Ɨ̀fàʼì 13:3 - Ikan feg

³ Anyumə̀ ne mbi ya fə chughi njèg bə̀ chàʼra Ŋwiye mànì, mbi ya nɔ̀ŋì ìmbɔb ibo igun inɔb, chà awɔb gha mbe gho ane àfàʼì ze.

Meta’

³ Ənɨ mbɨ nyaʼa fə chub rɨ jɨg bə̀ kɔ̀ŋgɨ̀ ə Ŋwiə̀ màànɨ̀, mbɨ nyaʼa zab mbə ɨbɔ ɨgwɨ mɨ̀mə̌d, chà mɨ̀mə̌d ni mbɨ wò ə.

Ɨ̀fàʼì 13:3 ပူးပေါင်းရင်းမြစ်များ

Lk 2:37

Àna ya yaʼ iku-àyi anene wì si tituʼ ìghum ìfàmi chɔ̀b ikwè. Chəyi wì ya kweʼè dùwə̀ inga mbàn Ŋwiye. Ineg ijìm wì yaya chùghə njèg, chàʼrà Ŋwiye, bə̀ ghùmnə Ŋwiye tisi fɔrɔ tizimi.

Ɨ̀fàʼì 1:24

Mbɔb ya si chàʼra Ŋwiye gha, “Anɔŋisəg, àghò kyèri fìŋ abə wə̀d ijìm. Chwi wə̀d ne àghò chɔ̀ʼi inga mbaŋà ìto̰ tibe

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 14:26

Mbi ya nɔ̀ʼ a Àtalìyà ghò nyi abaŋ igyi bàni bə̀ndì ghò a Antìyɔ̀g. Antìyɔ̀g ya asiŋi ze ne mbi ya bì chàʼra Ŋwiye igun inɔb gha wì ghiyə ìchɔ̀mì inɔb mbɔb gho chètì ikən chɔm. À ya àfàʼì ze ne mbi nɔ̀ʼi angu anìŋ ni mànì.

Ɨ̀fàʼì 15:40

Àsi Pɔl, wì ya niŋ yaʼ Sayilàs mbi fɔrɔ ghò. Bɔŋ mbi ya se nɔ̀ʼɔ̀, bəd Kristo ya chàʼra Ŋwiye igun inɔb gha Anɔŋisəg ghiyə ìchɔ̀mì inɔb.

Ɨ̀fàʼì 6:6

Mbi ya ghì, mbaŋà ìto̰ təm imbìghè abə bədtɔm Kristo. Bədtɔm Kristo ya si nɔ̀ŋì ibo igun inɔb, chàʼra Ŋwiye inɔb.

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Rm 10:15

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 5:22

Imbə̀ʼ àghò kə nyə̀ngə awe ni nɔ̀ŋì ìmbe ibo igun bəd ni zɔʼ awɔb ane bəd ne chà ifeti bəd Kristo. Imbə̀ʼ àghò ziye awe abo inga inug tibɔ̀ŋ bəd ndəŋ. Nɔŋɔ ìwe nyɔd gha we chughi inga ìzḛzḛ.

2 Timotì 1:6

À ya aton ne mə kə̀bə̀ gha àghò nɔmbɔ ineʼi we ne Ŋwiye ya nàʼi ine anyumə̀ ne mə̀ ya nɔŋi ìmbum ibo igun ine chàʼra Ŋwiye. Nɔmbɔ ghì we kweg.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

3 Jɔn 1:6

Mbi fə mə̀tì icheg ne àghò we kɔ̀ŋɔ̀ bəd abə ifeti bəd Kristo we ne yaʼi aŋa. Mə boʼ ibo ine, àghò wete awɔb, chà awɔb mbe gho ane ikuchèg ne Ŋwiye biri kɔ̀ŋ.

3 Jɔn 1:8

À ya mba bəd Kristo mənyìʼ wètì awɔb nàʼ ighi inɔb. Tì mə ghì ane, ze chwi gha tè fɔ̀ti tì inɔb bə̀ fàʼ àza tì àfàʼì ni chètì tesiʼ.