Ɨ̀fàʼì 13:14 - Ikan feg

¹⁴ Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Meta’

¹⁴ Mbɨ nyaʼa nɔ̀ʼ rɨ ə Pegà wò ə Antiɔ̀k we nɨ nyaʼa ɨŋga əbà əbeŋ ze rɨ ə Pisidià. À nyaʼa sɨ əni əkwɨ mɨ̀Jû, mbɨ nyaʼa wò nyɨ ɨŋga nəb ə̀kàtɨ̀ mɨ̀Jû pè chub ə si.

Ɨ̀fàʼì 13:14 ပူးပေါင်းရင်းမြစ်များ

Lk 4:16

Yeso ya ghò a Nazarèd, asiŋi ne wì ya kweghi angu. Igun aneg àzwètì mə̀Ju, wì gho inga ichamì Ŋwiye icheg ne wì yaya nḛ ghò. Wì ya pè təm titighe ni fɔŋ Ìngam Ŋwiye.

Ɨ̀fàʼì 13:42

Anyumə̀ ne Pɔl tì Bànabàs yaya dùwə̀ inga ichamì we, bəd mbe ya boʼ ibo inɔb gha mbe ywirì bə̀ndì yèʼe igun aneg àzwètì mə̀Ju ze abɔ̀ʼ imbə̀ʼ ghà inug ndəŋ ne yaʼi icheg mbo̰ inɔb.

Ɨ̀fàʼì 13:44

Igun aneg àzwètì mə̀Ju ze abɔ̀ʼ, bəd nɔʼ nɔʼ inga asiŋi ze ya fete inga ichamì Ŋwiye we ni zug ìngam Anɔŋisəg.

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 13:5

Anyumə̀ ne mbi ya pe a Sàlamìs, mbi ya ghàm Ìngam Ŋwiye inga məchamì Ŋwiye mə̀Ju. Mbi ya yaʼ angu tì Jɔn Mag ne yaya wètè awɔb.

Ɨ̀fàʼì 14:19

Mə̀ju mɔ̀ʼɔ ya nɔ̀ʼ a Antìyɔ̀g, mə̀mbin nɔ̀ʼ a Ìkonìyùm, mbi yeʼe a Listrà. Mbi ya pè to atog abə tinɔ̰ bəd te gha mbe beni abɔ̀ʼ inɔb. Ane, mbi ya tumbi Pɔl ane ateg. Mbi ya kɔndi gha wì fə ku, mbi sùŋì aməd inga ikye aben Listrà chà isəg.

Ɨ̀fàʼì 16:13

Igun aneg àzwètì mə̀Ju, tì ya dù inga ikye aben ghò iban igyi kyen imbə̀ʼ icheg ne tì ya kɔndi gha à ya asiŋi ne mə̀Ju mbe angu yaya ghò fète ni chàʼra Ŋwiye. Tì ya pè chùghi, si ko se mùghə̀ tì mə̀yi mbe ne ya fete angu.

Ɨ̀fàʼì 17:2

Pɔl ya ghò nyi inga ichamì Ŋwiye we icheg ne wì yaya nḛ ghò aghəm ijìm. Wì yaya tòʼrò Ìngam Ŋwiye abə mə̀Ju mbe ne ya yaʼi angu igun ineg àzwètì mə̀Ju ane ìkàb itad.

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 19:8

Pɔl ya ghò nyi inga ichamì Ŋwiye se ghàmà abə bəd kwàʼ ane fìŋ ka ka. Wì yaya ghàmà ane ane aməg atad. Wì yaya tòʼrò inug mbi taŋ zḛ ghìyə̀ gha mbe kyeri gha anug ìfɔ̀n Ŋwiye ya anug tesiʼ.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.