Ɨ̀fàʼì 14:15 - Ikan feg

¹⁵ “Bəd mbo̰! Aton ne mbə̰ mbe ghìyə̀ inug mbo̰ ina anìŋ àkə gha? Mba ya bəd-aku icheg inən. Tì fə yèʼe tì ikən chɔm inən gha mbə̀ saŋa ighi ako mbo̰ bèni abɔ̀ʼ Ŋwiye we ne yaʼi izɔm. À ya məd ya tangi ikaŋ fɔrɔ ìseg bə̀ tàngi tìbà bə̀ tàngi fɔrɔ ighi ijìm mbe ne yaʼi inga inɔb.

Meta’

¹⁵ “Mba mɨ̀sə̀ʼ, mbə̀ kɨə ghɨ̀ ənû zɔ̂ ɨmbə̀ʼ ə yè ə? Tɨ̀ yɨə bə̂d mɨ̀sɔŋɨchù ɨghabɨ ə mbə̀nə. Tɨ̀ fə yeʼe mbɨ ɨkə̂n chɔ̀m ɨ nən ni mbə̀ saŋ ɨghɨ əko mbɔ̂ beenɨ əbɔʼ Ŋwìə̀ we nɨ yeʼ ɨkǎ. À yɨə məd nyaʼa tekɨ ɨkaŋ, tekɨ si, tekɨ rɨ̀bàà bə̀ tekɨ ɨghɨjìm mbe nɨ yeʼ ɨŋga ɨghɨ mbɔ̂.

Ɨ̀fàʼì 14:15 ပူးပေါင်းရင်းမြစ်များ

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 7:18

Wə̀d we ne chwìte ìmbi tì inug we ghìyə̀ ane imbə̀ʼ bəd ghùmne məd. Àsi wə̀d we ne fàʼà yaʼ ni ghì gha bəd ghumni wə̀d we ne cha aməd, tengàŋ ya wə̀d ne ghà tesiʼ. Chəyi məd we ghà inug ako.”

Ɨ̀fàʼì 10:26

Pità ya ton, nɔ̀ aməd titighe, ghà ibo gha, “Təm titighe, mo ya wə̀d-aku icheg ine.”

Ɨ̀fàʼì 13:32

Ane, tì fə yeʼe tì ikən chɔm inən gha, anug ze ne Ŋwiye ya kàʼi abə ìmba mə̀mbaʼ aneg,

Ɨ̀fàʼì 14:21

Anyumə̀ ne Pɔl tì Bànabàs yaya gha ikən chɔm we a Debè, mbi ya ghì bəd nɔʼ nɔʼ bə̀ŋə̀ si yaʼ bəd Kristo. Mbi ya ghì ane, bə̀ndì ghò a Listrà fɔrɔ a Ìkonìyùm bə̀ fɔrɔ a Antìyɔ̀g.

Ɨ̀fàʼì 14:7

Mbi ya pè angu chètì ikən chɔm imbə̀ʼ Anɔŋisəg Yeso.

Ɨ̀fàʼì 16:30

Wì ya ghì ane, niŋ awɔb mbi dù isəg pè bìri inɔb gha, “Ìmbum mə̀mbaʼ, mə̀ kə anìŋ ghənə bɔŋ pum?”

Ɨ̀fàʼì 27:10

“Ìmbum məfi, mə bàd gha bəd biri zə̰ ngəʼ bə̀ nìmni ighi nɔʼ nɔʼ ane igha̰ gho̰. Kayi məyi abaŋ igyi tì ighi mbe ne abaŋ igyi beʼi biri nim. Tì biri bə ku.”

Ɨ̀fàʼì 27:21

Icheg ne bəd məjìm mbe ne ya yaʼi inga abaŋ igyi ya chughi ane ineg nɔʼ nɔʼ ne chəyi mbi jəghi aghi mɔ̀ʼɔ, Pɔl ya nɔ̀ʼ təm inɔb inga ìsàn ghà inɔb gha, “Məmbe, nji mbə̰ ya zug anug ne mə̀ ya ghà inən, chùghi a Kred. Àkə aghi ne mbə̀ ya zughi, nji chəyi afim chiki abaŋ igyi azo̰. Nji chəyi tì bə nìmni ighi mbo̰ ne tì maʼri inga igyi.

Ɨ̀fàʼì 27:25

Məmbe, mbə̀ nyimbi fìŋ. Mə nɔ̀ŋì ìmə fìŋ igun Ŋwiye gha inug mbe biri dù kwàʼ icheg ne wì gha inum.

Ɨ̀fàʼì 4:24

Anyumə̀ ne mbi ya zughi anug ze, mbɔb məjìm ya fɔti ichug ni chàʼra Ŋwiye. Mbi ya chàʼrì gha, “Atumbisəg, à ya àghò ne tàngi ikaŋ tì ìseg tì tìbà, bə̀ tàngi ighi mbe ne yaʼi inga inɔb ijìm.

Ɨ̀fàʼì 7:26

Àsi isu abɔ̀ʼ, wì ywirì ghò ni mùg awɔb pè bàd mə̀Izre mɔ̀ʼɔ məbe ne mbe zɔ̀ŋɔ̀. Wì ya kə̀b ni ghì gha mbe chughi ane àbɔrɔ̀bɔd. Ane, wì ghà inɔb gha, ‹Mbə̀ nḛ! Mbə̰ ya məfi. Mbə̀ kə zɔ̀ŋɔ̀ aghə?›

1 Kɔrèn 8:4

Ane, ni ghàm imbə̀ʼ tijəg te ne mbe jə mə̀ŋwiye, tè kyèri gha mə̀ŋwiye ya ati ako. Tè bə̀ kyèri gha chəyi Ŋwiye ndəŋ angu. Ŋwiye ya məyi imɔʼ.

Efesùs 4:17

Mə ya anìŋ ghà inən ywìrè bèʼre ane ikum Anɔŋisəg gha imbə̀ʼ mbə̰ ya chùghə awən icheg bəd mbe ne kayi mə̀Ju. Ìtɔb tikɔndi ya kwàʼ ati ako.

1 Tèsàlonikà 1:9

Mbɔb mbe ghàmà yète ikuchèg ne mbə̀ ya niŋi awa icheg chɔm anyumə̀ ne tì ya yeʼe inən. Mbɔb mbe bə̀ ghà icheg ne mbə̀ fə waʼi mə̀ŋwiye ako se fàʼà abə Ŋwiye tesiʼ we ne yaʼi izɔm.

1 Timotì 3:15

Mə ya ŋwàʼrà ni gha mə mə̀ tàn ni yeʼe, àghò biri kyeri icheg ne bəd Kristo beri ni fàʼ inug inga ifeti bəd Ŋwiye. Ifeti gho̰ ya ifeti bəd Ŋwiye we ne yaʼi izɔm. Mbɔb nyimi tesiʼ kwàʼ icheg ne ìte fɔrɔ ati nəb mbe bə̀ nyìme nəb.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Jems 5:17

Èlayijà ya yaʼ wə̀d icheg ina. Wì ya chàʼra Ŋwiye ane fìŋ ijìm gha imbə̀ʼ mbə̀ŋ no yi igun isəg. Ane, chəyi zì ya bə no ane tituʼ titad tì aba.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 19:19

Mə ya bàd nyam kyen mbègtog ze bə̀ bàd məfɔn igun isəg tì tinɔ̰ ìmbɔb mə̀sogyì. Mbi ya fɔti ni màʼ ibid tì wə̀d we ne kɔʼi nyam mə̀kara ze tì mə̀sogyì məd.

Ɨnû 22:9

Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì icheg ine. Mo ya icheg ìmbe məfi mbe ne yaʼi bədkə̀n Ŋwiye bə̀ fɔrɔ icheg bəd mbe ne zùgrə inug mbe ne yaʼi inga àŋwàʼrì azo̰. Àghò ghumni yaʼ Ŋwiye!”

Ɨnû 4:11

“Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”