3 Jɔn 1:10 - Ikan feg

¹⁰ Anyumə̀ ne mə̀ biri yeʼe, mə biri mə̀tì inug tibɔ̀ŋ mbe ne məd we ghìyə̀ bə̀ mə̀tì tìngam tibɔ̀ŋ te ne məd we ghàmà imbə̀ʼ awa. Icheg ni gha chəyi inug tibɔ̀ŋ məd kiri koʼi, məd we to̰ yi ni niŋ məfi mbin ne yḛ̀ nè ghàmà Ìngam Ŋwiye inga ifeti bəd Kristo. Mə biri bə mə̀tì icheg ne məd we bə̀ ghà abə bəd ndəŋ gha imbə̀ʼ mbi niŋ awɔb bəd mbe. Məd fə bə̀ kamni bəd Kristo mbe ne kə̀bə̀ ni niŋ bəd mbe, chì inga ifeti bəd Kristo.

Meta’

¹⁰ Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.

3 Jɔn 1:10 ပူးပေါင်းရင်းမြစ်များ

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 9:22

Mbaʼ məd tì ngɔb məd ya ghàm anìŋ imbə̀ʼ icheg ne mbi yaya bɔ itog bəd mə̀Ju. Itog bəd mə̀Ju ya fə sìb gha, wə̀d ne biri bḛ gha, Yeso ya Wə̀d we ne Ŋwiye zɔ̀ʼi, mbi biri kamni aməd chì inga ichamì Ŋwiye.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

2 Kɔrèn 13:2

Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ.

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

1 Timotì 5:13

Kayi məyi aze, mbi biri kwembi anug ni ghì igwed. Mbi biri bə ko ŋa nyìte nəb. Kayi məyi anug ni ghì igwed, mbi biri ko ŋa ghìyə̀ mbinìghe bə̀ ko se zìyè ichug inga inug mbe ne chəyi mbi zi awɔb. Mbi biri bə ko se ghà inug ne chəyi mbi kə beri ni ghà.

2 Jɔn 1:10

Ane, wə̀d mɔ̀ʼɔ mə̀ yèʼe inən ne chəyi we chwìte inug mbo̰, imbə̀ʼ mbə̰ niŋ awən məd inga ìmbən ichan kə̀ bì chàʼrì aməd.

2 Jɔn 1:12

Mə bèrì inug nɔʼ nɔʼ ni ghà inən, si ya gha, chəyi mə̀ kə̀bi ni zì inga àŋwàʼrì. Anug ne mə̀ kəbi ya ni yeʼe abɔ̀ʼ inən imbə̀ʼ tì ya mùghə̀ nḛ̀ tìfe. Àze biri ghì tì se taŋ gyènde.

3 Jɔn 1:3

Mə ya taŋ gyen ane nyùmə̀ ne məfi mɔ̀ʼɔ ya yeʼe pè ghà inug inum imbə̀ʼ icheg ne àghò we bène abɔ̀ʼ tesiʼ. Mə kyèri gha àghò we taŋ bène abɔ̀ʼ tesiʼ we aghəm ajìm.

3 Jɔn 1:5

Ìmə ifi ne mə̀ taŋ kɔ̀ŋ, àghò we taŋ fàʼà ane ìze fìŋ ijìm icheg ne àghò we taŋ ghìyə̀ inug chɔm abə bəd Kristo fɔrɔ abə mbe ne chəyi àghò bi kyèri awɔb.