Ɨ̀fàʼì 11:26 - Ikan feg

²⁶ Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Meta’

²⁶ Ənɨ wɨ̀ nyaʼa zə əməd, wɨ̀ nyaʼa nɨŋ əməd mbɨ wò ə Antiɔ̀k. Ɨ mbɨə nyaʼə bòmnɨ̀ə̀ mbɨ ə bə̂d mbe nɨ nyaʼa ben ə Kristo. Ɨ mbɨə nyaʼə bòmnɨ̀ əne ənɨ əghəm əwu ə fibɨ̀. Mbɨ nyaʼə bòmnɨ̀ə̀ chwi ɨnû ɨmbə̀ʼ ə Yeso əmbɨ ə bə̂d mɨ̀nɔnɔʼ. À yɨ ə Antiɔ̀k nɨ mbɨ nyaʼa be kɔ tɔŋ bə̂d mbe nɨ nyaʼa ben ə Kristo ənɨ ə Bə̂d Kristo.

Ɨ̀fàʼì 11:26 ပူးပေါင်းရင်းမြစ်များ

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Jn 2:2

Mbi ya bə̀ kàʼa Yeso tì mə̀mə̀nənùg məd ane inami we.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 11:22

Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 11:27

À ya inga nyùmə̀ gho̰ ne bəd mɔ̀ʼɔ ne yaʼi bədkə̀n Ŋwiye ya nɔ̀ʼi a Jèrusalèm swìʼi ghò a Antìyɔ̀g.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 14:20

Si ya gha, anyumə̀ ne bəd mbe ne ya bḛ Kristo ya ghò təm chè kad aməd, wì ya nɔ̀ʼ, bə̀ndì ghò nyi inga Listrà. Àsi isu abɔ̀ʼ, məd tì Bànabàs ya nɔ̀ʼ ghò a Debè.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 14:28

Mbi ya chughi angu agha sà abɔ̀ʼ bəd mbe ne ya nɔŋi ibḛfiŋ igun Kristo.

Ɨ̀fàʼì 18:27

Anyumə̀ ne Àpolòs ya kə̀bi ni ghò a Akìyà, bəd Kristo mbe a Efesùs ya nəri aməd. Mbi ya ŋwàʼrì àŋwàʼrì mɔ̀ʼɔ chà abə bəd Kristo mbe a Akìyà gha mbe niŋ aməd kwàʼ icheg chɔm. Anyumə̀ ne wì ya pè angu, wì ya taŋ wètì bəd mbe ne Ŋwiye ya ghi ìchɔ̀mì inɔb ni gha mbe bḛ Kristo.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 20:1

Anyumə̀ ne ndum ze ya mèghi, Pɔl ya tɔŋɔ mə̀mə̀nənùg Yeso, nə̀ri fìŋ inɔb, bə̀ nàʼrì tì inɔb, si nɔ̀ʼ ghò a Màsèdonìyà.

Ɨ̀fàʼì 20:30

Bəd biri dù fɔrɔ inga inən ne biri kɔpi tesiʼ imbə̀ʼ icheg ne mbe kə̀bə̀ gha mə̀mə̀nənùg beni inɔb anjìm.

Ɨ̀fàʼì 21:4

Tì ya pè angu bàd bəd mɔ̀ʼɔ ne yaʼi mə̀mə̀nənùg Kristo. Tì ya chughi angu abɔ̀ʼ inɔb ane ineg ìsàmbe. Azwighi Ŋwiye ya ghì mə̀mə̀nənùg mbe ghà abə Pɔl gha imbə̀ʼ wì gho yi a Jèrusalèm ka.

Ɨ̀fàʼì 26:28

Ifɔn Agripà ya biri abə Pɔl gha, “Àghò kɔ̀ndi gha àghò we tì àghò niŋ məyi iki nyumə̀ ghì mə bə̀ŋə̀ ane wə̀d Kristo?”

Ɨ̀fàʼì 6:1

Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 9:19

Anyumə̀ ne wì ya fə jəghi, wì ya ywìrì bèrì ika. Sɔl ya chughi a Dàmaskòs ineg nɔʼ nɔʼ. Wì yaya chùghə abɔ̀ʼ bəd ne ya bḛ Kristo.

Ɨ̀fàʼì 9:38

Lidà ya asiŋi ne yaʼi iban Jopà. Anyumə̀ ne bəd mbe ne ya bḛ Kristo ya zughi gha Pità we a Lidà, mbi ya tɔm mbaŋà mɔ̀ʼɔ tibe gha mbe gho abə Pità, pè boʼ ibo gha, “Ìwa ifi, zàmba yèʼe ina a Jopà.”

1 Kɔrèn 11:18

Anug mbègtog ya gha, mə fə zug gha, mbə̰ ya mə̀ fète aseg icheg bəd Kristo, àghàpì ze yàʼa inga inən. Mə we tì mə bḛ gha à ya anug tesiʼ.

1 Kɔrèn 12:12

Nyàmnyɔd wə̀d bèrì isiŋi nyɔd nɔʼ nɔʼ. Ka isiŋi nyɔd jiʼì nɔ̀ʼ, à ya məyi nyàmnyɔd imɔʼ. À ya icheg ne ze bə yaʼ tì nyàmnyɔd Kristo.

1 Kɔrèn 14:23

Ane, bəd ne chəyi mbi bḛ Ŋwiye mə̀ yèʼe inga ìwən ifeti pè bàd gha mbə̰ məjìm mbe ghàmà ane tìngam iben ndəŋ, ne chəyi bəd mɔ̀ʼɔ abɔ̀ʼ inən mbe zùghə, imbə̀ʼ mbi biri se kɔ̀ndɔ gha mbə̰ fə be?

1 Kɔrèn 4:17

À ya aton ne mə cha Timotì abɔ̀ʼ inən. Məd ya ìmə ŋwan ne mə̀ taŋ kɔ̀ŋ. Məd we fàʼà abə Anɔŋisəg ane ìzi fìŋ ijìm. Məd biri ghì mbə wendi icheg ne mə̀ yaya ghìyə̀ inug anyumə̀ ne mə̀ ya bḛ Yeso Kristo. À ya bə̀ anug ne mə chwìte isiŋi ijìm inga tifeti bəd Kristo tijìm.

Efesùs 3:15

À ya ibo ne inəbi bəd məjìm we ne yaʼi ikaŋ àbɔ̀ŋɔ fɔrɔ we ne yaʼi igun isəg we nìŋə ìwɔb ikum.

Jems 2:7

Imbə̀ʼ à ya mbɔb mbe chìkə̀ ikum chɔm we ne Ŋwiye nàʼi inən?

1 Pità 4:14

Bəd mə̀ ya zɔ̀mbɔ̀ awən imbə̀ʼ anug Kristo, mbə̀ kyeri gha Ŋwiye biri zì àbɔrɔ̀bɔd igun inən. Àze ya chwìye gha Azwighi ìzḛzḛ ze ne Ŋwiye we nàʼà ze igun inən.

1 Pità 4:16

Ane, mbə̰ mə̀ ya zə̰ ngəʼ imbə̀ʼ icheg ne mbə̀ yaʼi bəd Kristo, imbə̀ʼ tìnìrètog ghiyə yi awən ka. Mbə̀ ya ghùmnə Ŋwiye gha mbə̰ mbe zə̰ ngəʼ imbə̀ʼ anug Kristo.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

Ɨnû 3:18

Ane, mə we nàʼà ikə ine gha, àghò zon gol inum, ne yaʼi gol we ne mbi tɔ̰ inga iywid, twi kwàʼ icheg chɔm. Àghò mə ghì ane àghò biri bèrì ighi. Àghò bə zon ndwi fu fu zì imbə̀ʼ chì tìnìrètog we ne bəd fə bàri gha àghò we tì ìkyèri ikye. Zon ifuʼ aghə, zì inga àze aghə imbə̀ʼ ywiri bàd isiŋi.