Ɨ̀fàʼì 13:30 - Ikan feg

³⁰ Mbi ya jiʼì ghì ane, si ya gha, Ŋwiye ya zwemni aməd ane iwu.

Meta’

³⁰ Àyɨə Ŋwiə̀ nyaʼa zwemnɨ əməd.

Ɨ̀fàʼì 13:30 ပူးပေါင်းရင်းမြစ်များ

Matìyò 28:6

Chəyi məd aŋa. Wì fə zweme kwàʼ icheg ne wì ya gha inən. Mbə̀ yeʼe bàd asiŋi ne mbi kə nɔŋi awu məd angu.

Jn 10:17

Aton ne ìmə mbaʼ we kɔ̀ŋɔ̀ amə ya gha, mə fə sɔ̀ŋ ìmə ìtḛ̀ ni ku imbə̀ʼ icheg ne mə̀ kyèri gha, Ŋwiye biri ywiri nàʼ ìtḛ̀ inum.

Jn 2:19

Yeso ya ywìtì inɔb gha, “Mbə saʼa mbàn Ŋwiye ìzo̰ aseg, mə biri ywiri kɔd ane ineg itad.”

Ɨ̀fàʼì 10:40

Si ya gha, ane ineg ya pe ane itad, Ŋwiye ya zwemni aməd, wì du, bəd bàd.

Ɨ̀fàʼì 13:33

wì fə ghì ze dù ane tesiʼ ina mba mbe ne yaʼi bɔn ane àzɔb aghaŋ inəbi. Wì fə ghì ane icheg ne wì zwèmne Yeso ane iwu. Ŋwiye ghà imbə̀ʼ Yeso inga Àŋwàʼrì mə̀Sam akwiri kyen kyen abe gha, ‹Àghò ya ìmə Ŋwan; tèchɔ̀ŋ, mo fə si ìwe Mbaʼ.›

Ɨ̀fàʼì 13:34

Ŋwiye ya ghà imbə̀ʼ icheg ne wì zwèmni aməd gha chəyi wì biri nɔ̀ʼ bɔb. Wì ya gha: ‹Mə biri mənyìʼ zì àmə àbɔrɔ̀bɔd ze ne mə̀ ya kàʼi abə ifɔn Dèvid igun ine.›

Ɨ̀fàʼì 13:37

Àsi məd we ne Ŋwiye ya zwemni, chəyi wì ya bɔbi.

Ɨ̀fàʼì 17:31

Wì ya nɔ̀ŋì aneg ne wì biri chè anjìm Wə̀d we ne wì ya chɔʼi, saʼ wə̀d ijìm inga isəg gho̰ ane icheg ne koʼi. Wì fə chwi aneni abə bəd məjìm gha zìye biri ghì ane icheg ne wì zwemni wə̀d we ne wì ya chɔʼi ane iwu.”

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Ɨ̀fàʼì 4:10

nji mbə̰ tì bəd məjìm inga Izre, mbə̀ kyeri gha, wə̀d gho̰ ne təmi inən imbìghè anìŋ, à ya ika we ne yaʼi inga ikum Yeso Kristo we a Nazarèd ghi aməd wì bɔ̀ti. Məd ya Yeso we ne mbə̀ ya kɔ̀mbi igun azed abaʼri, si ya gha, Ŋwiye ya zwemni aməd ane iwu.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.