Ɨ̀fàʼì 12:3 - Ikan feg

³ Icheg ne wì ya bàri gha itog bəd mə̀Ju kɔ̀ŋ aghi ne wì ya ghi, wì ya chè imbìghè bə̀ gwìye Pità. Ifɔn Erɔ̀d ya ghì anug azo̰ anyumə̀ ne mbi yaya jə̀ghə Iteri ngə̀ŋ ze ne chəyi àfòrì inga.

Meta’

³ Ənɨ wɨ̀ nyaʼa zə ni ənû ze ə nyaʼa bɔ̀ŋ mɨ̀Jû, wɨ̀ nyaʼa wò ɨmbì gywɨ̀ ə Pità. Wɨ̀ nyaʼa ghɨ̀ ənû zɔ̂ ənɨ mbɨ nyaʼə jɨgə ŋgə̀ŋ ze nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga.

Ɨ̀fàʼì 12:3 ပူးပေါင်းရင်းမြစ်များ

Matìyò 26:17

À ya yaʼ igun aneg mbègtog inga ikab, ne mbi ya ko ni jəg Iteri Ngə̀ŋ mə̀kara ne chəyi àfòrì inga, ne mə̀mə̀nənùg ìmbi Yeso ya gho bìri ibo gha, “Asiŋi ne àghò kə̀bi gha tì gho chùʼri ne àghò bìri jəg Iteri Chègun angu àkə ayeg?”

Jn 12:43

Itog bəd aben mə̀Ju ya kɔ̀ŋ gha bəd ghumni awɔb chè icheg ne Ŋwiye biri ghumni awɔb.

Jn 19:11

Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Jn 21:18

Mə ghà tesiʼ ine gha, anyumə̀ ne àghò yaya kiri ŋwan ajɔŋ, à yaya zìyè ìte ndwi ghò a asiŋi ne àghò kɔ̀ŋi. Àsi anyumə̀ ne àghò nṵ, àghò biri se sèmbè ibo chwìye, bəd ndəŋ zìyè ndwi igun ine, nìŋə awe ghò a asiŋi ne chəyi àghò kɔ̀ŋi ni ghò.”

Ɨ̀fàʼì 12:4

Wì ya ghì mbi gwì Pità ane zì a ndəŋ. Wì ya ghì akoʼi mə̀sogyì akwè yaʼ ni kyèʼrì nəb ndəŋ gha imbə̀ʼ Pità nɔʼ dù. Ikoʼi ifibì ya mə̀sogyì məkwè. Erɔ̀d yaya ghɔ̀mɔ̀ gha Iteri Chègun meghe bɔŋ wì saʼ Pità imbìghè abə inɔ̰ bəd.

Ɨ̀fàʼì 2:14

Pità tì bədtɔm mbin ìghum chɔ̀b imɔʼ ya nɔ̀ʼ təm titighe, nɔ̀rì ìzi gì ikaŋ, ghàm abə inɔ̰ bəd we gha, “Ìmbum məfi ne yaʼi mə̀Ju fɔrɔ wə̀d ijìm we ne chùghə inga Jèrusalèm, mbə̀ taŋ zug anug ne mə ghà.

Ɨ̀fàʼì 20:6

Anyumə̀ ne nyùmə̀ Iteri Chègun ya fə che, tì ya nɔ̀ʼ a Filipì yèn inga abaŋ igyi, niŋ ineg ita̰, kɔ̀ti awɔb a Truwàs. Tì ya chughi angu ane ineg ìsàmbe.

Ɨ̀fàʼì 24:27

Tituʼ ya chè tibe, Posìyòs Festùs jəg atən abə Feligs icheg gɔbnà. Icheg ne Gɔbnà Feligs yaya kə̀bə̀ ni ghì ìchɔ̀mì abə mə̀Ju, wì ya sàŋì Pɔl inga nəb ndəŋ .

Ɨ̀fàʼì 25:9

Wì ya ghàm ane, si ya gha, Festùs ya kə̀b ni ghì gha mə̀Ju se kɔ̀ŋɔ̀ aməd. Ane, wì ya ghà abə Pɔl gha, “Àghò wa kə̀b ni kɔʼ ghò a Jèrusalèm gha mə saʼ awe angu imbə̀ʼ inug mbo̰ ne mbi puti awe inum anìŋ?”

Ɨ̀fàʼì 4:13

Anyumə̀ ne mbi ya bàri icheg ne Pità tì Jɔn mbe ghàmà ne chəyi mbe bɔ, bə̀ kyèri gha mbɔb ya inati bəd ne chəyi mbi nyi àŋwàʼrì, anug ya chè awɔb. Itog bəd mbo̰ ya bə̀ kyèri gha Pità tì Jɔn ya kweʼì yaʼ abɔ̀ʼ Yeso.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.