Ɨ̀fàʼì 10:11 - Ikan feg

¹¹ Wì ya bàd icheg ne ikaŋ àbɔ̀ŋɔ fiʼe, bə̀ bàd aghi mɔ̀ʼɔ icheg abo ndwi kyen ne ya swiʼi ikaŋ yèʼe igun isəg. Abo ndwi ze yaya swìʼe yèʼe aseg icheg ze ne mbi nyimi ane tibug tikwè.

Meta’

¹¹ Wɨ̀ nyaʼa zə ɨkaŋ əfìʼə, bə̀ zə əghɨ ə mɔʼɔ nɨ nyaʼə swiʼə rɨkaŋ ɨghabɨ əbapɨ ə ngywɨ̌ ə kyeŋ. Mbɨ nyaʼə swi ə si ənɨ rɨbu rɨkwè.

Ɨ̀fàʼì 10:11 ပူးပေါင်းရင်းမြစ်များ

Matìyò 8:11

Mə ya anìŋ ghà inən gha, bəd ndan ndàn biri nɔʼ inga isiŋi mbe ne yaʼi aba isəg ze ne nyùmə̀ we dùwə̀ fɔrɔ aba isəg ze ne nyùmə̀ we fḛ, yèʼe niŋ ìmbɔb iti, jəg iteri inga anug ìfɔ̀n tikaŋ tì Abràham tì Azìg fɔrɔ Jàkɔb.

Lk 3:21

Anyumə̀ ne bəd məjìm ya niŋi mənib, Yeso ya bə̀ niŋ mənib. Icheg ne wì yaya chàʼrà Ŋwiye, ikaŋ àbɔ̀ŋɔ ya fìʼè,

Jn 1:51

Yeso ya si gha, “Mə gha tesiʼ inən gha, mbə biri bàd icheg ne ikaŋ àbɔ̀ŋɔ biri fìʼè igun Ŋwan Wə̀d, bə̀ bàd icheg ne mbè angirə̀ Ŋwiye mbe chè kɔ̀ʼɔ chè swìʼe.”

Jn 11:52

Ane, kayi məyi atog abə mə̀Ju. À ya fɔrɔ ni ghì gha bəd Ŋwiye mbe ne saka inga isəg ijìm, mbe si yaʼ bəd anug amɔʼ.

Jn 12:32

Si ya gha, mbi fə mə nɔ̀ amə ikaŋ, mə biri ghì bəd məjìm yeʼe inum.”

Ɨ̀fàʼì 10:12

Tiku nyam ijìm ya yaʼ igun abo ndwi ze: nyam ighog ikwè, tì nyam te ne swàrì swari aseg fɔrɔ tìnən.

Ɨ̀fàʼì 11:5

Wì ya ghà inɔb gha, “Mə ya yaʼ amə ikye aben Jopà chàʼrà Ŋwiye. Iki anatì ngwḛ mɔ̀ʼɔ ya chìŋ amə. Mə ya si bàd anatì njə̀m ne chwi aghi mɔ̀ʼɔ icheg abo ndwi kyen. Abo ndwi ze yaya swìʼè tikaŋ àbɔ̀ŋɔ icheg ni gha mbe nyìmi ane tibɔg tikwè. Ze ya swiʼi yèʼe pè təm inum imbìghè.

Ɨ̀fàʼì 7:56

Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 9:4

Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb.

Gàlesìyà 2:15

Mo Pɔl, mə̀ ya chè imbìghè ghà abə Pità gha, “Chəyi tì ya kwàʼ bɔn tɔb-ìseg mə̀Ju. Mba kayi ‹Bəd ne kayi mə̀Ju ne chəyi mbi kyeri mə̀nɔ̀ʼɔ̀ Ŋwiye.›

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Ɨnû 11:19

Ane, mbi ya si fìʼì mbàn Ŋwiye ze ikaŋ àbɔ̀ŋɔ, bàd gha tìkub mə̀nɔ̀ʼɔ̀ Ŋwiye ya yaʼ angu. Àŋwàŋwaŋ ya ŋwàŋ, isiŋi kùm, mbə̀ŋ kum, isiŋi ghùd, afim ka ka chè, awḛ nɔʼ nɔʼ bə̀ fèndi.

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 4:1

Anyumə̀ ne angirə̀ ya màni ni ghàm imbə̀ʼ tikən te tijìm, mə̀ ya nèn ikaŋ àbɔ̀ŋɔ bàd inuʼ nəb mɔ̀ʼɔ ijə. Mə ya ywìrì zug gì mɔ̀ʼɔ icheg ìzi mbègtog. Gì ze ya ghàm icheg tàŋ ne mbi fə. Zì ya ghà inum gha, “Kɔʼ yèʼe aŋa, mə biri chwi inug ne biri dù ine ane nyùmə̀ gho̰ fə che.”