Ɨ̀fàʼì 13:46 - Ikan feg

⁴⁶ Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Meta’

⁴⁶ Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 13:46 ပူးပေါင်းရင်းမြစ်များ

Matìyò 10:6

Mbə̀ gho yaʼ abə mə̀Izre ne yaʼi icheg njə̀g ne fə nimi.

Matìyò 21:41

Mbɔb ya ywìtì ibo gha, “Wì biri chə bəd inug izəg mbe, zwèti, si nàʼ mben ze abə bəd ndəŋ ne biri se nìŋə ighi a mben nàʼà àze məd tì aba.”

Matìyò 21:43

Ane, mə̀ ya anìŋ ghà inən gha, Ŋwiye biri niŋ anug ìfɔ̀n məd inən, si nàʼ abə bəd mbe ne biri se ghìyə̀ inug mbe ne məd kə̀bi.”

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Jn 1:11

Wì ya yèʼe pè ghò inga aben məd. Si ya gha, chəyi bəd məd ya niŋi aməd.

Jn 4:22

Mbə̰ məSàmarìyà ya ghùmnə Ŋwiye ne chəyi mbə̀ taŋ kyèri. Mba mə̀Ju ya ghùmnə Ŋwiye ne tì kyeri imbə̀ʼ icheg ne Ŋwiye fə chɔʼ yaʼ awa mba mə̀Ju, ni chwi icheg ne məd Ŋwiye biri pumni bəd.

Ɨ̀fàʼì 13:14

Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 13:5

Anyumə̀ ne mbi ya pe a Sàlamìs, mbi ya ghàm Ìngam Ŋwiye inga məchamì Ŋwiye mə̀Ju. Mbi ya yaʼ angu tì Jɔn Mag ne yaya wètè awɔb.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 28:28

Ane, mə we kə̀bə̀ gha mbə̀ kyeri gha Ŋwiye fə chà ikən imbə̀ʼ icheg ne we pùmnə bəd abə bəd mbe ne kayi mə̀Ju. Mbi biri zug.” [

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Ɨ̀fàʼì 4:13

Anyumə̀ ne mbi ya bàri icheg ne Pità tì Jɔn mbe ghàmà ne chəyi mbe bɔ, bə̀ kyèri gha mbɔb ya inati bəd ne chəyi mbi nyi àŋwàʼrì, anug ya chè awɔb. Itog bəd mbo̰ ya bə̀ kyèri gha Pità tì Jɔn ya kweʼì yaʼ abɔ̀ʼ Yeso.

Ɨ̀fàʼì 7:51

Mbə̰ ya bəd ne kà atog! Ìtən fìŋ fɔrɔ ìmbən ìtɔ̀ŋi ya icheg ìmbi bəd mbe ne kayi mə̀Ju: Mbə̰ ya ghìyə̀ inug kwàʼ icheg ìmbən mə̀mbaʼ aneg. Chəyi mbə̰ mbe zùgrə Azwighi Ŋwiye mà nyumə̀ ijìm!

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 2:10

Si ya gha, bəd mbe ne ghìyə̀ inug chɔm, Ŋwiye biri ghì mbɔb bèrì ighumni bə̀ ghà gha mbɔb fàʼ icheg chɔm bə̀ ghì mbi chughi ane àbɔrɔ̀bɔd igun isəg. Wì biri ghì ane ni ko igun mə̀Ju si ghò abə bəd mbe ne kayi mə̀Ju.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

Mə̀Hibrù 11:34

Mbi mɔ̀ʼɔ ya bə̀ nìmni iywid ka ka. Mbi mɔ̀ʼɔ ya nòrò ne chəyi mbi ya zweti awɔb ane məbeg ibid. Mbi mɔ̀ʼɔ ne ya bɔri, Ŋwiye ya nàʼ ika inɔb mbi si yaʼ bəd ka ka ikɔm ibid. Ane, mbɔb ya bə̀ zɔŋ chè mə̀sogyì iben ndəŋ.