Ɨ̀fàʼì 15:13 - Ikan feg

¹³ Anyumə̀ ne mbi ya ghàmi mànì, Jem ya gha, “Ìmbum məfi, mbə̀ təm mə̀ ghama.

Meta’

¹³ Ənɨ mbɨ nyaʼa fə ghamɨ màànɨ̀, Jems nyaʼa ghà ni, “Bɔŋgɔb, mbə̀ zwetɨ mə ghamə.

Ɨ̀fàʼì 15:13 ပူးပေါင်းရင်းမြစ်များ

Mk 15:40

Mə̀yi mɔ̀ʼɔ yaya bə̀ angu ne ya təmi ane agha se ghi nḛ̀. Mə̀yi mɔ̀ʼɔ abɔ̀ʼ inɔb yaya: Mèri Màdàlen, Mèri ngɔb Jem kwa tì Jòseb fɔrɔ Sàlomè.

Ɨ̀fàʼì 12:17

Anyumə̀ ne mbi ya bàri aməd ane, Pità məʼ abo inɔb gha mbe chim tizi. Wì ya si mə̀tì icheg ne Anɔŋisəg ya cha angirə̀ wì chi aməd a ndəŋ. Wì ya ghà inɔb gha, “Mbə̀ mətə anug azo̰ abə Jem fɔrɔ abə mbin tì bəd Kristo.” Wì ya ghàm ane, si nɔ̀ʼ ghò yi a asiŋi ndəŋ.

Ɨ̀fàʼì 15:14

Sayimùn fə tòʼrì icheg ne Ŋwiye ya fə bi chwi gha zìye bèrì fìŋ igun bəd ne kayi mə̀Ju. Ŋwiye ghì ane icheg ne wì chɔ̀ʼi bəd nɔʼ nɔʼ abɔ̀ʼ inɔb niŋ ane ìmbi bəd.

Ɨ̀fàʼì 2:14

Pità tì bədtɔm mbin ìghum chɔ̀b imɔʼ ya nɔ̀ʼ təm titighe, nɔ̀rì ìzi gì ikaŋ, ghàm abə inɔ̰ bəd we gha, “Ìmbum məfi ne yaʼi mə̀Ju fɔrɔ wə̀d ijìm we ne chùghə inga Jèrusalèm, mbə̀ taŋ zug anug ne mə ghà.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 2:29

Pità ya chè imbìghè tòʼrì inɔb gha, “Ìmbum məfi fɔrɔ ìtum njàbi, mə we tì mə gha tesiʼ ne mə̀ kyeri inən gha: Ifɔn Dèvid ne yaʼi ìwa mbaʼ kyen ya ku mbi twəŋi. Iseg məd gho̰ kiri biri pè tèchɔ̀ŋ.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

Gàlesìyà 1:19

Chəyi mə̀ ya bàri wə̀dtɔm Kristo ndəŋ ka chèyi ane Jem we ne yaʼi ifi Anɔŋisəg.

Gàlesìyà 2:12

Anug ze ya gha, bɔŋ bəd mɔ̀ʼɔ ne Jem ya tɔmi awɔb ya se yèʼe, Pità yaya jə̀ghə tì bəd ne kayi mə̀Ju. Àsi anyumə̀ ne mbi yeʼe, wì ko se sùngə̀ yi anjìm bə̀ se chìyè ìwi nyɔd ane bəd mbe ne kayi mə̀Ju. Wì yaya ghìyə̀ ane imbə̀ʼ icheg ne wì yaya bɔ bəd mbe ne yaya gha mbe ŋwed bəd məjìm mbe ne zi ibḛfiŋ igun Kristo icheg ne ikuchèg aben mə̀Ju yaʼi.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Jems 1:19

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.