brons, kə̀ ane ateg kə̀ ane ized. Chəyi tì mə̀ŋwiye mbo̰ ijìm bàd isiŋi, kə̀ zug inug, kə̀ bə̀ yèn.