Ɨ̀fàʼì 13:52 - Ikan feg

⁵² Si ya gha, bəd mbe a Antìyɔ̀g ne ya zi ibḛfiŋ igun Kristo ya taŋ gyen. Azwighi Ŋwiye ya bə̀ taŋ swe awɔb.

Meta’

⁵² Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 13:52 ပူးပေါင်းရင်းမြစ်များ

Matìyò 5:12

Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 5:3

Kayi məyi ane. Tì ya bə̀ ywìrè kɔ̀mɔ̀ igo imbə̀ʼ icheg ne te zə̰ ngəʼ. Tì ya kɔ̀mɔ̀ igo imbə̀ʼ icheg ne tè kyèri gha ngəʼ ya ghìyə̀ tì kyère icheg ni nyimi fìŋ.

2 Kɔrèn 8:2

Mbi ya chè inga ngəʼ ne taŋ kà, si ya gha, igyendi ya sweg inga ìtɔb fìŋ. Àze ya ghì gha mbɔb ya ghàpà ìmbɔb ighi, ka mbɔb ya yaʼ bəd ne chəyi àzɔb.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

1 Tèsàlonikà 1:6

Ka mbə̰ ya jiʼì yaʼ awən inga ngəʼ, mbə̰ ya fə ko ni ghì inug icheg Anɔŋisəg bə̀ fɔrɔ icheg ina. Mbə̰ ya niŋ ikən chɔm we ane igyendi ne Azwighi Ŋwiye ze nàʼà.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.