Fìlipì 2:8 - Ikan feg

⁸ Məd we ne ya niŋi nyàmnyɔd si yaʼ wə̀d-aku, wì ya swi ìwi nyɔd aseg, zùgrə Ŋwiye ghò pè ane wì ya bḛ ni ku. Wì ya ku ane yaʼi igun azed abaʼri.

Meta’

⁸ Ɨchî nɨ wɨ̀ yɨə nyaʼə wə̀d mɨ̀sɔŋɨchù əne, wɨ̀ nyaʼa swi i ɨnyod, zuunɨ wò pè ənɨ wɨ̀ nyaʼa benɨ nɨ kwɨ. Wɨ̀ nyaʼa kwɨ əzed ə baʼnɨ.

Fìlipì 2:8 ပူးပေါင်းရင်းမြစ်များ

Matìyò 17:2

Anyumə̀ ne mbɔb ya pe angu, məd ya bə̀ŋə̀ inɔb imbìghè. Ìfe məd yaya se zùʼə kwàʼ icheg nyùmə̀. Ndwi məd yaya bə̀ se njàndi njandi.

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Matìyò 26:42

Anyumə̀ ne Yeso ya gha ane, wì ya ywìrì ghò chàʼra Ŋwiye ane ighəm ne pè ane ibe gha, “Ìmə Mbaʼ, àmə chəyi icheg ne tì Àghò chi ngəʼ ìzo̰ igun inum, nji àghò ghiyə icheg ne àghò kə̀bi.”

Lk 9:29

Icheg ne Yeso yaya chàʼrà Ŋwiye, ìfe məd ya kɔpɔ. Ndwi məd ya bə̀ kɔ̀pɔ se njàndi njandi icheg àŋwàŋwaŋ.

Jn 10:18

Chəyi tì wə̀d mɔ̀ʼɔ niŋ ìmə ìtḛ̀ ka. À ya mo kɔ̀ŋi ni ku. Mo bèrì ika ni ku bə̀ bèrì ika ni ywiri yaʼ izɔm. Aŋa ya àfàʼì ne ìmə Mbaʼ fə zì inga ìtum tikye ibo.”

Jn 14:31

Si ya gha, bəd igun isəg beri ni kyeri gha mə kɔ̀ŋ ìmə Mbaʼ, bə̀ kyèri gha mə̀ ya fàʼà məyi anug ze ne wì gha mə fàʼa. Mbə̀ yeʼe tì ko ghò awa.”

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Ɨ̀fàʼì 8:33

Mbi ya zì tìnìrètog igun məd. Chəyi mbi ya saʼi isaʼi məd ane icheg ne koʼi. Chəyi wə̀d mɔ̀ʼɔ ne tì wì gha anug mɔ̀ʼɔ imbə̀ʼ aghaŋ inəbi məd. À ya ane imbə̀ʼ icheg ne ìtḛ̀ məd igun isəg fə mèg yi.”

Rm 5:19

Icheg ne wə̀d imɔʼ ya ghi tìzughə̀ ghì bəd nɔʼ nɔʼ se ghìyə̀ inug tibɔ̀ŋ, à ya bə̀ ane ne wə̀d imɔʼ zùgrə Ŋwiye, bəd nɔʼ nɔʼ si təm kòʼ imbìghè abə Ŋwiye.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 12:4

Mbə̀ kyeri gha chəyi mbə kiri zɔŋi ni ton inug tibɔ̀ŋ ghò pè ane ati ne bəd mbe se kə̀bə̀ ni zweti awən.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.