Ɨ̀fàʼì 13:15 - Ikan feg

¹⁵ Anyumə̀ ne bəd mbe angu ya fə fɔŋi Ìngam Ŋwiye inga àŋwàʼrì mə̀nɔ̀ʼɔ̀ Muse, bə̀ fɔŋ inga àŋwàʼrì bədkə̀n Ŋwiye, itog bəd mbe inga ichamì Ŋwiye we ya chà ikən abə Pɔl tì Bànabàs gha, “Ìmba məfi, mbə̰ mə̀ bèrì ìngam mɔ̀ʼɔ ni nəri awa, mbə ghà ina.”

Meta’

¹⁵ Ənɨ bə̂d mbe rəŋgu nyaʼa fə foŋ ɨŋgam Ŋwiə̀ rɨŋga ə̀ŋwàʼnɨ̀ ə tɨkə rɨ Mose, bə̀ foŋ rɨŋga ə̀ŋwàʼnɨ̀ ə bə̂d ɨ̀kə̀n Ŋwiə̀, bə̂d mbe nɨ nyaʼə chà nəb ə̀kàtɨ̀ ze nyaʼa cha ɨkə̂n əmbɨ Pɔ̂l mbɨ Banabàs ni, “Bɔŋgɔb, mbə mɨ berɨ ɨŋgam mɔʼɔ nɨ timbɨ əwa, mbə̀ gha ɨ na.”

Ɨ̀fàʼì 13:15 ပူးပေါင်းရင်းမြစ်များ

Mk 5:22

Wə̀d kyen mɔ̀ʼɔ abɔ̀ʼ bəd ne yaya sàʼa ichamì Ŋwiye ne ikum məd ya Jarùs ya bàd aməd ghò gùg aseg ibo iban ighog,

Lk 16:16

Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Ɨ̀fàʼì 1:16

Wì ya ghà inɔb gha, “Ìmbum məfi fɔrɔ ìtum njàbi, Ìngam Ŋwiye we ne Azwighi Ŋwiye ya ghi ifɔn Dèvid ŋwàʼrì kwàʼ aneg aneg imbə̀ʼ Judàs we ne ya fḛ Yeso abə bəd mbe ne ya gwìye Yeso fə dù ane tesiʼ.

Ɨ̀fàʼì 13:27

Chəyi bəd a Jèrusalèm tì ìmbɔb itog bəd ya kyere Yeso icheg wə̀d ne pùmnə bəd. Mbɔb ya zì yaʼ isaʼi wən igun məd, niŋ isɔbi anug zwèti aməd. Ane, inug mbe ne bədkə̀n Ŋwiye ya ghum ghà, ne mbɔb yaya fɔ̀ŋɔ mà ineg àzwètì ijìm, ya dù ane tesiʼ.

Ɨ̀fàʼì 15:21

Tè ghiyə ane imbə̀ʼ icheg ne bəd ya fə ko ni zug mə̀nɔ̀ʼɔ̀ Muse nɔ̀ʼ ane nyùmə̀ we abə ìmba mə̀mbaʼ aneg. Mbi ya bə̀ fɔ̀ŋɔ mə̀nɔ̀ʼɔ̀ mbe igun ineg àzwètì ijìm inga məchamì Ŋwiye məjìm.”

Ɨ̀fàʼì 15:7

Anyumə̀ ne mbi ya fə ghàmi ghò agha sà, Pità ya nɔ̀ʼ təm titighe, ghà inɔb gha, “Ìmbum məfi, mbə̰ kyèri àzən aghi gha, inga ineg mbe ne anug Kristo ya ko, Ŋwiye ya chɔʼ amə inga inən, chà amə gha mə gho ghà ikən chɔm gho̰ abə bəd ne kayi mə̀Ju, mbe zug bḛ.

Ɨ̀fàʼì 18:17

Mə̀Ju mbe ya gwì Sostenès we ne ya yaʼi atog wə̀d inga ichamì Ŋwiye, niŋ ghò imbìghè nəb isaʼi ze, sɔmɔ aməd. Si ya gha, chəyi Gàliyò ya niŋ àze ane anug mɔ̀ʼɔ.

Ɨ̀fàʼì 18:8

Krispòs ne ya yaʼi atog wə̀d inga ichamì Ŋwiye we fɔrɔ bəd məjìm mbe ne ya yaʼi ibo inga nəb ya bḛ Anɔŋisəg Yeso. Bəd nɔʼ nɔʼ a Kɔrèn ya zug anug ze ne Pɔl yaya ghà. Ane, mbi ya bḛ Anɔŋisəg Yeso bə̀ niŋ mənib.

Ɨ̀fàʼì 2:29

Pità ya chè imbìghè tòʼrì inɔb gha, “Ìmbum məfi fɔrɔ ìtum njàbi, mə we tì mə gha tesiʼ ne mə̀ kyeri inən gha: Ifɔn Dèvid ne yaʼi ìwa mbaʼ kyen ya ku mbi twəŋi. Iseg məd gho̰ kiri biri pè tèchɔ̀ŋ.

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 20:2

Anyumə̀ ne Pɔl ya yaʼi a Màsèdonìyà, wì yaya yḛ̀ iben iben nè nə̀rə fìŋ abə bəd mbe ne ya nɔŋi ìwɔb ibḛfiŋ igun Yeso Kristo. Wì ya si ghò pè a Gris.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Ɨ̀fàʼì 7:2

Stifə̀n ya ywìtì gha, “Ìmbum məfi fɔrɔ ìmbum mə̀mbaʼ, mbə̀ zug! Ŋwiye we ne mba mbe ghùmnə ya dù imbìghè abə Abràham anyumə̀ ne wì ya kiri biri a Mèsòpòtemìyà, bɔŋ wì ya gho se chùghə a Haràn.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 14:3

Si ya gha, bəd mbe ne ghà ikən Ŋwiye ya ghàmà abə bəd ni nə̀rì ìtɔb fìŋ bə̀ ghìyə̀ gha mbe təm kà bə̀ ghì gha ìtɔb fìŋ zutə.

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

1 Tèsàlonikà 2:3

Ìngam Ŋwiye we ne te ghà inən ya kayi ni fèbrì awən, kə̀ gha tì bèrì ikɔndi tibɔ̀ŋ mɔ̀ʼɔ imbə̀ʼ awən, kə̀ gha tì ya kə̀bə̀ ni tambi awən.

Mə̀Hibrù 13:22

Ìmbum məfi fɔrɔ ìtum njàbi, mə boʼ ibo inən gha ìngam gho̰ ne mə̀ zi inga iki àŋwàʼrì azo̰ ni nəri ìtən fìŋ, mbə̀ nyimi kwàʼ ane fìŋ chɔm.