3 Jɔn 1:2 - Ikan feg

² Ìmə ìsə̀ʼ ne mə̀ taŋ kɔ̀ŋ, mə we chàʼrà Ŋwiye gha inug ijìm yḛ̀ tì ine kwàʼ icheg chɔm. Mə we bə̀ chàʼrà Ŋwiye gha ìwe nyɔd yaʼ icheg chɔm icheg ne àghò bə nyìmi anug Ŋwiye kwàʼ icheg chɔm.

Meta’

² Wum aŋgɔb nɨ mə̀ ghaʼi kwàʼ rɨŋgəʼ, mə wɨə kɔ̀ŋgɨ̀ ə Ŋwiə̀ ni ɨnû jìm yen mbɨ ne kwàʼ ɨchî chɔ̀m. Mə wɨə bə̀ kɔ̀ŋgɨ̀ə̀ ni e ɨnyod kaanə ɨchî nɨ e fîŋ bə̀ kàànɨ̀.

3 Jɔn 1:2 ပူးပေါင်းရင်းမြစ်များ

Matìyò 9:12

Yeso ya zug anug ne mbɔb biri si ywìtì gha, “Bəd ne kə̀bə̀ wə̀d ifuʼ kayi bəd ne yaʼi icheg chɔm. À ya bəd ne ghɔ̰̀.

Fìlipì 2:27

Tesiʼ ya gha, məd yaya ghɔ̰̀. Wì ya fə ŋa kùyə. Si ya gha, à ya Ŋwiye ya si sɔ̀mnɔ̀ igun məd. Chəyi Ŋwiye ya beri àsɔ̀mnəfiŋ məyi igun məd. Wì ya bèrì àsɔ̀mnəfiŋ fɔrɔ igun inum nji Èpàfròditùs ya ku, mə bèrì ibəʼ.

Fìlipì 2:4

Imbə̀ʼ wə̀d imɔʼ imɔʼ abɔ̀ʼ inən si ya nḛ̀ yi məyi inug ne bɔŋi ibo. Wì ya bə̀ nḛ̀ fɔrɔ inug ne bɔŋi abə bəd ndəŋ.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

2 Tès 2:13

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Jems 5:12

Ìmbum məfi fɔrɔ ìtum njàbi, ijiʼi anug ya gha, imbə̀ʼ mbə̰ zɔ̀m awən anug, ka. Kə̀ àkə ni zɔ̀m ane ikaŋ àbɔ̀ŋɔ kə̀ ane ìseg, kə̀ bə̀ yi ane aghi mɔ̀ʼɔ ndəŋ. Mbə̀ ya bḛ məyi gha; “E!” kə̀ “Indèʼ!” Mbə̰ mə̀ ya bḛ ane, chəyi Ŋwiye biri gha mbə gùg anug.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.

Ɨnû 2:9

Mə kyèri icheg ne àghò we zə̰ ngəʼ bə̀ kyèri icheg ne àghò fùmi. Si ya gha, àghò ya wə̀d ikab. Bəd mbe ne gha mbɔb ya mə̀Ju, ne chəyi mbi yaʼi kwàʼ mə̀Ju, mə kyèri inug mbe ne mbɔb mbe ghà ni chìkì ìwe ikum. Mbɔb ya bəd inga ifeti Sàtàn.