Gàlesìyà 5:1 - Ikan feg

¹ Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Meta’

¹ Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

Gàlesìyà 5:1 ပူးပေါင်းရင်းမြစ်များ

Matìyò 23:4

Mbɔb ya kɔ̀rɔ ighi ne nìrè nàʼà abə bəd gha mbe beʼe. Si ya gha, chəyi wə̀d abɔ̀ʼ inɔb we kə̀bə̀ ni wètì wə̀d ka iki piʼì.

Lk 5:38

Ane, mbi ya zìyè mənoʼ zù inga aghi mənoʼ feg.

Ɨ̀fàʼì 15:10

Mbə̰ ya anìŋ zìyè mbèʼ igun bəd Kristo ne ka bèyi mba kə̀ ìmba mə̀mbaʼ aneg chəyi tì tì bèʼì. Aton ne mbə̰ kwàʼrà Ŋwiye anìŋ àkə gha?

Rm 6:14

Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:18

Amad anìŋ, mbə̰ fə pum abə inug tibɔ̀ŋ ne ya beri ika igun inən. Mbə̰ ya icheg məfeg abə inug mbe ne təmi kòʼ imbìghè abə Ŋwiye.

Rm 7:3

Inɔm məd mə̀ yaʼ izɔm, wì ghò nam inɔm ndəŋ, ane ya gha we fànà. Àsi anyumə̀ ne inɔm məd fə ku, chəyi nɔ̀ʼɔ̀ biri ywìri nyimi aməd. Wì kòʼ yi ni nam inɔm ndəŋ.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

1 Kɔrèn 16:13

Mbə̀ we awən bə̀ nɔ̀ŋì ibḛfiŋ ne ka igun Kristo. Imbə̀ʼ mbə̰ bɔ awən. Mbə təm kà.

1 Kɔrèn 7:22

Wə̀d ne yaʼi àbòʼì ane nyùmə̀ ne Anɔŋisəg ya kàri aməd, wì fə se yi ane ìwi ighəm icheg ne wì yaʼ ane ifɔti tì Anɔŋisəg. À ya bə̀ ane ne, wə̀d we ne yaʼi yi ane ìwi ighəm anyumə̀ ne Anɔŋisəg ya kàri aməd, wì fə se àbòʼì abə Kristo.

2 Kɔrèn 11:20

Tesiʼ ya gha, mbə̰ mbe kɔ̀ŋɔ̀ bəd ne nìŋə awən ane məfeg, kə̀ bəd ne jə̀ghə awɔb igun inən, kə̀ bəd ne nyə̀ʼə̀ awən, kə̀ bəd ne chwìye nyɔd, kə̀ bəd ne nìbè awən kwàʼ igun ìfe.

2 Kɔrèn 3:17

Amad anìŋ, Anɔŋisəg ya Azwighi Ŋwiye ze. Asiŋi ne Azwighi Anɔŋisəg yaʼi angu, wə̀d ya pùmə.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.

Gàlesìyà 3:25

Icheg ne anug ni nɔ̀ŋì ibḛfiŋ igun Yeso Kristo fə yeʼe, chəyi mə̀nɔ̀ʼɔ̀ mbe ywìrè kyèʼrè awa ka.

Gàlesìyà 4:26

Àsi Sèra, məd kayi àbòʼì. Məd təm yaʼ ane Jèrusalèm we ne yaʼi ikaŋ àbɔ̀ŋɔ. Məd ya ìwa ngɔb.

Gàlesìyà 4:31

Ane ìmbum məfi fɔrɔ ìtum njàbi, mbə̀ kyeri gha, mba kayi bɔn ane àyi we ne yaʼi àbòʼì. Mba ya bɔn ane àyi we ne kayi àbòʼì.

Gàlesìyà 4:9

Amad anìŋ ne mbə̀ kyeri Ŋwiye, ne Ŋwiye fə bə kyeri awən, mbə̀ kə ywìrè zùghrə izwighi mbe ne sàʼa isəg gho̰ ne chəyi mbi beri ika ane aghə? Mbə kə ywìrè kə̀bə̀ ni bḛ ìbòʼì abə izwighi mbe?

Gàlesìyà 5:13

Àsi awən, ìmbum məfi fɔrɔ ìtum njàbi, Ŋwiye ya kàrì awən chì ane anug ìbòʼì abə mə̀nɔ̀ʼɔ̀ Muse. Si ya gha, imbə̀ʼ mbə̰ si niŋə awən icheg ne chəyi mbə̀ ywiri yaʼ ìbòʼì abə mə̀nɔ̀ʼɔ̀ Muse se ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ ya se fàʼà yaʼ abə mə̀mbin ane àkɔ̀ŋì,

Efesùs 6:14

Ane, mbə̀ təm kà, kɔd inug tesiʼ inən ìkyèri icheg ne sogyì we kɔ̀rɔ ìkɔ̀bì. Anug ni təm kòʼ imbìghè abə Ŋwiye ze yaʼ inən ane igo icheg ne atə̰-igo ze yàʼa ane igo abə sogyì.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

1 Tèsàlonikà 3:8

Amad anìŋ ne tì kyeri gha ìwən ibḛfiŋ igun Anɔŋisəg we təm kà, ìta fìŋ fə zùtì.

2 Tès 2:15

Icheg ne ze yaʼ anìŋ, ìmbum məfi fɔrɔ ìtum njàbi, mbə̀ taŋ təm kà ane ìwən ibḛfiŋ bə̀ taŋ nyìmi inug mbe ne tì ya chwiti inən. Mbə̀ nyìmi inug mbe ijìm, kə̀ àkə mbe ne tì ghàmi ghàmi, kə̀ mbe ne tì ŋwàʼri.

Mə̀Hibrù 10:23

Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

1 Pità 2:16

Mbə̀ chughi icheg bəd ne yaʼi awɔb ane ìwɔb ighəm ne kayi ìbòʼì. Si ya gha, imbə̀ʼ mbə̰ si niŋ awən icheg ne mbə̰ mbe chùghə ane ìwən ighəm ni ghì inug tibɔ̀ŋ. Mbə̀ chughi icheg ne bəd àfàʼì Ŋwiye beri ni chughi.

2 Pità 2:19

Mbɔb ya ghà abə bəd ne fèbè gha mbi biri dù inga ngəʼ, ne mbɔb inɔb ya kiri məfeg abə inug tibɔ̀ŋ mbe ne ìtɔb nyàmnyɔd te ghə̀ʼrə̀. Wə̀d ya ifeg abə aghi ne beri ika igun məd.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.

Ɨnû 2:25

Mbèʼ ze ne mə̀ biri zì igun inən ya məyi gha mbə̀ che imbìghè ni nɔ̀ŋì fìŋ igun inum ghò pè ane nyùmə̀ ne mə̀ biri ywiri yeʼe.

Ɨnû 3:3

Ane, kɔndi inug mbe ne mbi ya chwiti ine fɔrɔ inug mbe ne àghò ya bə zug, bə̀ŋì ìze fìŋ se zùgrə inug mbe. Àghò mə ton awe ni nɔ̀ʼ angwḛ, mə biri yeʼe icheg iji. Chəyi àghò biri kyeri nyùmə̀ ne mə̀ biri yeʼe.