Gàlesìyà 3:2 - Ikan feg

² Mə biri kɔ̀ŋ ni kyeri anug amɔʼ inən; Ŋwiye kə̀ ya nàʼ àzi Azwighi inən imbə̀ʼ icheg ne mbə̀ ya nɔŋi mə̀nɔ̀ʼɔ̀ kə̀ imbə̀ʼ icheg ne mbə̀ ya zughi ikən chɔm imbə̀ʼ Kristo, bḛ?

Meta’

² Mbə̀ sɨ mə biirɨ àmei ənû zɔ̂ ə mɔʼ ɨ nən: Ŋwìə̀ wa nyaʼa nàʼ əzwî ɨ nən ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Gàlesìyà 3:2 ပူးပေါင်းရင်းမြစ်များ

Ɨ̀fàʼì 15:8

Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 8:15

Pità tì Jɔn ya pè angu chàʼra Ŋwiye inɔb ni gha Azwighi Ŋwiye yeʼe igun inɔb.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

1 Kɔrèn 9:21

Anyumə̀ ne mə̀ yaʼi tì bəd ne kayi mə̀Ju, ne chəyi mbi kyeri mə̀nɔ̀ʼɔ̀ Muse, mə̀ ya ghìyə̀ inug icheg wə̀d abɔ̀ʼ inɔb ni ghì gha mbe bḛ Kristo. Kayi ni gha chəyi mə zùgrə mə̀nɔ̀ʼɔ̀ Ŋwiye. Mo ya kwàʼ wə̀d ne zùgrə mə̀nɔ̀ʼɔ̀ Kristo. Mə ya zùgrə mə̀nɔ̀ʼɔ̀ Kristo ni ghì gha bəd ne chəyi mbi beri mə̀nɔ̀ʼɔ̀ mbe pum.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

Gàlesìyà 3:14

Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Gàlesìyà 3:3

Mbə̰ kə kwàʼ inen anìŋ imbə̀ʼ aghə? À ya Azwighi Ŋwiye ya ghi mbə̰ ko anug ni nɔ̀ŋì ìwən ibḛfiŋ igun Kristo. Mbə kə se kə̀bə̀ ni mànì anug Kristo amad anìŋ yaʼ ane ìwən ika?

Gàlesìyà 3:5

Ŋwiye kə nàʼà àzi Azwighi inən bə̀ ghìyə̀ iyeti inug inən imbə̀ʼ icheg ne mbə̀ ya nɔ̀ŋɔ̀ mə̀nɔ̀ʼɔ̀ kə̀ imbə̀ʼ icheg ne mbə̀ zùghə ikən chɔm, bḛ?

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.

Mə̀Hibrù 4:2

Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

Mə̀Hibrù 6:4

Bəd mbe ne chəyi tì mbi ywìrì bə̀ŋì ìtɔb fìŋ ya bəd mbe ne kweʼì kyèri tesiʼ imbə̀ʼ Ŋwiye, bə̀ kweʼì fàʼ inug ane tineʼi tè ne Ŋwiye we nàʼà, Azwighi Ŋwiye bə̀ nyi inɔb inga fìŋ.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.