2 Timotì 4:4 - Ikan feg

⁴ Bəd biri to̰ awɔb ni ya zùghə tesiʼ, si bə̀ŋə̀ ghò se zùghə tìmùghì twaŋi.

Meta’

⁴ Mbɨ bɨrɨ zindɨ mbə ɨ̀tǒŋ nɨ zu ɨnû rəsìʼ. Əne mbɨ bɨrɨ bèŋ sɨə zwetɨə yeʼ tɨpoʼ əko.

2 Timotì 4:4 ပူးပေါင်းရင်းမြစ်များ

Matìyò 13:15

À ya ane imbə̀ʼ icheg ne fìŋ abə bəd mbo̰ fə tu. Mbɔb fə bə̀ ghùpì ìmbɔb ìtɔ̀ŋi. Mbɔb fə bə̀ kùbri àzɔb aghə. Àkə aghi ne chəyi ze yaʼi ane, nji mbɔb biri nèn, bàd, zwèri zug bə̀ kyèri inga ìtɔb fìŋ, si bə̀ŋì fìŋ yèʼe inum, mə ghù awɔb.›

Ɨ̀fàʼì 7:57

Bəd mbe ne sàʼa aben ya zug ane, kyen ane gì ka ka, niŋ ìmbɔb ibo kùbri ìmbɔb ìtɔ̀ŋi, si nɔ̀ʼ sùyə̀ igun məd mbɔb məjìm.

2 Tès 2:11

À ya aton ne Ŋwiye biri sàŋì awɔb gha mbe febre, se bḛ yaʼ inug ako wən.

1 Timotì 1:4

Gha inɔb gha imbə̀ʼ mbi ziye awɔb atog igun tìmùghì ako fɔrɔ igun inug imbə̀ʼ tiwaŋ inəbi ne chəyi ìnwḭ. Inug mbo̰ ya zìyè yaʼ àbùrì inga bəd. Chəyi iku inug mbo̰ mbe ghìyə̀ gha bəd kyeri inug mbe ne Ŋwiye kə̀bi. À ya məyi anjìm ibḛfiŋ ne bəd biri kyeri inug mbe ne Ŋwiye kə̀bi.

1 Timotì 4:7

Imbə̀ʼ àghò bere awe anug mɔ̀ʼɔ ni ghì tì tìmùghì twaŋi ne chəyi te ghìyə̀ gha bəd kyeri Ŋwiye. Nɔ̀ŋɔ àze atog ni kyeri inug mbe ne biri ghì gha àghò taŋ zì fìŋ ane anug Ŋwiye.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

2 Timotì 1:15

Àghò kyeri gha bəd Kristo məjìm inga aba aben ze a Esìyà fə waʼ amə. Fìgelùs tì Hèmògenès fə bə̀ waʼ amə.

Tayitùs 1:14

Ane, chəyi mbɔb biri ywìri nɔ̀ŋì atog igun tìmùghì ako te abə mə̀Ju kə̀ nɔ̀ŋì atog igun tikə te ne bəd mbe ne to̰ awɔb inug tesiʼ mbe ghà.

Mə̀Hibrù 13:25

Ŋwiye ghiyə ìchɔ̀mì inən mbə̰ məjìm.

2 Pità 1:16

Chəyi tì ya niŋi tìmùghì ako te ne bəd mbe ne gha mbɔb bèrì iwe mbe mə̀tə̀, ni ghàm inən anyumə̀ ne tì ya gha inug imbə̀ʼ ika Anɔŋisəg Yeso Kristo fɔrɔ inug imbə̀ʼ nyumə̀ we ne wì biri ywiri yeʼe. Mba mbo̰ ya bəd ne ya bàri ati anyumə̀ ne Ŋwiye ya chà ìzḛzḛ njandi njandi igun məd.