Gàlesìyà 1:4 - Ikan feg

⁴ Anɔŋisəg Yeso Kristo ya fə nàʼ ìwi nyɔd ane aghi àfàtì imbə̀ʼ ìmba inug tibɔ̀ŋ. Wì ya ghì ane ni chì awa inga nyùmə̀ isəg inug tibɔ̀ŋ gho̰. Wì ya ghì ane icheg ne Ŋwiye ne yaʼi ìwa Mbaʼ kə̀bi.

Meta’

⁴ Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Gàlesìyà 1:4 ပူးပေါင်းရင်းမြစ်များ

Matìyò 13:22

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 26:28

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Matìyò 26:42

Anyumə̀ ne Yeso ya gha ane, wì ya ywìrì ghò chàʼra Ŋwiye ane ighəm ne pè ane ibe gha, “Ìmə Mbaʼ, àmə chəyi icheg ne tì Àghò chi ngəʼ ìzo̰ igun inum, nji àghò ghiyə icheg ne àghò kə̀bi.”

Matìyò 6:9

Ane, mbə̀ chaʼra Ŋwiye anìŋ: ‹Ìwa Mbaʼ ikaŋ àbɔ̀ŋɔ, Ghiyə gha bəd ghumni ìwe ikum.

Mk 10:45

Mə ya ghà anìŋ imbə̀ʼ icheg ne chəyi Ŋwan Wə̀d yèʼe gha bəd faʼa ibo. Wì ya yèʼe ni fàʼ abə bəd, bə̀ ku ni zeri bəd nɔʼ nɔʼ.”

Lk 22:19

Wì ya bə̀ niŋ ngə̀ŋ mə̀kara ze nàʼ məyakà abə Ŋwiye, bə̀ʼri nàʼ inɔb, si gha, “Aŋa ya ìmə nyàmnyɔd ne mə nàʼi imbə̀ʼ awən. Mbə̀ ghì jə̀ghə anìŋ se wende mə.”

Lk 22:42

“Ìmə Mbaʼ, àghò mə kɔ̀ŋ, chì ngəʼ ìzo̰ igun inum. Faʼa anug ze ne àghò kə̀bi, kayi àze ne mə̀ kə̀bi.”

Jn 10:11

Yeso ya chè imbìghè ghà inɔb gha, “Mo ya àjənjə̀g chɔm. Àjənjə̀g chɔm ya bḛ ni ku imbə̀ʼ ìti njə̀g.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 5:30

Chəyi tì mə ghì aghi mɔ̀ʼɔ ane ìmə ika. Mə ya sàʼa bəd məyi icheg ne Ŋwiye gha inum. Mə ya sɔ̀bɔ isaʼi ane icheg ne koʼi imbə̀ʼ icheg ne chəyi mə ghìyə̀ anug ne mə̀ kɔndi. Mə ya ghìyə̀ yaʼ anug ne wə̀d ne cha amə kə̀bi.

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 12:2

Imbə̀ʼ mbə̰ ghiyə awən inug icheg we ne bəd inga isəg mbe ghìyə̀. Ane, mbə̀ saŋa Ŋwiye kɔpi ìwən ikuchèg icheg ne məd we nàʼà tikɔndi feg inən. Àze biri ghì gha mbə̀ kyeri inug mbe ne məd kə̀bi. Inug mbe ne məd kəbi ya inug chɔm tì inug ne wì kɔ̀ŋi fɔrɔ inug ne koʼi ibo.

Rm 4:25

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Rm 8:27

Ŋwiye we ne bàrà inug mbe ne yaʼi inga ìta fìŋ, à ya məd kyeri anug ne Azwighi Ŋwiye ze kɔ̀ndɔ. À ya ane imbə̀ʼ icheg ne Azwighi Ŋwiye ya bòʼo ibo abə Ŋwiye atog abə bəd Ŋwiye, ghà inug kwàʼ icheg ne Ŋwiye kə̀bi.

Rm 8:3

Anug ne Ŋwiye fàʼi ya anug ne chəyi tì mə̀nɔ̀ʼɔ̀ ya fàʼ imbə̀ʼ icheg ne inug mbe ne wə̀d we ghə̀ʼrə̀ fə ghì wə̀d bɔd. Wì fə chì ika we ne inug tibɔ̀ŋ beri igun bəd icheg ne wì cha ìwi Ŋwan wì yèʼe igun isəg icheg wə̀d inug tibɔ̀ŋ pè nàʼ àzi atog ane aghi àfàtì imbə̀ʼ inug tibɔ̀ŋ bəd ndəŋ.

Rm 8:32

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

1 Kɔrèn 15:3

Anug kyen mbègtog ne mbi ya gha inum, mə̀ ya bə̀ ghà inən. Anug ze ya gha Kristo ya ku imbə̀ʼ ìmba inug tibɔ̀ŋ icheg ne mbi ya ŋwàʼri inga Àŋwàʼrì Ŋwiye.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Efesùs 1:11

Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Efesùs 5:16

Mbə̀ ya fàʼà inug chɔm mà nyumə̀ ijìm ne mbə̀ beri apan imbə̀ʼ icheg ne bəd mbe ghìyə̀ inug tibɔ̀ŋ ne nɔʼi ako inga nyùmə̀ isəg gho̰.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

Fìlipì 4:20

Tè naʼa ighumni abə ìwa Ŋwiye ne yaʼi Mbaʼ ane ighə̀m imɔʼ. À ya ane.

1 Tèsàlonikà 1:3

Mà nyumə̀ ijìm ne te chàʼrà Ŋwiye tì we wènde àzən àfàʼì abə Ŋwiye ne yaʼi ìwa Mbaʼ. À ya àfàʼì ne mbə̰ mbe fàʼà imbə̀ʼ icheg ne mbə̀ zì ibḛfiŋ igun Kristo fɔrɔ imbə̀ʼ icheg ne mbə̰ mbe kɔ̀ŋɔ̀ ìmbən məfi fɔrɔ ìtən njàbi ne tì yaʼi ane anug amɔʼ inga Kristo. Tì we bə̀ wènde icheg ne mbə̰ mbe nyìʼè inug imbə̀ʼ icheg ne mbə̀ nɔŋi ikɔndi igun ìwa Anɔŋisəg Yeso Kristo.

1 Tèsàlonikà 3:11

Ŋwiye zìye ne yaʼi ìwa Mbaʼ tì Anɔŋisəg Yeso, mbe ghiyə inɔnjì fiʼe tì yeʼe bàd awən.

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

2 Tès 2:16

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha,

1 Timotì 2:6

À ya məd ne ya nàʼi àzi atog ni pumni bəd məjìm. Aŋa ya ikən we ne nyùmə̀ kòʼi, Ŋwiye gha abə bəd məjìm.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 2:5

Chəyi Ŋwiye nɔ̀ŋì isəg feg gho̰ ne te ghàmà imbə̀ʼ ìwiwən gha mbè angirə̀ be tùmbə̀.

Mə̀Hibrù 6:5

À ya bəd mbe ne kweʼì bàd ìchɔ̀mì we ne yaʼi inga Ìngam Ŋwiye, bə̀ kyèri ika we ne yaʼi inga nyùmə̀ isəg we ne yèʼe.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Jems 4:4

Mbə̰ ya icheg mə̀yi nami ne kiri nɔ̀kɔ̀ mbaŋà ndəŋ. Àkə chəyi mbə̀ kyeri gha, wə̀d ne jə̀ghə àsə̀ʼ tì isəg ya wə̀d ìpàb Ŋwiye? Mbə̀ kyeri gha, wə̀d ne kɔ̀ŋɔ̀ anug ni jəg àsə̀ʼ tì isəg ya wə̀d ìpàb Ŋwiye.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Jɔn 2:2

Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.