Ɨ̀fàʼì 13:50 - Ikan feg

⁵⁰ Si ya gha, itog bəd mə̀Ju mbe ya to atog abə mə̀yi kyen kyen mbe ne ya nɔŋi fìŋ igun Ŋwiye bə̀ to atog abə bəd kyen kyen mbe inga asiŋi ze. Ane, mbi ya nɔ̀ʼ ko se chɔ̀ʼɔ ibɔʼì ighog abə Pɔl tì Bànabàs, kàmni awɔb chì inga aba isəg ze.

Meta’

⁵⁰ Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 13:50 ပူးပေါင်းရင်းမြစ်များ

Matìyò 10:23

Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Mk 15:43

Jòseb a Àrimàtiyà ya nyimi fìŋ ghò abə Payilèd, pè ghà ibo gha wì naʼa awu àze Yeso mbe ghò twə̀ŋi. Məd ya wə̀d ne mbi yaya ghùmnə abɔ̀ʼ bəd ne sàʼa aben. Wì yaya bə̀ ghɔ̀mɔ̀ anug ìfɔ̀n Ŋwiye.

Mk 5:17

Anyumə̀ ne bəd mbe ya zughi ane, mbi ya boʼ ibo abə Yeso gha wì saŋa àzɔb aba aben ghò yi.

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 13:45

Si ya gha, anyumə̀ ne mə̀Ju ya bàri tinɔ̰ bəd te, àdeg ya sweg inɔb inga fìŋ. Ane, mbi ya ko se zɔ̀mbɔ̀ Pɔl gha anug ze ne wì ya ghà ya anug ako.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Ɨ̀fàʼì 14:4

Bəd mbe inga asiŋi ze ya ghàpà ane iba ibe. Mbi mɔ̀ʼɔ ya bḛ inug mbe ne mə̀Ju yaya ghà. Mə̀mbin ya bḛ yaʼ inug mbe ne bədtɔm Kristo yaya ghà.

Ɨ̀fàʼì 14:5

Bəd mbe ne kayi mə̀Ju tì mə̀Ju fɔrɔ itog bəd inga aben mə̀Ju ya kə̀b gha nji mbe chə bədtɔm mbe bə̀ tùmbi awɔb ane ateg, zwèti.

Ɨ̀fàʼì 16:14

Àyi mɔ̀ʼɔ abɔ̀ʼ mə̀yi mbe ne ya zughi inug mbe ne tì yaya ghà ya Lidiyà. Wì ya nɔ̀ʼ a Tìyàtirà. Wì yaya fḛ̀ ndwi àka inun. Wi yaya bə̀ ghùmnə Ŋwiye. Anɔŋisəg ya fìʼì fìŋ məd gha wì zìye atog ane anug ne Pɔl yaya ghà.

Ɨ̀fàʼì 17:12

Ane, mbɔb nɔʼ nɔʼ ya bḛ Kristo. Mə̀yi kyen kyen ne kayi mə̀Ju fɔrɔ mbaŋà mɔ̀ʼɔ ne kayi mə̀Ju ya bə̀ bḛ Kristo.

Ɨ̀fàʼì 17:13

Anyumə̀ ne mə̀Ju mbe a Tèsàlonikà ne chəyi mbi ya bḛ Kristo ya zughi gha Pɔl we se ghàmà Ìngam Ŋwiye a Bèriyà, mbi ya ghò angu pè ko se chìkə̀ fìŋ abə bəd bə̀ to bəd gha mbe bughə ndum.

Ɨ̀fàʼì 17:17

Ane, wì ya nɔ̀ʼ ghò inga ichamì Ŋwiye mə̀Ju. Wì ya pè se tòʼrò Ìngam Ŋwiye abə mə̀Ju fɔrɔ abə bəd mbe ne kayi mə̀Ju ne ghùmnə Ŋwiye, gha mbe taŋ kyèri anug ne we ghà. Ineg ijìm, məd yaya bə̀ ghò chùghə aseg inga isiŋi iywin tòʼrò Ìngam Ŋwiye abə bəd ne wì kɔ̀ti angu.

Ɨ̀fàʼì 17:4

Bəd mɔ̀ʼɔ abɔ̀ʼ mə̀Ju mbe ne ya zughi ìngam we bḛ, ya beni abɔ̀ʼ Pɔl tì Sayilàs. Bəd nɔʼ nɔʼ mɔ̀ʼɔ a Gris ne ghùmnə Ŋwiye fɔrɔ mə̀yi kyen kyen mɔ̀ʼɔ ya bə̀ bèni abɔ̀ʼ inɔb.

Ɨ̀fàʼì 18:7

Wì ya ghàm ane, sàŋì awɔb nɔ̀ʼ ghò yi inga nəb mbaŋà mɔ̀ʼɔ ne ikum məd ya Tìtiyòs Jostùs. Jostùs gho̰ yaya bə̀ ghùmnə Ŋwiye. Nəb məd ya yaʼ iban ichamì Ŋwiye mə̀Ju.

Ɨ̀fàʼì 2:5

Anyumə̀ we, mə̀Ju ne yaya ghùmnə Ŋwiye, ya nɔ̀ʼ inga iben ijìm igun isəg ghò se chùghə a Jèrusalèm.

Ɨ̀fàʼì 21:27

Icheg ne ineg ìsàmbe mbe ne Pɔl tì mbaŋà te ya beri ni sò nyɔd icheg ne mə̀nɔ̀ʼɔ̀ chwi yaya se nḛ̀ ni mèg, mə̀Ju mɔ̀ʼɔ ne ya nɔ̀ʼi a aba aben Esìyà ya bàd Pɔl inga mbàn Ŋwiye, bùg ndum, nyi gwìye aməd.

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 6:12

Mbi ya ghì ane nɔ̀ àbùrì inga bəd fɔrɔ inga itog bəd inga aben bə̀ fɔrɔ inga mə̀chwitì mə̀nɔ̀ʼɔ̀. Ane, mbi ya gwìye Stifə̀n niŋ ghò imbìghè abə bəd ne sàʼa aben.

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Rm 10:2

Mə kyèri gha mbɔb kɔ̀ŋ ni fàʼ abə Ŋwiye ane fìŋ ifibì, si ya gha, chəyi mbi taŋ kyèri inɔnjì nì fàʼ ibo.

2 Kɔrèn 11:26

Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

1 Tèsàlonikà 2:14

Ìmba məfi fɔrɔ ìta njàbi, inug mbe ne ya du abə ifeti bəd Ŋwiye we a Jùdeyà, mbe bə̀ dù inən. Ifeti bəd Ŋwiye we ya bəd mbe ne ya bḛ Yeso Kristo. Mbə̰ ya zə̰ ngəʼ ikye abo abə ìmbən bəd aben bə̀ icheg ne mbɔb ya bə̀ zə̰ ngəʼ ikye abo abə mə̀Ju.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.