Ɨ̀fàʼì 10:22 - Ikan feg

²² Mbaŋà te ya ywìtì ibo gha, “À ya Kònilìyùs we ne yaʼi atog wə̀d igun mə̀sogyì iki ifibì tɔmi awa ine. Məd ya wə̀d ne ghìyə̀ inug ne təmi kòʼ bə̀ ghùmnə Ŋwiye. Mə̀Ju məjìm mbe ghàmà inug chɔm imbə̀ʼ aməd. Angirə̀ Ŋwiye kə̀ ghà ibo gha, wì tɔm bəd ine mbe kara awe àghò yeʼe, imbə̀ʼ wì zug anug ze ne àghò beri ni ghà ibo.”

Meta’

²² Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Ɨ̀fàʼì 10:22 ပူးပေါင်းရင်းမြစ်များ

Matìyò 1:19

Jòseb we ne yaʼi inɔm məd yaya ghìyə̀ inug ne koʼi. Chəyi wì ya bə kə̀b ni gha Mèri bere tìnìrètog inga bəd. Ane, məd ya nɔ̀ŋì ibo inga fìŋ ni ton yi Mèri anjìm anjìm.

Matìyò 2:12

Ŋwiye ya pati bəd mbe anjə̀m gha imbə̀ʼ mbɔb ywiri bəndə awɔb inɔnjì achan Erɔ̀d. Ane, mbɔb ya si chè ane inɔnjì ndəŋ bə̀ndì ghò awɔb inɔb inga aben.

Mk 6:20

Erɔ̀d ya ghùmnə Jɔn imbə̀ʼ icheg ne wì ya kyeri gha Jɔn ya wə̀d ne təmi kòʼ bə̀ yaʼ wə̀d ne təmi zen. Ane, wì yaya tàŋà məd. Wì yaya kɔ̀ŋɔ̀ ni zug inug ne Jɔn we ghà. Si ya gha, mà nyumə̀ ijìm ne wì zùghi inug mbe, mbi ya nàʼà ngəʼ ibo.

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Lk 2:25

Anyumə̀ we, wə̀d mɔ̀ʼɔ ya yaʼ a Jèrusalèm ne ikum məd ya Simìyòn. Wì ya yaʼ wə̀d ne ghìyə̀ inug ne koʼi bə̀ bèrì ibɔ Ŋwiye. Wì yaya bə̀ ghɔ̀mɔ̀ nyùmə̀ ne Ŋwiye biri ghì gha bəd Izre pum. Azwighi Ŋwiye ya yaʼ igun məd.

Lk 23:50

Wə̀d mɔ̀ʼɔ ya yaʼ inga ifeti itog bəd mə̀Ju ne ikum məd ya Jòseb. Məd ya wə̀d a Àrimàtiyà inga aba aben Jùdeyà. Məd yaya wə̀d chɔ̀m ne ya bə̀ təm kòʼ imbìghè abə Ŋwiye.

Lk 9:26

Wə̀d ne beri tìnìrètog imbə̀ʼ amə fɔrɔ ìmə ìngam, tengàŋ kyeri gha Ŋwan Wə̀d biri bə bèrì tìnìrètog imbə̀ʼ aməd. Wì biri bèrì tìnìrètog imbə̀ʼ tengàŋ anyumə̀ ne wì biri yeʼe ighəm ndəŋ tì ighumni we ne mbaʼ məd tì mbè angirə̀ ìzḛzḛ nàʼi ibo.

Jn 13:20

Mə gha tesiʼ inən gha, Wə̀d ne niŋ wə̀d ne mə cha, tengàŋ fə bə̀ niŋ amə. Ane, wə̀d we ne niŋ amə, tengàŋ fə bə̀ niŋ wə̀d we ne cha amə.”

Jn 17:20

Wì ya chè imbìghè ni gha, “Mə ya dèghè inug mbo̰ ine anìŋ, kayi məyi imbə̀ʼ ìmbum mə̀mə̀nənùg mbo̰, à ya fɔrɔ imbə̀ʼ bəd mbe ne biri bḛ ikən gho̰ ne mbɔb mbe chètè.

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Jn 6:68

Sayimùn Pità ya biri ibo gha, “Anɔŋisəg, tì kə ywiri ghò abə we? À ya məyi àghò beri ìngam we ne nàʼà ìtḛ̀ ighə̀m imɔʼ.

Ɨ̀fàʼì 10:2

Wì ya nɔ̀ŋì fìŋ igun Ŋwiye. Məd tì inəbi məd ijìm yaya ghùmnə Ŋwiye. Wì yaya nàʼà ighi abu abu abə bəd ne chəyi àzɔb bə̀ chàʼrà Ŋwiye mà nyumə̀ ijìm.

Ɨ̀fàʼì 10:21

Pità ya zug ane, swìʼi ghò aseg abɔ̀ʼ mbaŋà te, pè ghà inɔb gha, “À ya mo ne mbə̰ mbe kə̀bə̀. Aton ne mbə yeʼe aŋa àkə gha?”

Ɨ̀fàʼì 10:30

Kònilìyùs ya ghà ibo gha, “À ya kə̀ icheg anyumə̀ anìŋ, ne ineg ikwè fə che, ne mə̀ kə̀ chàʼrà Ŋwiye ane mə̀nyùmə̀ mətad tisi inum inga nəb. Mə ŋa zə̰, mbaŋà mɔ̀ʼɔ ne ndwi məd te njàndi njandi, wì du inum imbìghè.

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Ɨ̀fàʼì 10:6

Wì ya chùghə abɔ̀ʼ Sayimùn we ne tànga gɔb fḛ, ne achan məd yaʼi iban igyi tìbà.”

Ɨ̀fàʼì 11:14

Wì biri mə̀tì ikən mɔ̀ʼɔ ine. Ikən we biri ghì mbə̰ məjìm pum, àghò tì bəd mbe ne yaʼi inga ìze nəb.›

Ɨ̀fàʼì 22:12

Mbaŋà mɔ̀ʼɔ ya yaʼ a Dàmaskòs ne ikum məd ya Ànàniyàs. Məd ya nɔ̀ŋì ìzi fìŋ igun Ŋwiye. Məd yaya bə̀ nɔ̀ŋɔ̀ mə̀nɔ̀ʼɔ̀ Muse. Mə̀ju məjìm yaya ghà inug chɔm imbə̀ʼ aməd.

Ɨ̀fàʼì 24:15

Mə nɔ̀ŋì ìmə ikɔndi se ghɔ̀mɔ̀ Wə̀d we ne Ŋwiye ya kàʼi icheg ne mbɔb mbe bə̀ ghɔ̀mɔ̀. Ikɔndi we ya gha, bəd ne təmi kòʼ imbìghè abə Ŋwiye fɔrɔ bəd mbe ne chəyi mbi təm kòʼ, mbi biri ghum zweme ane iwu.

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

2 Kɔrèn 5:18

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà.

1 Timotì 3:7

Məd bèrì ni yaʼ wə̀d ne bəd mbe ne kayi bəd Kristo mbe ghà inug chɔm imbə̀ʼ aməd. Ane, chəyi wì biri ya bèrè tìnìrètog. Chəyi wì biri bə fen inga atam Debrə̀.

Mə̀Hibrù 10:38

Àsi ìmbum bəd ne təmi kòʼ, mbɔb biri chughi izɔm anjìm ìwɔb ibḛfiŋ. Chəyi mə̀ biri gyendi tì bəd mbe ne bə̀ndə̀ anjìm.”

Mə̀Hibrù 11:2

Ibḛfiŋ gho̰ ya aghi ze ne bəd mbe te aneg ya beri, Ŋwiye si niŋ awɔb gha mbe kòʼ.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

2 Pità 3:2

Mə kə̀b gha mbə̀ wendi ìngam we ne bədkə̀n Ŋwiye ìzḛzḛ mbe te aneg ya ghàmi. Mə bə̀ kə̀b gha mbə̀ bə wèndi mə̀nɔ̀ʼɔ̀ mbe ne Anɔŋisəg ne pùmnə bəd ya ghi ìmbən bədtɔm nàʼ inən.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

Ɨnû 14:10

Ŋwiye biri gaŋ abɔ̀ʼ məd si chə aməd. Ane ya icheg ni gha wì fə zì mənoʼ inga toʼ məd ne chəyi wì nyàmbi, ane ghì gha wì no. Ŋwiye biri chə tengàŋ ane iywid, inga sɔfɔ̀ imbìghè abə mbè angirə̀ ìzḛzḛ fɔrɔ imbìghè abə Ŋwan njə̀g.