3 Jɔn 1:6 - Ikan feg

⁶ Mbi fə mə̀tì icheg ne àghò we kɔ̀ŋɔ̀ bəd abə ifeti bəd Kristo we ne yaʼi aŋa. Mə boʼ ibo ine, àghò wete awɔb, chà awɔb mbe gho ane ikuchèg ne Ŋwiye biri kɔ̀ŋ.

Meta’

⁶ Mbɨ fə ghà əmbɨ ɨfetɨ wɨ rɨ əgha ɨmbə̀ʼ ɨchî nɨ àwɔ̀ ə ghaʼə bə̂d. À bɨrɨ fə kàŋ ghɨ̀ ənû ə chɔ̀m əwù ze nɨ à naʼ ɨghɨ mbe nɨ mbɨ kəbɨ ənɨ mbɨə sɨə wɨrɨə wò ə. Əze ə bɨrɨ kaŋ bɔ̀ŋ əmbɨ ə Ŋwìə̀,

3 Jɔn 1:6 ပူးပေါင်းရင်းမြစ်များ

Ɨ̀fàʼì 15:29

Inug mbe ya gha: Imbə̀ʼ mbə̰ jəg awən ighijəg ne mbi naʼi ni jə mə̀ŋwiye. Imbə̀ʼ mbə̰ kud awən nyam ne mbi swḛni swḛni. Imbə̀ʼ mbə̰ jəg awɔb anəm. Imbə̀ʼ mbə̰ bə ghiyə awən anug ni nɔ̀kì mə̀yi kə̀ nɔ̀kì mbaŋà abu abu. Ze biri yaʼ anug chɔm inən anyumə̀ ne chəyi mbə̰ mbe ghìyə̀ inug mbo̰. Ane, mbə̀ si chùghi icheg chɔm.”

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 21:5

Si ya gha, ane ìwa nyumə̀ ni ghò ya kòʼi, tì ya sàŋì awɔb ghò awa. Mə̀mə̀nənùg məjìm tì ìmbɔb mə̀yi fɔrɔ ìmbɔb bɔn ya niŋ awa ni ghò chà. Mbɔb ya beni abɔ̀ʼ ina anene dù ikye aben yèʼe pè iban igyi tìbà. Tì ya pè angu chìmbì itog inwḭ aseg chàʼra Ŋwiye.

Rm 15:24

Mə we chùʼrə gha anyumə̀ ne mə̀ ghò a Spen, mə biri chè aghɔ bàd awən. Ikɔndi ne mə beri ya gha, anyumə̀ ne tì mughi ane iki nyumə̀ mɔ̀ʼɔ, mbə̰ biri nàʼ àwètì inum mə si ghò a Spen.

2 Kɔrèn 1:16

Mə ya chuʼri nyɔd gha, mə biri chè mùg awən anyumə̀ ne mə̀ ghò a aba aben ze Màsèdonìyà bə̀ ywìrì chè mùg awən anyumə̀ ne mə̀ kùrə imbə̀ʼ mbə̀ naʼa àwètì inum ni ghò a Jùdeyà.

Fìlipì 4:14

Mbə̰ ya ghì anug chɔm icheg ne mbə̀ ya wèti amə anyumə̀ ne mə̀ ya yaʼi inga ngəʼ.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

Tayitùs 3:13

Àghò kirə ika ijìm ni chà Àpolòs tì Zenàs we ne yaʼi wə̀d mə̀nɔ̀ʼɔ̀. Àghò ghiyə mbɔb bere ighi ijìm mbe ne mbɔb koʼi ni bèrì inɔnjì icheg mbe yèʼe.

1 Pità 2:20

Ze kə wètè awe iye anyumə̀ ne àghò gùghi anug, mbi chə awe, àghò nyìʼ fìŋ? Mbi mə̀ chə wə̀d ne ghi anug chɔm, wì nyìʼ fìŋ, Ŋwiye biri zì àbɔrɔ̀bɔd igun məd.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.