Ɨ̀fàʼì 11:20 - Ikan feg

²⁰ Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Meta’

²⁰ Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 11:20 ပူးပေါင်းရင်းမြစ်များ

Matìyò 27:32

Icheg ne mə̀sogyì mbe yaya nìŋə Yeso dùwə̀ inga aben Jèrusalèm, mbɔb ya bɔ̀mbi tì mbaŋà mɔ̀ʼɔ a Sayirèn ne ikum məd ya Sayimùn. Mə̀sogyì mbe ya nyimi aməd ane ika ghì wì niŋ azed abaʼri ze abə Yeso bèʼì.

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 11:19

Anyumə̀ ne mbi ya zweti Stifə̀n, bəd Kristo mbe ne ya sàka imbə̀ʼ icheg ne mbi yaya chɔ̀ʼɔ ìmbɔb ibɔʼì ighog ya nòrò anene mbi mɔ̀ʼɔ ghò pè a Fònisìyà. Mə̀mbin ya ghò pè a Sayiprùs. Mə̀mbin ghò pè a Antìyɔ̀g. Mbi yaya yḛ̀ nè chètè ikən chɔm we məyi abə mə̀Ju.

Ɨ̀fàʼì 11:22

Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 11:27

À ya inga nyùmə̀ gho̰ ne bəd mɔ̀ʼɔ ne yaʼi bədkə̀n Ŋwiye ya nɔ̀ʼi a Jèrusalèm swìʼi ghò a Antìyɔ̀g.

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 14:26

Mbi ya nɔ̀ʼ a Àtalìyà ghò nyi abaŋ igyi bàni bə̀ndì ghò a Antìyɔ̀g. Antìyɔ̀g ya asiŋi ze ne mbi ya bì chàʼra Ŋwiye igun inɔb gha wì ghiyə ìchɔ̀mì inɔb mbɔb gho chètì ikən chɔm. À ya àfàʼì ze ne mbi nɔ̀ʼi angu anìŋ ni mànì.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:30

Mbi ya tɔm bəd mbe mbi swiʼi ghò a Antìyɔ̀g. Mbi ya pè angu, fèti bəd Kristo məjìm a asiŋi afibì, nàʼ àŋwàʼrì ze inɔb.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 18:22

Anyumə̀ ne wì ya pe a Kàserìyà, wì ya dù inga abaŋ igyi ze ghò chàʼrì bəd inga ifeti bəd Kristo we a Jèrusalèm. Wì ya ghì ane, nɔ̀ʼ swìʼi ghò a Antìyɔ̀g.

Ɨ̀fàʼì 2:10

məFìrigìyà tì məPàmfilìyà, tì mə̀Ijìb fɔrɔ bəd inga iba iben mbe a Libìyà iban Sayirèn. Mba mɔ̀ʼɔ nɔ̀ʼ a Rom.

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Ɨ̀fàʼì 6:1

Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 6:9

Bəd mɔ̀ʼɔ inga ichamì Ŋwiye mə̀Ju we ne mbi yaya kàrà ane “Bəd ne yaʼi awɔb atog inɔb”, tì mə̀Ju mbe a Sayirèn tì Àlèzandrìyà fɔrɔ mə̀Ju mbe aba isəg Sìlisìyà tì Esìyà ya ko se tàŋà inug tì Stifə̀n.

Ɨ̀fàʼì 8:35

Filip ya ko ni tòʼrì Ìngam Ŋwiye ibo ane asiŋi àŋwàʼrì azo̰, si ghà ikən chɔm imbə̀ʼ Yeso ibo.

Ɨ̀fàʼì 8:5

Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Ɨ̀fàʼì 9:29

Wì yaya ghàmà ane, tàŋà inug inga Ìngam Ŋwiye tì mə̀Ju mbe ne yaya ghàmà Grig. Si ya gha, mbi yaya kə̀bə̀ yaʼ ni zweti aməd.

1 Kɔrèn 2:2

Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.

Gàlesìyà 2:11

Anyumə̀ ne Pità ya yeʼe a Antìyɔ̀g, mə̀ ya ghàm ibo, kyen məd kwàʼ imbìghè abə bəd məjìm. Mə ya ghàm kyen məd ane imbə̀ʼ icheg ne məd ya ghì anug ne chəyi ze koʼi.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.