Ɨ̀fàʼì 11:30 - Ikan feg

³⁰ Mbi ya chɔ̀pì ighi mbe ane, nàʼ abə Bànabàs tì Sɔl gha mbe niŋ ghò zì ikye abo abə itog bəd Kristo mbe a Jùdeyà.

Meta’

³⁰ Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.

Ɨ̀fàʼì 11:30 ပူးပေါင်းရင်းမြစ်များ

Ɨ̀fàʼì 12:1

Inga ineg mbe ne Bànabàs tì Sɔl ya yaʼi a Antìyɔ̀g, ifɔn Erɔ̀d ya gwìtì bəd Kristo mɔ̀ʼɔ ni chə awɔb.

Ɨ̀fàʼì 12:25

Anyumə̀ ne Bànabàs tì Sɔl ya màni àfàʼì ze ne mbi ya cha awɔb gha mbe gho fàʼ a Jèrusalèm, mbi ya bə̀ndì ghò a Antìyɔ̀g. Anyumə̀ ne mbi yaya bə̀ndə̀, mbi ya niŋ Jɔn Mag ghò tì məd.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:4

Anyumə̀ ne mbi ya gho pè a Jèrusalèm, ifeti bəd Kristo tì bədtɔm Kristo fɔrɔ itog bəd inga ifeti bəd Kristo ya niŋ awɔb kwàʼ icheg chɔm. Pɔl tì Bànabàs ya mə̀tì inug ijìm ne Ŋwiye ya che inga inɔb fàʼ.

Ɨ̀fàʼì 15:6

Ane, Bədtɔm Kristo tì itog bəd inga ifeti bəd Kristo ya bɔ̀mbì ni nèn anug ze kwàʼ icheg chɔm.

Ɨ̀fàʼì 16:4

Icheg ne mbi yaya yḛ̀ isiŋi isiŋi, mbi yaya nè mə̀tə̀ tikə te ne bədtɔm fɔrɔ itog bəd inga ifeti bəd Kristo we a Jèrusalèm ya niŋi isɔbi anug gha bəd Kristo nɔŋɔ. Mbɔb yaya ghà abə bəd gha mbe nɔŋɔ tikə te tijìm.

Ɨ̀fàʼì 20:17

Anyumə̀ ne Pɔl ya yaʼi a Mìletùs, wì ya chà wə̀d gha wì ghò ghà abə itog bəd inga ifeti bəd Kristo we a Efesùs gha mbe yèʼe kɔ̀ti aməd.

Ɨ̀fàʼì 21:18

Àsi aneg abɔ̀ʼ, mba məjìm tì Pɔl ya ghò ni zən Jem. Tì ya pè zən Jem tì itog bəd inga ifeti bəd Kristo ne ya yaʼi angu.

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

1 Timotì 4:14

Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 5:17

Àghò nḛ gha bəd mbe nàʼà ighumni abə itog bəd mbe ne chà ifeti bəd Kristo bə̀ taŋ nàʼà ìwɔb ichɔʼ àfàʼì inɔb, ako ako ya bəd mbe ne taŋ fàʼà ni ghà Ìngam Ŋwiye bə̀ fɔrɔ ni chwìti inug imbə̀ʼ Kristo abə bəd.

1 Timotì 5:19

Imbə̀ʼ àghò bḛ awe gha mbe ziye isaʼi igun atog wə̀d mɔ̀ʼɔ abɔ̀ʼ mbe ne chà ifeti, kirənde bəd ndəŋ məbe kə̀ mətad yeʼe tì isaʼi we icheg bəd ne bari ati.

Tayitùs 1:5

Aton ne mə̀ ya sàŋi awe a Kred ya gha àghò mana sèmbì inug mɔ̀ʼɔ mbe ne chəyi tì ya kiri sembi, bə̀ chɔʼ itog bəd inga tifeti bəd Kristo inga isiŋi ijìm a Kred icheg ne mə̀ ya gha ine.

Jems 5:14

Wə̀d mɔ̀ʼɔ abɔ̀ʼ inən we wa ghɔ̰̀? Tengàŋ kara itog bəd inga ifeti bəd Kristo mbe yeʼe chàʼra Ŋwiye igun məd, zɔʼ aməd inga məwud ane ikum Anɔŋisəg.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

2 Jɔn 1:1

À ya mo Jɔn, ne yaʼi atog wə̀d igun ifeti bəd Kristo ŋwàʼri àŋwàʼrì azo̰. Mə ya ŋwàʼrà anìŋ ine àghò àyi kyen we ne Ŋwiye ya chɔʼi fɔrɔ abə ìmbe bɔn. Mə taŋ kɔ̀ŋ awən kwàʼ tesiʼ. Kayi məyi mo kɔ̀ŋi awən. Bəd məjìm ne kyeri tesiʼ imbə̀ʼ Ŋwiye bə̀ kɔ̀ŋ awən.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.