Gàlesìyà 1:6 - Ikan feg

⁶ Anug ze chè amə imbə̀ʼ icheg ne mə we zùghə gha mbə̰ mbe fə se sàŋà Ŋwiye we ne ya ghi ìchɔ̀mì inən anjìm Kristo, kàrì awən. Mbə̰ mbe sàŋà aməd se bḛ anug ndəŋ gha à ya ikən chɔm.

Meta’

⁶ Zɨə chè əmɨ ni mbə mbɨə kɨə zàmbɨ̀ə̀ waʼ əməd we nɨ nyaʼa tɔŋ əwən ni mbə̀ yeʼ mbi bə̂d ənjìm ɨ̀chɔ̀m we nɨ Kristo ə ghɨ̀ə̀, sɨə beenɨə yeʼ əbɔʼ ɨkə̂n chɔ̀m cherə.

Gàlesìyà 1:6 ပူးပေါင်းရင်းမြစ်များ

Mk 6:6

Anug ya chè aməd icheg ne chəyi mbi ya beri ibḛfiŋ. Yeso yaya yḛ̀ nè chwìte inug inga isiŋi mbe ne ya yaʼi iban iban.

Jn 9:30

Wə̀d we ya ywìtì gha, “À ze ya kwàʼ tìsɔ̀ʼ anug gha chəyi mbə̰ kyeri asiŋi ne wì nɔ̀ʼi angu. Anug ne mə̀ kyeri ya gha, wè ghù mə, ghì mə se bàrà isiŋi.

Ɨ̀fàʼì 15:11

Tesiʼ ya gha, tè bḛ gha mba fə dù inga ngəʼ anjìm ìchɔ̀mì we ne Anɔŋisəg Yeso ghi ina. Tè bə̀ bḛ gha à ya anjìm ìchɔ̀mì we ne mbɔb bə dù inga ngəʼ.”

Rm 10:3

Icheg ne chəyi mbi kyeri inɔnjì ne Ŋwiye we ghìyə̀ bəd təmə kòʼò ibo imbìghè, mbi ya se zɔ̀ŋɔ̀ ni tangi ìtɔb tikuchèg ni təm kòʼ. Ane, chəyi mbɔb ya bḛ icheg ne Ŋwiye we ghìyə̀ bəd təmə kòʼò.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

1 Kɔrèn 4:15

Ka mbə bèrì bəd chuʼ ìghum ne chwìte inug imbə̀ʼ Kristo inən, tesiʼ ya gha, chəyi mbə̀ beri mə̀mbaʼ nɔʼ nɔʼ. Icheg ne mə̀ ya gha ikən chɔm inən, mo ya ìwən mbaʼ icheg ne tì yaʼi ane ifɔti tì Yeso Kristo.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

Gàlesìyà 1:11

Ìmbum məfi fɔrɔ ìtum njàbi, mə kə̀b gha mbə̀ kyeri gha ikən chɔm gho̰ ne mo we ghà anìŋ ya kayi anug ne wə̀d-aku tàngi.

Gàlesìyà 1:15

Si ya gha, bɔŋ mbi ya se gwi mə, Ŋwiye ya fə ghì ìchɔ̀mì inum, chɔʼ amə gha mə̀ yaʼ wə̀d àfàʼì məd.

Gàlesìyà 1:7

Tesiʼ ya gha, chəyi bèyi ikən chɔm ndəŋ angu. À ya gha, bəd mɔ̀ʼɔ mbe kə̀bə̀ ni bùrì ìmbən itog bə̀ kə̀bə̀ ni kɔpi ikən chɔm imbə̀ʼ Kristo ne ya ikən tesiʼ.

Gàlesìyà 2:14

Anyumə̀ ne mə̀ ya bàri gha chəyi mbɔb mbe bène abɔ̀ʼ tesiʼ we ne yaʼi inga ikən chɔm, mə̀ ya ghàm kyen abə Pità kwàʼ imbìghè abə bəd məjìm. Mə ya kyen ibo gha, “Àghò ya Ju, si ya gha, chəyi àghò we ghìyə̀ inug icheg Ju. Àghò ya ghìyə̀ inug yaʼ icheg wə̀d ne kayi Ju. Àghò kə se ghìyə̀ gha bəd mbe ne kayi mə̀Ju mənyìʼ ghì inug ane ikuchèg aben mə̀Ju iye?”

Gàlesìyà 2:2

Mə ya ghò imbə̀ʼ icheg ne, à ya Ŋwiye ya ghàmi inum gha mə gho angu. Mə ya pè angu, tòʼrì ikən chɔm we ne mə̀ yaya chètè abə bəd mbe ne kayi mə̀Ju. Mə ya tòʼrì məyi abə itog bəd inga ifeti bəd Kristo we a Jèrusalèm. Mə ya ghì ane ni gha itog bəd Kristo mbe bara gha, àfàʼì ze ne mə̀ fə fàʼi tì àfàʼì ze ne mə fàʼà, chəyi ze biri chè ako.

Gàlesìyà 2:5

Chəyi tì ya bḛ anug ze ne mbɔb yaya ghà ka bèyi iki piʼì, ni ghì gha mbə̀ che imbìghè ni nyimi ikən chɔm tesiʼ we ne tì ya gha inən.

Gàlesìyà 2:7

Mbɔb ya bàd yaʼ gha, Ŋwiye ya zì anug ni chètì ikən chɔm inum ikye abo, chà amə abə bəd ne kayi mə̀Ju, bə̀ kwàʼ icheg ne wì ya zi anug ni chètì ikən chɔm ikye abo abə Pità, chà aməd abə mə̀Ju.

Gàlesìyà 5:14

imbə̀ʼ icheg ne mə̀nɔ̀ʼɔ̀ məjìm fə fɔtɔ ane anug amɔʼ: Anug ze ya gha, “Àghò kɔŋɔ wə̀d ne yaʼi iban ine icheg ne àghò kɔ̀ŋi ìwe nyɔd.”

Gàlesìyà 5:4

Wə̀d ne kə̀bə̀ gha mə̀nɔ̀ʼɔ̀ ghiyə wì təm kòʼ imbìghè abə Ŋwiye, tengàŋ kyeri gha chəyi ywìrè məd ane anug amɔʼ tì Kristo. Tengàŋ kyeri gha wì fə bə̀ to̰ yi ìchɔ̀mì we ne Ŋwiye ghi ina.

2 Tès 2:14

Ŋwiye ya chè anjìm ikən chɔm we ne tì ya ghàmi inən kàrì awən gha mbə̀ pum ni ghì gha mbə̀ bere ighumni icheg ne Anɔŋisəg Yeso Kristo bə bèrì.

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

1 Timotì 1:3

Mə ya ghà ine anyumə̀ ne mə̀ yaya ghò a Màsèdonìyà gha àghò chughi a Efesùs ni ghì gha imbə̀ʼ bəd mɔ̀ʼɔ ywiri chwiti awɔb tikə tibɔ̀ŋ abə bəd.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

2 Timotì 2:1

Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo.

1 Pità 1:15

Mbə̀ se ghìyə̀ inug ijìm inga ìzḛzḛ icheg ne Ŋwiye we ne ghi mbə̰ si bɔn məd bə yaʼ inga ìzḛzḛ.

2 Pità 1:3

Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

Ɨnû 22:21

Anɔŋisəg Yeso ghiyə ìchɔ̀mì abə bəd Ŋwiye məjìm. À ya ane.