Gàlesìyà 5:16 - Ikan feg

¹⁶ Anug ne mə ghà inən ya gha, mbə̀ chughi icheg ne Azwighi Ŋwiye ze kə̀bə̀. Mbə̰ mə̀ chùghi ane, nji chəyi mbə̀ biri ya ghìyə̀ inug tibɔ̀ŋ mbe ne ìtən nyàmnyɔd te kə̀bə̀.

Meta’

¹⁶ Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Gàlesìyà 5:16 ပူးပေါင်းရင်းမြစ်များ

Rm 6:12

Ane, icheg bəd-aku, imbə̀ʼ mbə̰ saŋa awən gha inug tibɔ̀ŋ bere ika igun inən se ghìyə̀ gha mbə̀ ya kɔ̀ŋɔ̀ inug tibɔ̀ŋ.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Kɔrèn 7:29

Ìmbum məfi fɔrɔ ìtum njàbi, anug ne mə ghà inən ya gha, nyùmə̀ ne isəg gho̰ biri nwḭ̀yḛ̀ fə tinde. Ni ko amad anìŋ, mbaŋà te ne beri mə̀yi te chughi icheg bəd ne chəyi mbi nami.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Gàlesìyà 3:17

Anug ne mə̀ kə̀bə̀ gha mbə̀ kyeri ya gha, Ŋwiye ya ghùm wàd ikan tì Abràham bə̀ bḛ gha zìye mənyìʼ fàʼ anug ze. Ŋwiye ya ghùm si nàʼ mə̀nɔ̀ʼɔ̀ ane tituʼ 430 ya fə che. Chəyi tì mə̀nɔ̀ʼɔ̀ kɔpi ikan we kə̀ chìkì anug ze ne Ŋwiye ya fə bi kàʼ ni fàʼ.

Gàlesìyà 6:8

Wə̀d mə nyɔ̀ʼ aghi ze ne nyàmnyɔd məd ze ghə̀ʼrə̀, aghi ne nyàmnyɔd ze biri nàʼ ibo ya iwu. Wə̀d mə nyɔ̀ʼ yaʼ aghi ze ne Azwighi Ŋwiye ze kə̀bə̀, aghi ne Azwighi Ŋwiye biri nàʼ ibo ya ìtḛ̀ ighə̀m imɔʼ.

Efesùs 2:3

Mba məjìm ya kweʼì yaʼ icheg inɔb icheg ne tì yaya fànà bə̀ ghìyə̀ inug mbe ne ìta nyàmnyɔd te ghə̀ʼrə̀. Tì yaya bə̀ bène abɔ̀ʼ ighi mbe ne ìta nyàmnyɔd fɔrɔ ìta tikɔndi te kə̀bə̀. Ane, Ŋwiye ya fə nɔ̀ŋì ni gaŋ tì ina icheg ne wì ya bə gaŋ tì inɔb.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.

1 Pità 1:14

Icheg ne mbə̀ si yaʼ bɔn ne zùgrə Ŋwiye, imbə̀ʼ mbə̰ ywiri nyimi awən inug tibɔ̀ŋ mbe ne ìtən nyàmnyɔd yaya kɔ̀ŋɔ̀ gha mbə̀ fàʼà anyumə̀ we ne chəyi mbə̀ ya kiri kyeri aməd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:11

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ ya bəd tìsɔ̀ʼ inga isəg gho̰ ne bə yaʼ mə̀nɔʼɔ. Ane, mə we bòʼo ibo inən gha mbə̀ chìye ìfən ifeg ane inug tibɔ̀ŋ mbe ne nyàmnyɔd ze ghə̀ʼrə̀. À ya inug tibɔ̀ŋ mbe ya màʼà ibid inən inga fìŋ.

1 Pità 4:6

À ya aton ne Kristo ya chèti ikən chɔm abə bəd məjìm fɔrɔ abə bəd mbe ne ya fə ku. Wì ya ghì ane ni gha Ŋwiye bə saʼ awɔb icheg ne we sàʼa bəd məjìm imbə̀ʼ inug mbe ne mbi faʼi igun isəg. Ka mbɔb fə jiʼì ku icheg ne bəd mbe kùyə, mbɔb biri ghum yaʼ izɔm icheg Ŋwiye.