Ɨ̀fàʼì 10:34 - Ikan feg

³⁴ Pità ya ko ghàm abə bəd mbe inga nəb Kònilìyùs gha, “Amad anìŋ, mə kyèri kwàʼ tesiʼ gha chəyi Ŋwiye we ghìyə̀ ighə.

Meta’

³⁴ Pità nyaʼa kɔ ghamɨ ghà ni, “Tɨ̀nîn mə kàŋ kyerɨ ənɨ rəsìʼ ni chəi Ŋwìə̀ ə ghɨ̀ ɨghə.

Ɨ̀fàʼì 10:34 ပူးပေါင်းရင်းမြစ်များ

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Matìyò 5:2

Ane, wì ya ko ni chwiti inug inɔb. Wì ya ghà inɔb gha:

Lk 20:21

Bəd mbe ne mbi ya cha awɔb ya pè biri abə Yeso gha, “Àchwitìnùg, tè kyèri gha àghò ya ghàmà bə̀ chwìte anug ne koʼi. Tè bə̀ kyèri gha chəyi àghò ya ghì icha, àghò ya chwìte tesiʼ imbə̀ʼ ikuchèg ne Ŋwiye kə̀bi gha bəd chughi angu.

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 15:9

Chəyi wì ghi gha icha yaʼ igun ina tì inɔb. À ya imbə̀ʼ icheg ne mbi bḛ Yeso ne wì sò ìtɔb fìŋ.

Ɨ̀fàʼì 8:35

Filip ya ko ni tòʼrì Ìngam Ŋwiye ibo ane asiŋi àŋwàʼrì azo̰, si ghà ikən chɔm imbə̀ʼ Yeso ibo.

Rm 2:11

À ya ane imbə̀ʼ icheg ne chəyi Ŋwiye we ghìyə̀ ighə.

Rm 3:29

Ŋwiye wa kə məyi abə mə̀Ju? Imbə̀ʼ məd ya bə̀ Ŋwiye abə bəd mbe ne kayi mə̀Ju? E! Məd ya bə ìwɔb Ŋwiye.

Gàlesìyà 2:6

Chəyi bəd mbo̰ ne bəd mbe nìŋə ane bəd kyen ya yèti aghi mɔ̀ʼɔ ane ikən chɔm we ne mo we ghà. (Kə̀ bəd mbo̰ kə̀ tiku bəd kyen ne yaʼi iye njiʼ, àze ya kayi anug mɔ̀ʼɔ inum. Anug ne mə̀ kyeri ya gha, chəyi Ŋwiye we nḛ̀ bəd yaʼ igun ife.)

Efesùs 6:9

Mə̀mbaʼ àfàʼì, mbə̀ ya bə̀ chùghə tì ìmbən ìbòʼì icheg chɔm. Imbə̀ʼ mbə̰ sìb awən awɔb imbə̀ʼ icheg ne mbə̰ kyèri gha, Mbaʼ àfàʼì we ne beri awɔb fɔrɔ awən we yi ikaŋ àbɔ̀ŋɔ ne chəyi wì ya ghìyə̀ ighə ka.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Kòlosè 3:25

Wə̀d we ne ghìyə̀ inug tibɔ̀ŋ, Ŋwiye biri ghum nàʼ chùd məd ni koʼi tì inug tibɔ̀ŋ məd. Chəyi Ŋwiye we ghìyə̀ ighə ka.

Jems 2:1

Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.

Jems 2:4

Mbə̰ mə̀ ghì ane, imbə̀ʼ ze chwi gha, mbə̰ mbe kirə ghìyə̀ ighə, ghàpà bəd inga ìwən inɔn, bə̀ sàʼa bəd ane tikɔndi tibɔ̀ŋ?

Jems 2:9

Mbə̰ mə̀ ya ghìyə̀ ighə, nji mbə fə ghì anug tibɔ̀ŋ. Ane, nɔ̀ʼɔ̀ we nyìmi awən icheg ne we nyìme bəd ne gùghə̀ mə̀nɔ̀ʼɔ̀.

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.