Ɨ̀fàʼì 14:17 - Ikan feg

¹⁷ Si ya gha, məd Ŋwiye fə chwi ineni gha zìye we angu icheg ne we ghìyə̀ ìchɔ̀mì abə bəd. Məd we fìʼè ikaŋ àbɔ̀ŋɔ ghìyə̀ gha mbə̀ŋ no ane nyumə̀ ne zì kòʼi ni no. Məd we bə̀ ghìyə̀ gha mbə̀ bere tijəg ane nyùmə̀ we ne mbə̰ mbe nìŋə ighi aben. Məd we nàʼà ighijəg inən. Məd we bə̀ ghìyə̀ gha mbə̰ ya taŋ gyènde.”

Meta’

¹⁷ Àyɨə məd ziə fə chwi ɨnweenɨ ni tə wɨ əŋgu ɨchî nɨ wɨə ghɨ̀ ɨ̀chɔ̀m ənɨ ə bə̂d. Ɨ wɨə ghɨ̀ ni mbə̀ŋ nɔ. Ɨ wɨə bə̀ ghɨ̀ ni mbə̀ berɨ tɨjɨg ənɨ ə nyùmə̀ we nɨ mbə̀ə kwəŋ ɨghɨ. Ɨ wɨə nàʼ ɨghɨjɨg ɨ nən. Ɨ wɨə bə̀ ghɨ̀ ni ɨghaʼi swi ɨŋga tə fîŋ.”

Ɨ̀fàʼì 14:17 ပူးပေါင်းရင်းမြစ်များ

Matìyò 5:45

Ane, mbə̰ biri yaʼ bɔn ìmbi ìwən Mbaʼ we ne yaʼi ikaŋ àbɔ̀ŋɔ. Mbə̀ ghiyə ane imbə̀ʼ icheg ne məd we ghìyə̀ gha nyùmə̀ zuʼ igun bəd ne ghìyə̀ inug tibɔ̀ŋ fɔrɔ igun bəd ne ghìyə̀ inug chɔm. Məd we bə̀ ghìyə̀ gha mbə̀ŋ no igun bəd ne ghìyə̀ inug ne koʼi fɔrɔ igun bəd ne ghìyə̀ inug ne chəyi mbi koʼi.

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Ɨ̀fàʼì 14:18

Mbi ya ghàm ìngam gho̰, si ya gha, ze ya taŋ ka ako ni təmni bəd mbe gha imbə̀ʼ mbi naʼa awɔb ighi àfàtì mbe inɔb.

Ɨ̀fàʼì 17:26

Wì ya ko ane wə̀d imɔʼ tàngi bəd məjìm inga iben ijìm mbe ne yaʼi inga isəg gho̰. À ya məd ghì bəd yaʼ inga iben ijìm igun isəg. Məd ya fə bì nɔ̀ŋì nyumə̀ abə bəd məjìm fɔrɔ isiŋi ne bəd biri chughi.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.