Gàlesìyà 4:3 - Ikan feg

³ À ya bə̀ kwàʼ ane tì ina. Anyumə̀ ne tì ya yaʼi bɔn kwa tì ya yaʼ icheg ìbòʼì abə izwighi mbe ne sàʼa isəg gho̰.

Meta’

³ À yɨ əndəŋ əndəŋ mbɨ na. Əne yɨ ni ənɨ tɨ̀ nyaʼə bɔn kwa, tɨ̀ yɨə nyaʼə ɨ̀bòʼò əton ɨzwî mbe nɨ nyaʼə tùmbɨ̀ ɨsɨg.

Gàlesìyà 4:3 ပူးပေါင်းရင်းမြစ်များ

Matìyò 11:28

“Mbə̀ yeʼe abɔ̀ʼ inum, mbə̰ məjìm mbe ne fə bɔri bə̀ bèʼì mbèʼ ni nìri, mə biri ghì gha mbə̀ zwete.

Jn 8:31

Yeso ya ghà abə mə̀Ju mbe ne ya zi ibḛfiŋ igun məd gha, “Mbə̰ mə̀ nyimi ìmə ìngam, mbə biri yaʼ kwàʼ ìmbum mə̀mə̀nənùg.

Ɨ̀fàʼì 15:10

Mbə̰ ya anìŋ zìyè mbèʼ igun bəd Kristo ne ka bèyi mba kə̀ ìmba mə̀mbaʼ aneg chəyi tì tì bèʼì. Aton ne mbə̰ kwàʼrà Ŋwiye anìŋ àkə gha?

Rm 7:14

Tè kyèri gha mə̀nɔ̀ʼɔ̀ Muse ya Azwighi Ŋwiye nàʼi. Chəyi mbi beri ngəʼ. Àsi wə̀d-aku icheg inum, inug tibɔ̀ŋ fə niŋ amə ane àbòʼì.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

2 Kɔrèn 11:20

Tesiʼ ya gha, mbə̰ mbe kɔ̀ŋɔ̀ bəd ne nìŋə awən ane məfeg, kə̀ bəd ne jə̀ghə awɔb igun inən, kə̀ bəd ne nyə̀ʼə̀ awən, kə̀ bəd ne chwìye nyɔd, kə̀ bəd ne nìbè awən kwàʼ igun ìfe.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.

Gàlesìyà 3:19

Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Gàlesìyà 4:2

Wì biri chughi aton bəd mbe ne nèghè aməd fɔrɔ bəd ne nḛ̀ ighi məd anene nyùmə̀ kòʼ ne mbaʼ məd ya nɔŋi gha mbe naʼa ati məd ibo.

Gàlesìyà 4:24

Tì niŋ anug azo̰ icheg anug məgri ne chwìye gha, mə̀yi mbe məbe ya chwìye tikan tibe. Àyi we ne ya gwi bɔn ne biri yaʼ ìbòʼì ya Hagà. Məd təm ane ikan we ne Ŋwiye ya wàri ikaŋ iwum Sanàyì.

Gàlesìyà 4:25

Hagà təm ane iwum Sanàyì inga Àrabìyà. Məd ya Jèrusalèm gho̰ amad anìŋ imbə̀ʼ icheg ne, məd tì bɔn məd ya ìbòʼì.

Gàlesìyà 4:31

Ane ìmbum məfi fɔrɔ ìtum njàbi, mbə̀ kyeri gha, mba kayi bɔn ane àyi we ne yaʼi àbòʼì. Mba ya bɔn ane àyi we ne kayi àbòʼì.

Gàlesìyà 4:8

Mbə̀ wendi gha, a mbègtog ne chəyi mbə̀ ya kiri kyeri Ŋwiye, mbə̰ ya yaʼ ìbòʼì abə mə̀ŋwiye ne kayi bè ighi mɔ̀ʼɔ.

Gàlesìyà 4:9

Amad anìŋ ne mbə̀ kyeri Ŋwiye, ne Ŋwiye fə bə kyeri awən, mbə̀ kə ywìrè zùghrə izwighi mbe ne sàʼa isəg gho̰ ne chəyi mbi beri ika ane aghə? Mbə kə ywìrè kə̀bə̀ ni bḛ ìbòʼì abə izwighi mbe?

Kòlosè 2:20

Mbə̰ ya fə ku tì Kristo. Wì ya fə chì awən ane ika izwighi mbe ne sàʼa isəg gho̰. Aton ne mbə̰ mbe ywìrè chùghə icheg bəd inga isəg àkə gha? Aton ne mbə̰ mbe ywìrè zùgrə mə̀nɔ̀ʼɔ̀ àkə gha: Mə̀nɔ̀ʼɔ̀ ya ghà gha,

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

Mə̀Hibrù 5:12

Mbə̰ ya kiri kə̀bə̀ gha wə̀d ndəŋ chwiti inug mbègtog imbə̀ʼ Ìngam Ŋwiye inən ne nji mbə̰ mbe se chwìte inug mbe abə bəd ndəŋ amad anìŋ. Mbə̰ mbe kiri awən icheg bɔn bɔd ne nyɔ̀ŋɔ ibən, ne nji mbə̰ fə se jə̀ghə tijəg ka ka.

Mə̀Hibrù 7:16

Məd ya wə̀d mbàn Ŋwiye anjìm ika we ne yaʼi inga ìtḛ̀ ne chəyi tì aghi mɔ̀ʼɔ nimni. Məd kayi wə̀d mbàn icheg ne mə̀nɔ̀ʼɔ̀ Muse chwi.