Gàlesìyà 2:11 - Ikan feg

¹¹ Anyumə̀ ne Pità ya yeʼe a Antìyɔ̀g, mə̀ ya ghàm ibo, kyen məd kwàʼ imbìghè abə bəd məjìm. Mə ya ghàm kyen məd ane imbə̀ʼ icheg ne məd ya ghì anug ne chəyi ze koʼi.

Meta’

¹¹ Ənɨ Pità nyaʼa yeʼe ə Antiɔ̀k, mə nyaʼa ghàm əbɔʼ əməd ɨfě bə̂d. Mə nyaʼa ghàm əbɔʼ əməd ɨmbə̀ʼ ɨghəm nɨ wɨ̀ nyaʼa ghɨ̀ ənû nɨ rɨ kuʼ i.

Gàlesìyà 2:11 ပူးပေါင်းရင်းမြစ်များ

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Jn 1:42

Ane, Andrò ya niŋ aməd ghò abə Yeso. Yeso ya nèn Sayimùn, si ghà ibo gha, “Ìwe ikum ya Sayimùn, ŋwan Jɔn, si ya gha, mbi biri se kàrà awe ane Sefàs.”

Ɨ̀fàʼì 11:19

Anyumə̀ ne mbi ya zweti Stifə̀n, bəd Kristo mbe ne ya sàka imbə̀ʼ icheg ne mbi yaya chɔ̀ʼɔ ìmbɔb ibɔʼì ighog ya nòrò anene mbi mɔ̀ʼɔ ghò pè a Fònisìyà. Mə̀mbin ya ghò pè a Sayiprùs. Mə̀mbin ghò pè a Antìyɔ̀g. Mbi yaya yḛ̀ nè chètè ikən chɔm we məyi abə mə̀Ju.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 11:22

Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 11:27

À ya inga nyùmə̀ gho̰ ne bəd mɔ̀ʼɔ ne yaʼi bədkə̀n Ŋwiye ya nɔ̀ʼi a Jèrusalèm swìʼi ghò a Antìyɔ̀g.

Ɨ̀fàʼì 15:1

Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Ɨ̀fàʼì 15:5

Icheg ne mbi ya mə̀ti inɔb ane, bəd mɔ̀ʼɔ abɔ̀ʼ mə̀Farìsi ne ya bḛ Kristo ya nɔ̀ʼ təm titighe ghà gha, “Mbi mənyìʼ ŋwed bəd mbe ne kayi mə̀Ju icheg ne mə̀nɔ̀ʼɔ̀ Muse chwi bə̀ ghì gha mbi mənyìʼ zùgri mə̀nɔ̀ʼɔ̀ Muse.”

2 Kɔrèn 11:5

Chəyi mə̀ kɔndi gha bəd mbe ne bəd mɔ̀ʼɔ mbe nìŋə ane “bədtɔm Kristo kyen kyen” mbe bèrì ati chè amə.

2 Kɔrèn 12:11

Mə we ghìyə̀ inug icheg anen. À ya mbə tḭ amə gha mə se ghìyə̀ inug icheg anen. À ya mbə̰ ya beri ni chwi gha mə we ghìyə̀ inug ne koʼi. Ka mə̀ ya aghi ako, chəyi mə̀ kə chè bəd mbe ne bəd mɔ̀ʼɔ mbe kàrà ane “bədtɔm kyen kyen”.

2 Kɔrèn 5:16

Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

Gàlesìyà 1:18

Anyumə̀ ne tituʼ titad ya che, mə̀ ya kɔʼ ghò a Jèrusalèm ni taŋ kyeri Pità. Mə ya pè chùghi tì məd ane ineg ìghum chɔ̀b ita̰.

Gàlesìyà 2:14

Anyumə̀ ne mə̀ ya bàri gha chəyi mbɔb mbe bène abɔ̀ʼ tesiʼ we ne yaʼi inga ikən chɔm, mə̀ ya ghàm kyen abə Pità kwàʼ imbìghè abə bəd məjìm. Mə ya kyen ibo gha, “Àghò ya Ju, si ya gha, chəyi àghò we ghìyə̀ inug icheg Ju. Àghò ya ghìyə̀ inug yaʼ icheg wə̀d ne kayi Ju. Àghò kə se ghìyə̀ gha bəd mbe ne kayi mə̀Ju mənyìʼ ghì inug ane ikuchèg aben mə̀Ju iye?”

Gàlesìyà 2:5

Chəyi tì ya bḛ anug ze ne mbɔb yaya ghà ka bèyi iki piʼì, ni ghì gha mbə̀ che imbìghè ni nyimi ikən chɔm tesiʼ we ne tì ya gha inən.

Gàlesìyà 2:7

Mbɔb ya bàd yaʼ gha, Ŋwiye ya zì anug ni chètì ikən chɔm inum ikye abo, chà amə abə bəd ne kayi mə̀Ju, bə̀ kwàʼ icheg ne wì ya zi anug ni chètì ikən chɔm ikye abo abə Pità, chà aməd abə mə̀Ju.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.

1 Timotì 5:20

Bəd mɔ̀ʼɔ mə̀ ya ghìyə̀ inug tibɔ̀ŋ ne chəyi mbi bḛ ni bə̀ŋì ìtɔb fìŋ, àghò ghama gaŋ inɔb imbìghè abə bəd Kristo məjìm, ni ghì gha àbùʼì bəd bɔ ni ywìri ghì inug tibɔ̀ŋ.

Jems 3:2

Mba məjìm mbe fèbè ane mənɔnjì nɔʼ nɔʼ. Wə̀d mɔ̀ʼɔ mə̀ yaʼ angu ne chəyi we kweʼè fèbè ane inug ne we ghà, nji tengàŋ bɔ̀ŋ mànì bə̀ yaʼ wə̀d ne taŋ kyèri icheg ni nyimi ìwi nyɔd.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.