Gàlesìyà 1:16 - Ikan feg

¹⁶ Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.

Meta’

¹⁶ nɨ chwi i Wan ɨ num, ɨmbə̀ʼ mə̀ gha ɨkə̂n chɔ̀m ɨmbə̀ʼ əməd əmbɨ ə bə̂d mbe nɨ kaʼi mɨ̀Jû. Ənɨ wɨ̀ nyaʼa ghɨ ɨ̀chɔ̀m we ənɨ ə num əne, chəi mə̀ nyaʼa ghambɨ mbɨ wə̀d mɔʼɔ.

Gàlesìyà 1:16 ပူးပေါင်းရင်းမြစ်များ

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Matìyò 26:41

Mbə̀ chughi ikyèʼi chàʼra Ŋwiye ni gha imbə̀ʼ mbə̰ nɔ̀ʼ nyi inga àkwàʼrì. Fìŋ ze kə̀bə̀ gha mbə̀ ghiyə anug ne koʼi, si ya gha, nyàmnyɔd bɔd.”

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

1 Kɔrèn 15:50

Ìmbum məfi fɔrɔ ìtum njàbi, anug ne mə ghà inən ya gha, chəyi wə̀d ne beri nyàmnyɔd tì anəm inga biri jəg anug ìfɔ̀n Ŋwiye. Chəyi nyàmnyɔd ze ne kùyə biri jəg ighi mbe ne yàʼa ane ighə̀m imɔʼ.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

2 Kɔrèn 5:16

Ane, ni ko tèchɔ̀ŋ, chəyi te ywìrè nḛ̀ wə̀d icheg ne wə̀d-aku we nḛ̀. Ka tì ya bì kweʼì nèn Kristo icheg ne bəd-aku mbe nḛ̀, chəyi te ywìrè nḛ̀ aməd ane.

Gàlesìyà 2:1

Ane tituʼ ìghum chɔ̀b ikwè ya fə che, mə̀ ya bə̀ ywìrì kɔʼ ghò a Jèrusalèm. Mə ya ghò tì Bànabàs ane gho̰ tì ighəm. Mə ya bə̀ niŋ Tayitùs tì fɔrɔ ghò inɔn.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 6:12

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

1 Tèsàlonikà 2:16

Mbɔb yaya kə̀bə̀ ni kən gha imbə̀ʼ tì ghama awa ikən we ne ghìyə̀ bəd pumə̀ abə bəd mbe ne kayi mə̀Ju. Ìwɔb ikuchèg gho̰ ya ghì ìmbɔb inug tibɔ̀ŋ sweg mànì. Ŋwiye ya nwḭ̀yḛ̀ gaŋ inɔb kwàʼ icheg chɔm.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.