Ɨ̀fàʼì 14:27 - Ikan feg

²⁷ Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Meta’

²⁷ Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.

Ɨ̀fàʼì 14:27 ပူးပေါင်းရင်းမြစ်များ

Jn 9:10

Mbi ya si bìri ibo gha, “Àghò kə̀ si chè iye se bàrà isiŋi?”

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 15:12

Anyumə̀ ne Pɔl tì Bànabàs ya ko ni ghà iyeti inug mbe ne Ŋwiye chè inga inɔb fàʼ abə bəd ne kayi mə̀Ju, bəd məjìm ne ya yaʼi inga ifeti we ya chim tizi.

Rm 15:18

Chəyi mə̀ beri ni kɔ̀m igo imbə̀ʼ anug mɔ̀ʼɔ ndəŋ, chèyi ane anug ne Kristo che inga inum ghàm abə bəd bə̀ fàʼ bəd bàd ni ghì gha bəd mbe ne kayi mə̀Ju mbe bə̀ŋi fìŋ si yaʼ bəd Ŋwiye.

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 14:23

Ane, bəd ne chəyi mbi bḛ Ŋwiye mə̀ yèʼe inga ìwən ifeti pè bàd gha mbə̰ məjìm mbe ghàmà ane tìngam iben ndəŋ, ne chəyi bəd mɔ̀ʼɔ abɔ̀ʼ inən mbe zùghə, imbə̀ʼ mbi biri se kɔ̀ndɔ gha mbə̰ fə be?

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 16:9

Mə biri chughi angu ane imbə̀ʼ icheg ne Ŋwiye fə fìʼì apan chɔm inum ni fàʼ àfàʼì kyen kyen angu. Ŋwiye fìʼì ane, si ya gha, chəyi bəd nɔʼ nɔʼ kə̀bi gha mə faʼa àfàʼì ze.

1 Kɔrèn 5:4

Anyumə̀ ne mbə̀ fete aseg ane ikum Anɔŋisəg Yeso Kristo, àmə azwighi ze abɔ̀ʼ inən, ika we ne Anɔŋisəg Yeso nàʼi inən we bə̀ abɔ̀ʼ inən.

2 Kɔrèn 2:12

Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

Kòlosè 4:3

Mbə̀ bə chàʼra Ŋwiye ina gha wì fiʼe inɔnjì ina tì chete ìwa ikən chɔm we ne ya yaʼi inə̀mbi imbə̀ʼ Kristo. À ya anjìm ikən we ne mə̀ yaʼi inga nəb ndəŋ .