Ɨ̀fàʼì 12:19 - Ikan feg

¹⁹ Anyumə̀ ne ifɔn Erɔ̀d ya ghi mbi kə̀b Pità tèkan, wi ya ghì mbi saʼ mə̀sogyì mbe bə̀ niŋ isɔbi anug ghì mbi zweti awɔb. Ifɔn Erɔ̀d ya si nɔ̀ʼ a Jùdeyà ghò chùghi yaʼ a Kàserìyà ane nyumə̀ mɔ̀ʼɔ.

Meta’

¹⁹ Herɔ̀d nyaʼa chà bə̂d ni mbɨ kəb ə Pità, àyɨə chəi mbɨ nyaʼa zə əməd. Wɨ̀ nyaʼa nwèndɨ̀ mɨ̀sɔgyɨ̀ mbe, əne ghà ni mbɨ zwiirɨ mɨ̀mə̌d. Ənɨ mbɨ nyaʼa ghɨ̀ əne, wɨ̀ nyaʼa nɔ̀ʼ rɨ ə Jùdeyà swiʼi wò ə Kàisàriyà pè chub əŋgu ənɨ ɨkə nyumə̀.

Ɨ̀fàʼì 12:19 ပူးပေါင်းရင်းမြစ်များ

Matìyò 2:1

Mbi ya gwi Yeso a Betèlèhem, inga aba aben Jùdeyà, inga nyùmə̀ we ne Erɔ̀d ya yaʼi ifɔn. Anyumə̀ ne mbi ya gwi aməd, agha ya to sà bəd mɔ̀ʼɔ ne ya kyeri anug imbə̀ʼ titəm iməg ya nɔ̀ʼ aba isəg ze ne nyùmə̀ we dùwə̀ angu ghò a Jèrusalèm.

Matìyò 2:13

Anyumə̀ ne bəd mbe ne kyeri anug imbə̀ʼ titəm iməg ya fə ghò awɔb, angirə̀ Anɔŋisəg ya ghò abə Jòseb anjə̀m, pè ghà ibo gha, “Nɔ̀ʼɔ! Niŋ ŋwan bɔd we tì ngɔb məd mbə̀ noro ghò a Ijìb. Mbə̀ chughi angu anene mə ghà ine gha mbə̀ ywirì yèʼe aŋa. Aton ya gha, Erɔ̀d biri chà bəd gha mbe kəbə ŋwan we zwèti.”

Matìyò 2:16

Anyumə̀ ne Erɔ̀d ya bàri gha bəd mbe ne kyeri anug imbə̀ʼ titəm iməg fə tambi aməd, wì ya taŋ gaŋ. Wì ya si nɔ̀ʼ chà ìmbi mə̀sogyì a Betèlèhem bə̀ fɔrɔ inga isiŋi mbe ne yaʼi iban iban gha mbe gho zwèti bɔn mbaŋà məjìm ne ya yaʼi tituʼ tibe bə̀ fɔrɔ ìmbe ne chəyi mbi ya kiri koʼi tituʼ tibe. Wì ya ghì ane nɔ̀pi ane nyùmə̀ we ne bəd mbe ne kyeri anug imbə̀ʼ titəm iməg ya gha ibo.

Ɨ̀fàʼì 12:18

Anyumə̀ ne ituʼ ya chəghi, atog ya bùrə̀ abə mə̀sogyì mbe. Mbi yaya se chè kɔ̀ʼɔ chè swìʼe sɔ̀mɔ nyɔd imbə̀ʼ icheg ne chəyi mbi ya kyeri aghi ne ghi tì Pità.

Ɨ̀fàʼì 12:4

Wì ya ghì mbi gwì Pità ane zì a ndəŋ. Wì ya ghì akoʼi mə̀sogyì akwè yaʼ ni kyèʼrì nəb ndəŋ gha imbə̀ʼ Pità nɔʼ dù. Ikoʼi ifibì ya mə̀sogyì məkwè. Erɔ̀d yaya ghɔ̀mɔ̀ gha Iteri Chègun meghe bɔŋ wì saʼ Pità imbìghè abə inɔ̰ bəd.

Ɨ̀fàʼì 12:6

Izimi we ne nàʼà abə aneg ze ne Erɔ̀d ya beri ni saʼ Pità, Pità yaya gwḛ yi inga ìsàn mə̀sogyì məbe ne kyèʼrè aməd. Mbi ya kɔd aməd ane mə̀chen məbe. Mə̀sogyì ya bə̀ chùghi inuʼ ikam se kyèʼrè nəb ndəŋ ze.

Ɨ̀fàʼì 16:27

Anyumə̀ ne mbaŋà ze ne yaya kyèʼrè nəb ndəŋ ze ya nɔ̀ʼi angwḛ, wì ya si bàd tinuʼ nəb ndəŋ ifìʼi. Wì ya bàd ane, chɔʼ ibeg ibid inga baʼ, se kə̀bə̀ ni zweti ìwi nyɔd imbə̀ʼ icheg ne wì ya kɔndi gha bəd ndəŋ mbe fə dù nòrò awɔb.

Ɨ̀fàʼì 21:8

Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Ɨ̀fàʼì 25:13

Anyumə̀ ne ineg mɔ̀ʼɔ ya che, ifɔn Agripà tì Bènis ya ghò chàʼrì Gɔbnà Festùs a Kàserìyà.

Ɨ̀fàʼì 27:42

Mə̀sogyì mbe ya chuʼri gha mbɔb biri zweti bəd ndəŋ mbe məjìm, imbə̀ʼ ìwi mɔ̀ʼɔ nɔ̀ʼ zɔʼ igyi tìbà we nòrò yi.

Ɨ̀fàʼì 8:40

Azwighi Ŋwiye ya niŋ Filip ane wi si dù yaʼ a Àzotùs, se yḛ̀ nè ghà ikən chɔm inga isiŋi ijìm. Wì yaya yḛ̀ nè ghà ikən chɔm we ane anene ghò pè a Kàserìyà.