Ɨ̀fàʼì 10:1 - Ikan feg

¹ Mbaŋà mɔ̀ʼɔ ya yaʼ a Kàserìyà ne ikum məd ya Kònilìyùs. Məd ya atog wə̀d igun mə̀sogyì iki ifibì ane ifeti mə̀sogyì mbe ne nɔʼi a Italì.

Meta’

¹ Mbaŋə̀ mɔʼɔ zɨə nyaʼə Kàisàriyà nɨ ɨkum məd nyaʼə Kɔneliùs. Wɨ̀ yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rəbɔʼ mɨ̀sɔgyɨ̀ mbe nɨ nyaʼa rɨ ə Italì.

Ɨ̀fàʼì 10:1 ပူးပေါင်းရင်းမြစ်များ

Matìyò 27:27

Mə̀sogyì ìmbi Payilèd ne ya yaʼi gɔbnà ya niŋ Yeso nyi inga ìtɔʼ gɔbnà. Mbɔb ya pè fèti mə̀sogyì məjìm mbi təmbi chè kad aməd.

Matìyò 27:54

Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Mk 15:16

Mə̀sogyì ya niŋ Yeso nyi ghò inga ìtɔʼ gɔbnà. Mbi ya pè kàrì mbin tì mə̀sogyì məjìm, mbi fete.

Lk 7:2

Wə̀d mɔ̀ʼɔ ya yaʼ a Kàpenàwum ne ya atog wə̀d igun mə̀sogyì iki. Wə̀d àfàʼì məd yaya ghɔ̰̀ fə se nḛ̀ ni ku. Wə̀d kyen gho̰ ya taŋ kɔ̀ŋ wə̀d àfàʼì məd we.

Jn 18:12

Mə̀sogyì mbe tì ìwɔb wə̀d kyen, fɔrɔ itog bəd mə̀Ju ya gwiye Yeso, kɔd.

Jn 18:3

Mə̀Farìsi tì itog bəd mbàn Ŋwiye ya chà inɔ̰ mə̀sogyì fɔrɔ itog bəd mə̀Ju mɔ̀ʼɔ. Ane, Judàs ya niŋ awɔb mbi ghò ane asiŋi ze. Mbi ya ghò tì ighi ibid, fɔrɔ inam tì ikaʼi.

Ɨ̀fàʼì 10:24

Mbi ya ghò pè nyi inga Kàserìyà igun aneg abɔ̀ʼ. Kònilìyùs yaya ghɔ̀mɔ̀ awɔb. Wì ya kàrì ìwi inəbi ijìm tì ìmbi mə̀sə̀ʼ mbi fete ibo inga nəb.

Ɨ̀fàʼì 21:31

Icheg ne mbi yaya kə̀bə̀ ni zweti Pɔl, ikən ya ghò pè abə wə̀d kyen mə̀sogyì məRom gha àbùrì ze inga ikye aben Jèrusalèm ajìm.

Ɨ̀fàʼì 21:8

Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Ɨ̀fàʼì 22:25

Si ya gha, anyumə̀ ne mbi ya kɔd Pɔl ane məniʼ, wì ya ghà abə atog wə̀d igun mə̀sogyì iki ifibì ne ya təmi iban angu gha, “Mə̀nɔ̀ʼɔ̀ wa chwi gha mbə te wə̀d a Rom ane ngwàn ne chəyi mbi kiri sɔbi isaʼi gha wì fə gùg anug?”

Ɨ̀fàʼì 23:23

Wə̀d kyen mə̀sogyì we ya kàri mə̀sogyì məbe ne wə̀d ifibì abɔ̀ʼ inɔb we sàʼa mə̀sogyì iki, ghà inɔb gha, “Mbə̀ chɔʼ mə̀sogyì aki abe ne mbi biri ghò a Kàserìyà. Mbə̀ bə̀ chɔʼ bəd nyam mə̀kara ìghum ìsàmbe tì bəd ighɔŋ aki abe yètì abɔ̀ʼ. Mbə̀ chuʼri ìwən nyɔd ni nɔ̀ʼ aŋa ane mə̀nyùmə̀ àbɔg izimi tèchɔ̀ŋ.

Ɨ̀fàʼì 23:33

Anyumə̀ ne mbɔb ya pe a Kàserìyà, mbi ya nàʼ àŋwàʼrì ze abə Gɔbnà Feligs, bə̀ zì Pɔl ibo ikye abo.

Ɨ̀fàʼì 25:1

Anyumə̀ ne Gɔbnà Festùs ya pè inga aba aben ze a Jùdeyà chùghi ineg itad, wì ya nɔ̀ʼ a Kàserìyà kɔʼ ghò a Jèrusalèm.

Ɨ̀fàʼì 25:13

Anyumə̀ ne ineg mɔ̀ʼɔ ya che, ifɔn Agripà tì Bènis ya ghò chàʼrì Gɔbnà Festùs a Kàserìyà.

Ɨ̀fàʼì 27:1

Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 27:31

Pɔl ya ghà abə atog wə̀d igun mə̀sogyì iki ifibì bə̀ ghà abə mə̀sogyì mbe gha, “Mbaŋà ìto̰ mə̀ to̰ awɔb ni chughi inga abaŋ igyi azo̰, chəyi icheg ne tì mbɔb pum.”

Ɨ̀fàʼì 27:43

Si ya gha, atog wə̀d igun mə̀sogyì we ya kə̀b ni chì Pɔl inga ngəʼ. Ane, wì ya niŋ isɔbi anug gha imbə̀ʼ mbi zweti awɔb bəd ndəŋ mbe. Wì ya ghà abə mbaŋà te ne ya kyeri icheg ni zɔʼ igyi gha mbe bi tɔ̀mɔ̀ inga igyi tìbà we zɔʼ ghò dù asaŋ.

Ɨ̀fàʼì 8:40

Azwighi Ŋwiye ya niŋ Filip ane wi si dù yaʼ a Àzotùs, se yḛ̀ nè ghà ikən chɔm inga isiŋi ijìm. Wì yaya yḛ̀ nè ghà ikən chɔm we ane anene ghò pè a Kàserìyà.