Ɨ̀fàʼì 13:27 - Ikan feg

²⁷ Chəyi bəd a Jèrusalèm tì ìmbɔb itog bəd ya kyere Yeso icheg wə̀d ne pùmnə bəd. Mbɔb ya zì yaʼ isaʼi wən igun məd, niŋ isɔbi anug zwèti aməd. Ane, inug mbe ne bədkə̀n Ŋwiye ya ghum ghà, ne mbɔb yaya fɔ̀ŋɔ mà ineg àzwètì ijìm, ya dù ane tesiʼ.

Meta’

²⁷ Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.

Ɨ̀fàʼì 13:27 ပူးပေါင်းရင်းမြစ်များ

Matìyò 22:29

Yeso ya ywìtì gha, “Mbə̰ ya anìŋ fèbè imbə̀ʼ icheg ne chəyi mbə̀ kyeri Ìngam Ŋwiye kə̀ ika məd.

Lk 22:34

Yeso ya ghà ibo gha, “Mə gha tesiʼ ine àghò Pità, bɔŋ inɔm ngub se tɔ̀ŋɔ tèchɔ̀ŋ, àghò biri fə to̰ awe aghəm atad gha chəyi àghò kyèri amə.”

Lk 23:13

Payilèd ya kàrì itog bəd mbàn Ŋwiye tì itog bəd inga aben fɔrɔ inɔ̰ bəd, mbi fete.

Lk 24:20

Itog bəd mbàn Ŋwiye fɔrɔ itog bəd inga aben ya gwì aməd nàʼ abə Payilèd gha wì sɔb isaʼi gha mbe zweti. Mbi ya kɔ̀mbì aməd igun azed abaʼri, wì ku.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

Jn 5:39

Mbə̰ ya jiʼè zìyè atog ni mə̀nì Ìngam Ŋwiye inga Àŋwàʼrì məd nè kɔ̀ndɔ gha mbə biri jəg ìtḛ̀ ighə̀m imɔʼ. Mbə̀ kyèri gha, Ìngam Ŋwiye we ne mbə̀ zi atog ni mə̀nì, wi ya ghàmà imbə̀ʼ amə.

Jn 8:28

Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.

Ɨ̀fàʼì 15:21

Tè ghiyə ane imbə̀ʼ icheg ne bəd ya fə ko ni zug mə̀nɔ̀ʼɔ̀ Muse nɔ̀ʼ ane nyùmə̀ we abə ìmba mə̀mbaʼ aneg. Mbi ya bə̀ fɔ̀ŋɔ mə̀nɔ̀ʼɔ̀ mbe igun ineg àzwètì ijìm inga məchamì Ŋwiye məjìm.”

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 3:17

Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.