Ɨ̀fàʼì 13:2 - Ikan feg

² Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Meta’

² Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 13:2 ပူးပေါင်းရင်းမြစ်များ

Matìyò 17:21

[Chəyi tì iku azwighi tibɔ̀ŋ gho̰ dù ne chəyi mbə̀ chughi njèg chàʼra Ŋwiye.]

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 9:38

Mbə̀ chaʼra Ŋwiye gha Wə̀d ne beri mben wè cha bəd àfàʼì inga ìzi mben, mbe niŋ ighi məd.”

Lk 10:1

Ane inug mbo̰ ya che, Anɔŋisəg ya chɔʼ bəd ndəŋ ìghum ìsàmbe chɔ̀b ibe . Wì ya tɔm awɔb məbe məbe. Wì ya gha mbe gho ibo imbìghè inga isiŋi mbe ne məd ya beri ni ghò məd məd.

Lk 2:37

Àna ya yaʼ iku-àyi anene wì si tituʼ ìghum ìfàmi chɔ̀b ikwè. Chəyi wì ya kweʼè dùwə̀ inga mbàn Ŋwiye. Ineg ijìm wì yaya chùghə njèg, chàʼrà Ŋwiye, bə̀ ghùmnə Ŋwiye tisi fɔrɔ tizimi.

Ɨ̀fàʼì 10:19

Icheg ne Pità yaya kiri kɔndɔ aton imbə̀ʼ anatì njə̀m ze, Azwighi Ŋwiye ya ghà ibo gha, “Nḛ, bəd mətad mbe kə̀bə̀ awe.

Ɨ̀fàʼì 10:30

Kònilìyùs ya ghà ibo gha, “À ya kə̀ icheg anyumə̀ anìŋ, ne ineg ikwè fə che, ne mə̀ kə̀ chàʼrà Ŋwiye ane mə̀nyùmə̀ mətad tisi inum inga nəb. Mə ŋa zə̰, mbaŋà mɔ̀ʼɔ ne ndwi məd te njàndi njandi, wì du inum imbìghè.

Ɨ̀fàʼì 13:3

Anyumə̀ ne mbi ya fə chughi njèg bə̀ chàʼra Ŋwiye mànì, mbi ya nɔ̀ŋì ìmbɔb ibo igun inɔb, chà awɔb gha mbe gho ane àfàʼì ze.

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 14:26

Mbi ya nɔ̀ʼ a Àtalìyà ghò nyi abaŋ igyi bàni bə̀ndì ghò a Antìyɔ̀g. Antìyɔ̀g ya asiŋi ze ne mbi ya bì chàʼra Ŋwiye igun inɔb gha wì ghiyə ìchɔ̀mì inɔb mbɔb gho chètì ikən chɔm. À ya àfàʼì ze ne mbi nɔ̀ʼi angu anìŋ ni mànì.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Ɨ̀fàʼì 6:4

Àsi mba, tì biri niŋ ìwa nyùmə̀ ijìm ane anug ni ya chàʼrà Ŋwiye bə̀ chwìte Ìngam Ŋwiye.”

Ɨ̀fàʼì 8:29

Azwighi Ŋwiye ya ghà abə Filip gha, “Ndò se yḛ̀ iban mətwə̀ iywin.”

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 10:15

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”

Rm 15:16

Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

1 Kɔrèn 12:11

À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

1 Kɔrèn 7:5

Imbə̀ʼ wə̀d to̰ yi ni nàʼ ìwi nyɔd abə aywin, chè ni gha, mbə̰ məjìm bḛ ni chughi ane ane iki nyumə̀ mɔ̀ʼɔ imbə̀ʼ chàʼra Ŋwiye. Mbə̰ mə̀ mànì ni chàʼra Ŋwiye, mbə ywìrì fɔti ìwən nyɔd ni ghì gha imbə̀ʼ Sàtàn kwàʼra yi awən imbə̀ʼ icheg ne chəyi mbə̀ kyeri nyimbi nyɔd.

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Gàlesìyà 1:15

Si ya gha, bɔŋ mbi ya se gwi mə, Ŋwiye ya fə ghì ìchɔ̀mì inum, chɔʼ amə gha mə̀ yaʼ wə̀d àfàʼì məd.

Efesùs 3:7

Mə ya fàʼà ni ghà ikən chɔm gho̰ anjìm ìchɔ̀mì Ŋwiye we ne wì che anjìm ika məd nàʼ inum.

Kòlosè 4:17

Mbə̀ gha abə Akipùs gha wì kirə ika ni mànì àfàʼì ze ne Anɔŋisəg zi ibo ikye abo.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

2 Timotì 4:11

À ya məyi Lug si yaʼ aŋa abɔ̀ʼ inum. Niŋ Mag yèʼe tì məd imbə̀ʼ icheg ne məd we tì wì wètì amə ane àmə àfàʼì.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

Mə̀Hibrù 5:4

Chəyi wə̀d mɔ̀ʼɔ ne chɔ̀ʼɔ ìwi nyɔd ni niŋ ighumni ni yaʼ atog wə̀d igun bəd mbàn Ŋwiye. À ya məyi Ŋwiye we chɔ̀ʼɔ məd icheg ne wì ya chɔʼi Eròn.