Ɨ̀fàʼì 11:24 - Ikan feg

²⁴ Bànabàs yaya kwàʼ wə̀d chɔ̀m ne ya taŋ nɔ̀ŋì ibḛfiŋ igun Ŋwiye. Azwighi Ŋwiye ya bə̀ sweg inga məd. Ane, bəd nɔʼ nɔʼ ne ya zughi anug ne wì yaya ghà ya nɔ̀ŋì ìwɔb ibḛfiŋ igun Anɔŋisəg Yeso, ìwɔb inɔ̰ ywìrì taŋ yètè.

Meta’

²⁴ Banabàs yɨə nyaʼə wə̀d chɔ̀m. Əzwî ə Zeŋɨ ə nyaʼa swi ɨŋga məd. Wɨ̀ nyaʼa bə̀ berɨ ɨbenɨ nɨ kaanɨ. Ɨchî nɨ wɨ̀ nyaʼə ghà ɨŋgam Ŋwiə̀ nyaʼa ghɨ̀ ni bə̂d mɨ̀nɔnɔʼ beŋ tə fîŋ ben Ə̀nùŋɨ̀sɨg.

Ɨ̀fàʼì 11:24 ပူးပေါင်းရင်းမြစ်များ

Matìyò 12:35

Wə̀d chɔm ya ghìyə̀ inug chɔm ne yaʼi inga fìŋ məd. Wə̀d tibɔ̀ŋ ya bə̀ ghìyə̀ inug tibɔ̀ŋ ne bə yaʼ inga fìŋ məd.

Matìyò 19:17

Yeso ya ywìtì ibo gha, “Aton ne àghò we bìre inum imbə̀ʼ anug chɔm àkə gha? À ya məyi Wə̀d imɔʼ ne bɔ̀ŋi. Àghò mə kə̀b ni jəg ìtḛ̀ ighə̀m imɔʼ, àghò nɔŋi tikə Ŋwiye.”

Lk 23:50

Wə̀d mɔ̀ʼɔ ya yaʼ inga ifeti itog bəd mə̀Ju ne ikum məd ya Jòseb. Məd ya wə̀d a Àrimàtiyà inga aba aben Jùdeyà. Məd yaya wə̀d chɔ̀m ne ya bə̀ təm kòʼ imbìghè abə Ŋwiye.

Jn 7:12

Bəd yaya jìte inug imbə̀ʼ Yeso inga inɔ̰ bəd we ne ya yaʼi ane iteri. Bəd mɔ̀ʼɔ yaya gha, “À ya wə̀d chɔ̀m.” Mə̀mbin yaya to̰ awɔb gha, “Indèʼ! À ya wə̀d ne kə̀bə̀ ni tàmbi bəd.”

Ɨ̀fàʼì 11:21

Anɔŋisəg ya nàʼ ika inɔb mbi ghì iyeti inug bəd bàd. Ane, bəd nɔʼ nɔʼ a Antìyɔ̀g ya bḛ ikən chɔm we si nɔ̀ŋì fìŋ igun Anɔŋisəg Yeso.

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Ɨ̀fàʼì 5:14

Tesiʼ ya gha, mbaŋà nɔʼ nɔʼ tì mə̀yi nɔʼ nɔʼ yaya yètè abɔ̀ʼ inɔ̰̀ bəd we ne yaya bḛ Anɔŋisəg. Ane, ìwɔb inɔn ya chè imbìghè ni kweg.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 6:8

Ŋwiye ya taŋ ghì ìchɔ̀mì abə Stifə̀n bə nàʼ ika ibo. Ane, wì ya ghì iyeti inug kyen kyen bəd bàd.

Ɨ̀fàʼì 9:31

Anyumə̀ we, tifeti bəd Kristo tijìm te ne yaʼi a Jùdeyà fɔrɔ Galìli fɔrɔ Sàmarìyà ya yaʼ ane àbɔrɔ̀bɔd. Bəd mbe ne ya bḛ ikən chɔm yaya ghùmnə Anɔŋisəg. Azwighi Ŋwiye yaya wètè bəd mbe ne ya bḛ Kristo ni ghì gha mbe təm kà. Ìwɔb inɔ̰ yaya kwèghe ghò gho imbìghè.

Rm 15:15

Mə ŋwàʼrì àŋwàʼrì azo̰ inən ne chəyi mə̀ bɔ, ni ywìri nɔ̀ri ìmbən itog imbə̀ʼ itog inug mɔ̀ʼɔ ne mə̀ ya wendi inən. À ya anjìm ìchɔ̀mì we ne Ŋwiye beri igun inum, ne wì chɔʼi amə ane wə̀d àfàʼì Yeso Kristo.

Rm 5:7

Tesiʼ ya gha, ze ya kà yi abə wə̀d ni ku atog abə wə̀d ne təmi kòʼ. A ze jiʼè yi gha, wə̀d mɔ̀ʼɔ we tì wì nyìmi fìŋ ni ku atog abə wə̀d chɔ̀m.