Ɨ̀fàʼì 15:18 - Ikan feg

¹⁸ bəd kyeri kwàʼ aneg aneg.› ”

Meta’

¹⁸ Əzɔ̂ yɨ ənû nɨ Ə̀nùŋɨ̀sɨg we nɨ nyaʼa ghɨ ni mbɨ kyerɨ ɨnû mbɔ̂ nɔ̀ʼ tɨ rəŋwe, ghǎ.'

Ɨ̀fàʼì 15:18 ပူးပေါင်းရင်းမြစ်များ

Matìyò 13:35

Wì ya ghì anìŋ ni gha anug ze ne wə̀dkə̀n Ŋwiye ya gha ze duwə ane tesiʼ. Anug ze ya gha: “Mə biri ghàm inɔb inga tìngam məgri. Mə biri mə̀tì inug inɔb ne yaʼi inə̀mbi nɔ̀ʼ ane nyumə̀ ne Ŋwiye ya tangi isəg.”

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Ɨ̀fàʼì 17:26

Wì ya ko ane wə̀d imɔʼ tàngi bəd məjìm inga iben ijìm mbe ne yaʼi inga isəg gho̰. À ya məd ghì bəd yaʼ inga iben ijìm igun isəg. Məd ya fə bì nɔ̀ŋì nyumə̀ abə bəd məjìm fɔrɔ isiŋi ne bəd biri chughi.

Efesùs 1:11

Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Efesùs 3:9

Wì ya bə̀ chɔʼ amə gha mə̀ ghiyə wə̀d ijìm kyeri anug azo̰ ne yaʼi inə̀mbi, ne Ŋwiye we ne ya tangi ighi ijìm, ya nə̀mbì inga ìzi fìŋ nɔ̀ʼ ane nyumə̀ ne wì ya tangi isəg.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

1 Pità 1:20

Ŋwiye ya fə chɔʼ Yeso Kristo bɔŋ se tànga isəg, si ya gha, à ya məyi inga ineg mbo̰ ne si nwìyḛ̀ ne Ŋwiye ghi gha bəd kyeri aməd. Wì ya ghì ane ni wètì awən.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 17:8

Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”